സായിയെ ഹൗസിന്റെ പുറത്തേയ്ക്ക് അയക്കുമെന്ന് അഡോണി, ഡീൽ ചെയ്യാൻ അറിയാമെന്ന് സായ്

ക്യാപ്റ്റൻ സായ് വിഷ്ണുവാണ് മോർണിംഗ് ആക്ടിവിറ്റി വായിച്ചത്. ഈ ബിഗ് ബോസ് ഹൗസിന്റെ പുറത്തേയ്ക്കുള്ള വാതിൽ തുറന്ന് വെച്ചിരിക്കുകയാണെന്ന് കരുതുക. ഇപ്പോൾ ഈ വീട്ടിൽ നിന്ന് ആര് പുറത്തു പോകണം. പകരം പുറത്ത് പോയവരിൽ ആര് അകത്തേയ്ക്ക് വരണമെന്ന് നിർദ്ദേശിക്കുക എന്നതായിരുന്നു ടാസ്ക്ക്. ആദ്യം ആക്ടിവിറ്റിക്കായി എത്തിയത് ഋതു മന്ത്രയായിരുന്നു. പുറത്തേയ്ക്ക് പോകാനായി ഭാഗ്യലക്ഷ്മിയുടെ പേരാണ് ഋതു പറഞ്ഞത്. പകരം ലക്ഷ്മിയെ കൊണ്ട് വരണമെന്നാണ് ഋതു പറഞ്ഞത്.

പിന്നീട് എത്തിയത് അഡോണിയാണ്. സായ് വിഷ്ണുവിന്റെ പേരാണ് അഡോണി പറഞ്ഞത്. സായിയുടെ നിലപാടും പ്രവൃത്തിയും രണ്ടും രണ്ടാണെന്നാണ് അഡോണി പറഞ്ഞത്. തിരിച്ച് ഈ ഹൗലിലേയ്ക്ക് താൻ ഭാനുവിനെ സ്വാഗതം ചെയ്യുന്നുവെന്നും അഡോണി പറഞ്ഞു. ഇത് തന്റെ ആക്ടിവിറ്റിയാണ് ആണെന്ന് ഡിംപൽ അഡോണിയോട് പറഞ്ഞു

പിന്നീട് ഇതിനെ കുറിച്ച് സായ് വിഷ്ണുവും ഋതു മന്ത്രയും സംസാരിച്ചിരുന്നു. മജ്സിയയെ പോലെയാവുകയാണ് അഡോണി എന്നാണ് സായ് പറയുന്നത്. എല്ലാ മോർണിംഗ് ആക്ടിവിറ്റിയിലും അഡോണിയും ഡിംപലും ഓരേ കാര്യങ്ങളാണ് പറയുന്നത്. ഇരുവരും അങ്ങോട്ടും ഇങ്ങോട്ടും പൊക്കി പറയുകയാണ് ചെയ്യുന്നത്. അഡോണിയ്ക്ക് ഹൗസിൽ ഒറ്റയ്ക്ക് നിൽക്കാൻ അറിയില്ലെന്ന് ഋതു പറഞ്ഞു. ഇതിനെ അംഗീകരിക്കുകയായിരുന്നു സായ്. അവന് ഒരു ഗ്രൂപ്പിനോടൊപ്പം നിൽക്കാനെ അറിയുള്ളുവെന്നായിരുന്നു സായിയുടെ മറുപടി

Recommended Video

Pradeep Chandran Exclusive Interview | നോബിയോ മണിക്കുട്ടനോ ജയിക്കണം FilmiBeat Malayalam

അഡോണിയ്ക്ക് പ്രസംഗിക്കാൻ മാത്രമേ അറിയുകയുള്ളൂ. എന്നാൽ ഇവിടെ അവന് സംസാരിക്കാനുള്ള അവസരം കുറഞ്ഞു വരുകയാണെന്നും സായ് കൂട്ടിച്ചേർത്തു. തനിക്ക് അവനെ ഡീൽ ചെയ്യാൻ അറിയാമെന്നും സായ് പറയുന്നു. ബിഗ് ബോസ് ഹൗസിലെ അടുത്ത സുഹൃത്തുക്കളായിരുന്നു അഡോണി, സായ്, റംസാൻ. സായ് ശാന്തനായതോടെ മാറ്റത്തെ ചോദ്യം ചെയ്ത് അഡോണിയെത്തിയത്.