95 ദിവസം എല്ലാം സഹിച്ചു പെര്‍ഫോമന്‍സ് നടത്തിയവര്‍ക്ക് അല്‍പ്പം മുന്‍ഗണന നല്‍കണം, വോട്ടിംഗിനെ കുറിച്ച് അശ്വതി

വോട്ടിങ് ആലോചിച്ചു ചെയ്ത് അതു യഥാര്‍ത്ഥത്തില്‍ അര്‍ഹിക്കുന്നവരുടെ കൈയില്‍ എത്തിക്കുക എന്നാണ് അശ്വതി പറയുന്നത്. നടിയുടെ വാക്കുകളിലേക്ക്; ബിഗ്ബോസ് ഹൗസ് അടച്ചെങ്കിലും, ഇപ്പ്രാവശ്യം വിജയിയെ കണ്ടെത്തി അവസാനിപ്പിക്കാന്‍ ആണ് തീരുമാനം എന്നു നമ്മളെല്ലാവരും അറിഞ്ഞല്ലോ. ഇപ്പോള്‍ യഥാര്‍ത്ഥത്തില്‍ നമ്മുടെ കൈയില്‍ തന്നെയാണ് ഇനി ആര് വിജയി ആകണമെന്നുള്ള തീരുമാനം.

95 ദിവസം അവിടെ എല്ലാം സഹിച്ചു പെര്‍ഫോമന്‍സ് നടത്തിയവര്‍ക്ക് അല്‍പ്പം മുന്‍ഗണന നല്‍കണം എന്നാണ് എനിക്കു പറയാനുള്ളത്. ഫാന്‍സിന്റെ ബലം കണ്ടു മാത്രം വോട്ട് ചെയ്യരുത്. അതില്‍ ചിലര്‍ പല രീതിയില്‍ അച്ചീവ്‌മെന്റ് ലഭിച്ചവര്‍ ആണ്. കഴിവ് മുന്നേ തന്നെ തെളിയിച്ചവര്‍, അതിനാല്‍ അവര്‍ക്കു ഇനിയും മുന്നോട്ടു എളുപ്പം ആണ് ഉയര്‍ച്ചയിലേക്ക് എത്താന്‍.

എന്നാല്‍ ഈ ഒരു ഷോ മാത്രം മുന്നില്‍ കണ്ടു വന്ന വ്യക്തികള്‍ അവരെ ഉയര്‍ത്തിക്കൊണ്ടുവരണം. ഒരിക്കല്‍ ഞാനും ഒരു പുതുമുഖമായി നിങ്ങളുടെ മുന്നില്‍ എത്തിയപ്പോള്‍ എന്നെ ഉയര്‍ത്തി കൊണ്ടു വന്നതും നിങ്ങളുടെ സപ്പോര്‍ട്ട് ആണ്, അശ്വതി പറയുന്നു. അതിനാല്‍ വോട്ടിങ് ആലോചിച്ചു ചെയ്തു അതു യഥാര്‍ത്ഥത്തില്‍ അര്‍ഹിക്കുന്നവരുടെ കൈയില്‍ എത്തിക്കുക, നടി കുറിച്ചു.

അതേസമയം തങ്ങളുടെ പ്രിയപ്പെട്ട മല്‍സരാര്‍ത്ഥികള്‍ക്ക് വോട്ട് ചെയ്യണമെന്ന് അഭ്യര്‍ത്ഥിച്ച് സെലിബ്രിറ്റികളും ആരാധകരുമെല്ലാം സോഷ്യല്‍ മീഡിയയില്‍ എത്തുന്നുണ്ട്. ഇഷ്ടമുളള ഒരാള്‍ക്ക് വോട്ട് ചെയ്യണമെന്നും വോട്ടുകള്‍ വീതിച്ച് കൊടുക്കരുതെന്നും ആണ് പലരും അഭിപ്രായപ്പെടുന്നത്. ബിഗ് ബോസ് മല്‍സരാര്‍ത്ഥികളെ പിന്തുണച്ച് ഫാന്‍സ്, ആര്‍മി ഗ്രൂപ്പുകളും സോഷ്യല്‍ മീഡിയയില്‍ സജീവമാണ്. സീസണ്‍ 2വിന് പിന്നാലെ ബിഗ് ബോസ് 3യും നിര്‍ത്തിയപ്പോള്‍ പലരിലും അത് നിരാശയുണ്ടാക്കിയിരുന്നു. എന്നാലിപ്പോള്‍ ഫൈനല്‍ നടത്തുന്നതിന്‌റെ ആവേശത്തിലാണ് ബിഗ് ബോസ് ആരാധകര്‍. ജൂണ്‍ ആദ്യം വാരം ബിഗ് ബോസ് 3 വിന്നറെ തിരഞ്ഞെടുക്കുമെന്നാണ് എല്ലാവരും പ്രതീക്ഷിക്കുന്നത്.