നിർത്തേണ്ട; നീ സ്നേഹിച്ചോളൂ; തന്റെ നിലപാടിൽ മാറ്റമില്ല, സൂര്യയ്ക്ക് മുന്നറിയിപ്പുമായി മണിക്കുട്ടൻ

79ാം ദിവസം രാത്രിയിലുളള സംസാരത്തിനിടെയാണ് സൂര്യ തന്‍റെ പ്രണയത്തെ കുറിച്ച് വീണ്ടും മണിക്കുട്ടനോട് പറഞ്ഞത്. അപ്പോൾ ഞാൻ ഇനി മണിക്കുട്ടനെ സ്നേഹിക്കാനെ പാടില്ലേ എന്നാണ് സൂര്യ ചോദിക്കുന്നത്. അതൊക്കെ നിന്റെ ഇതാണെന്നാണ് മണിക്കുട്ടന്റെ മറുപടി. നിന്റെ തീരുമാനം നിനക്ക് എടുക്കാം. പക്ഷേ നീ പറഞ്ഞിരുന്നു, ഈ ടോപ്പിക്ക് ഇനി ഇവിടെ സംസാരിക്കില്ലെന്ന്; മണിക്കുട്ടൻ സൂര്യയോട് പറ‍ഞ്ഞു.

Also Read: വീട്ടില്‍ സ്വര്‍ണമുണ്ടോ? എങ്കില്‍ ഇക്കാര്യങ്ങള്‍ സൂക്ഷിച്ചില്ലെങ്കില്‍ പണി പാളും!

പെട്ടെന്ന് എനിക്ക് ഇഷ്ടം തോന്നിയിട്ട് അതിനെ സുഹൃത്തായി മാറ്റാൻ പ്രയാസമാണെന്ന് സൂര്യ മറുപടിയായി പറഞ്ഞു. നീ നിർത്തേണ്ട സ്നേഹിച്ചോളൂ എന്നായിരുന്നു ഇതിനുള്ള മണിക്കുട്ടന്റെ മറുപടി. പക്ഷെ ഞാൻ പറഞ്ഞത് ഇവിടത്തെ കര്യമാണ്. ഈ പ്ലാറ്റ്ഫോമിൽ എനിക്ക് ആരോടും അങ്ങനെ ഒരു തോന്നൽ ഇല്ല. കാരണം. ഞാൻ ഇവിടെ കാണുന്നത് ക്യാരക്ടർ അസാസിനേഷൻ ആണ്.

നമ്മളുടെ ജീവിതം നൂറു ദിവസത്തിലൂടെ സഞ്ചരിക്കുകയാണ്. അത് ബിഗ് ബോസിൽ ആയത് ഭാഗ്യം. ഇതിനുപുറത്തും ഒരു ജീവിതമുണ്ട്. ഈ പറയുന്നത് ഇന്നത്തോടെ തീരുന്ന ഒന്നല്ല. പക്ഷേ ഇനി 20 ദിവസമേ ഉള്ളൂ. അത് നോക്കി നീ ഇവിടെ നിന്നു കഴിഞ്ഞാൽ അത് നിന്റെ വീട്ടുകാർക്ക് അഭിമാനനിമിഷം ആണ്. അവിടെ ഒരു പ്രണയം എന്ന രീതി വന്നാൽ അതിന്റെ പേരിലാണ് നീ നിന്നത് എന്ന് ആളുകൾ പറയും. ഇപ്പോൾ കിട്ടിയ ഭാഗ്യത്തെ നീ സ്വീകരിക്ക്. ആ ഒരു ചിന്താവിടൂ; മണിക്കുട്ടൻ പറഞ്ഞു.

Recommended Video

സൂര്യയെ കുറിച്ച് നാട്ടുകാർ പറയുന്നത് ഇങ്ങനെ | Manikuttan Surya | Public Reaction | Filmibeat

എന്നാൽ തനിക്ക് അത് പറ്റുന്നില്ല എന്നാണ് സൂര്യ മറുപടിയായി പറഞ്ഞത്. സൂര്യയ്ക്ക് അത് പറ്റുമെന്ന് മണിക്കുട്ടൻ ഉറപ്പിച്ചു പറയുകയാണ്. അത് വിട്ടേ പറ്റുകയൊള്ളു. നീ ഇവിടെ നിന്നത് പ്രണയത്തിന്റെ പേരിൽ അല്ല എന്ന് മനസിലാക്കികൊടുക്കൂ. എന്റെ നിഴലിലാണ് നീ ഇവിടെ നിൽക്കുന്നതെന്ന് പലരും പറഞ്ഞിരുന്നു. ഞാൻ ഇല്ലാത്ത കുറച്ച് ദിവസം അങ്ങനെയല്ലെന്ന് നീ കാണിച്ചു കൊടുത്തിരുന്നുവെന്നും മണിക്കുട്ടൻ സൂര്യയോട് പറഞ്ഞു.