കല്യാണം കഴിഞ്ഞിട്ടില്ല, എങ്ങനെ ബാധിക്കുമെന്ന് അറിയാം, ഒരറ്റത്തൂന്ന് തുടങ്ങും, ഋതുവിനെതിരെ അഡോണി

അഡോണിയും ഋതുവും തമ്മിലുള്ള പിണക്കം കനക്കുകയാണ്. പരസ്പരം പോരടിക്കാൻ കിട്ടുന്ന അവസരങ്ങളൊന്നും ഇരുവരും പാഴാക്കാറില്ല. മോഹൻലാലിന്റെ മുന്നിൽ വെച്ച് വരെ ഇവർ തങ്ങളുടെ അഭിപ്രായ ഭിന്നത പ്രകടിപ്പിച്ചിട്ടുണ്ട്. അഡോണിയും ഋതുവും തമ്മലുള്ള അഭിപ്രായഭിന്നത രൂക്ഷമാകുമ്പോഴാണ് നാട്ടുകൂട്ടം എന്ന വീക്കിലി ടാസ്ക്കിൽ ഇരുവരും മുഖത്തോട് മുഖം എത്തിയത്. ടാസ്ക്കിനിടെയാണ് ഋതു നടത്തിയ ജാതീയ പരാമാർശത്തെ കുറിച്ച് അഡോണി വെളിപ്പെടുത്തിയത്.

ടാസ്ക്കിനിടെ അഡോണി ഋതുവിനോട് ചോദിച്ച മറ്റൊരു ചോദ്യമായിരുന്നു റംസാനുമായുളള പിണക്കത്തെ കുറിച്ച് . നോമിനേഷൻ ഫ്രീ കാർഡ് റംസാൻ തരാത്തത് കൊണ്ടാണോ നിങ്ങൾ പിണങ്ങിയതെന്നായിരുന്നു അഡോണിയുടെ ചോദ്യം. എന്നാൽ ഇതിന് ഋതു വ്യക്തമായ ഉത്തരം പറഞ്ഞിരുന്നില്ല. ഷെയിം ഓൺ യൂ ക്യാപ്റ്റൻ എന്നായിരുന്നു ഋതുവിന്റെ മറുപടി. ഇത് അഡോണിയെ ചൊടിപ്പിച്ചിരുന്നു. ടാസ്ക്കിന് ശേഷവും ഇത് ഇരുവരുടെ ഇടയിൽ ചർച്ച വിഷയമായിരുന്നു വാക്കു തർക്കത്തിൽ വരെ കാര്യങ്ങൾ എത്തുകയായിരുന്നു.

ഋതുവിന്റെ ഷെയിം ഓൺ യൂ ക്യാപ്റ്റൻ പരാമർശം അഡോണിയ്ക്കും ടീമിനുമിടയിൽ രാത്രി ചർച്ചയായി. ഋതുവിനെ കുറിച്ച് ഞാൻ ഒന്നും ഇതുവരെ പറഞ്ഞ് തുടങ്ങിയിട്ടില്ല എന്നായിരുന്നു അഡോണി പറഞ്ഞത്. ഞാൻ ഒന്നേ എന്ന് പറഞ്ഞു തുടങ്ങിയാൽ, എന്തൊക്കെ പറയണം, എങ്ങനെ തുടങ്ങണം. ഈ പടി കടന്നുവന്ന ഒന്നാം ദിവസം മുതൽ എനിക്ക് അറിയാം. ഇറങ്ങുന്നത് പഴേ മിസ് ഇന്ത്യയുടെ പട്ടം ആണോ, ഏതു രീതിയിൽ ഇറങ്ങണം എന്ന് തീരുമാനിക്കാം. ചുമ്മാ കയറി ചൊറിയാൻ വന്നാൽ, ഞാൻ അതിന്റെതായ രീതിയിൽ സംസാരിക്കും, ഓരോ കാര്യങ്ങൾ എടുത്തു തന്നെ സംസാരിക്കും എന്നും അഡോണി പറയുന്നു.

Recommended Video

സൂര്യയെ കുറിച്ച് നാട്ടുകാർ പറയുന്നത് ഇങ്ങനെ | Manikuttan Surya | Public Reaction | Filmibeat

ഇതിനെ കുറിച്ച് സന്ധ്യ ചോദിക്കുന്നുണ്ട്. നോമിനേഷൻ ഫ്രീ കാർഡിനെ സംബന്ധിച്ചുള്ള ചോദ്യം ചോദിച്ചപ്പോൾ ആണ് ഷെയിം ഓൺ യൂ ക്യാപറ്റൻ എന്ന് പറയുന്നത്. അങ്ങനെ പറഞ്ഞുകൊണ്ടിരുന്നാൽ ഒരു അറ്റത്തുനിന്നും തുടങ്ങും ഞാൻ. പിന്നെ ഒറ്റ കാര്യം ഓർത്താണ് ഞാൻ മിണ്ടാതിരിക്കുന്നത്. അച്ഛൻ ഇല്ലാത്ത കുട്ടി ആണല്ലോ എന്നോർത്ത് മാത്രം. കല്യാണം കഴിഞ്ഞിട്ടില്ല. ഏതുരീതിയിൽ പുറത്ത് എഫക്റ്റ് ചെയ്യും എന്ന് എനിക്ക് അറിയാം നല്ലോണം. ഒരറ്റത്തൂന്ന് തുടങ്ങുമെന്ന് അഡോണി വീണ്ടും ആവർത്തിച്ചു.