ആര്യയുടെ ഷോ ഇവിടെ അവസാനിച്ചു; ബിഗ് ബോസിന്റെ പുതിയ സീസണ്‍ അടുത്ത ആഴ്ച എത്തുമെന്നും നടി

ലോകം മുഴുവനും അംഗീകാരം കിട്ടിയ എല്ലായിടത്തും ആളുകള്‍ ഏറ്റെടുത്ത ഒരു എപിക് റിയാലിറ്റി ഷോ ആണ് നിങ്ങളുടെ മുന്നിലേക്ക് അടുത്ത ആഴ്ച എത്തുന്നത്. ബിഗ് ബോസ് സീസണ്‍ 3' എന്നാണ് ആര്യ പറയുന്നത്. ഇത് മാത്രമല്ല സ്റ്റാര്‍ട്ട് മ്യൂസിക് ആരാദ്യം പാടും എന്ന പരിപാടിയുടെ രണ്ടാം സീസണ്‍ അവസാനിച്ചതിനെ കുറിച്ചും നടി സൂചിപ്പിച്ചു. ഞങ്ങള്‍ ഇവിടെ നിന്ന് വിട പറയുകയാണെന്ന് പറഞ്ഞ ആര്യ അധികം വൈകാതെ പുതിയ സീസണ്‍ എത്തുമെന്ന കാര്യം കൂടി വ്യക്തമാക്കിയിരുന്നു.

ബിഗ് ബോസിന്റെ വരവിനെ കുറിച്ച് മുന്‍താരങ്ങള്‍ പറഞ്ഞത് ആരാധകരും ആവേശത്തോടെയാണ് സ്വീകരിച്ചത്. വരാനിരിക്കുന്ന ബിഗ് ബോസ് രണ്ടാമത്തെ സീസണ്‍ പോലെ ആവരുത്. വലിയ പ്രതീക്ഷയോടെയാണ് എല്ലാവരും കാത്തിരിക്കുന്നതെന്ന് അടക്കം രസകരമായ കമന്റുകളാണ് വന്ന് കൊണ്ടിരിക്കുന്നത്. സ്റ്റാര്‍ട്ട് മ്യൂസിക് നിര്‍ത്തി ബിഗ് ബോസ് വേണ്ടായിരുന്നു എന്ന് പറയുന്ന ആരാധകരുമുണ്ട്.

ഈ പരിപാടിയുടെയും ആദ്യ സീസണ്‍ മനോഹരമായിരുന്നു. രണ്ടാമത്തേത് വിചാരിച്ചത് പോലെ നന്നാക്കാന്‍ സാധിച്ചിട്ടില്ല. മാത്രമല്ല സ്വാന്തനം ടീമിനെ പരിപാടിയില്‍ കൊണ്ട് വരാത്തതിലുള്ള പ്രതിഷേധവും ആരാധകര്‍ അറിയിക്കുന്നുണ്ട്. പലപ്പോഴും പറഞ്ഞിട്ടും സ്വാന്തനം ടീം വരാത്തതെന്താണ്, ആരാധകരുടെ ആവശ്യം മനസിലാക്കണം. ബിഗ് ബോസിനെക്കാളും എന്ത് കൊണ്ടും നല്ലത് സ്റ്റാര്‍ട്ട് മ്യൂസിക് ആണ് തുടങ്ങി രസകരങ്ങളായ അഭിപ്രായങ്ങള്‍ ഉയര്‍ന്ന് വരുന്നുണ്ട്.

ഞായറാഴ്ച സംപ്രേക്ഷണം ചെയ്ത സ്റ്റാര്‍ട്ട് മ്യൂസികിന്റെ എപ്പിസോഡ് കാണാന്‍ മറക്കരുതെന്ന് പറഞ്ഞ് ആര്യ രംഗത്ത് വന്നിരുന്നു. കാരണം സ്റ്റാര്‍ട്ട് മ്യൂസിക് സീസണ്‍ 2 ലാസ്റ്റ് എപ്പിസോഡ് ആണ്. എന്നെ സംബന്ധിച്ചിടത്തോളം വളരെ പ്രധാന്യമുള്ളൊരു പരിപാടിയാണ്. വൈകാതെ തന്നെ മൂന്നാമതൊരു സീസണ്‍ കൂടി വരുമെന്ന കാര്യവും ഇന്‍സ്റ്റാഗ്രാമില്‍ ലൈവിലെത്തി ആര്യ വ്യക്തമാക്കിയിരുന്നു. കഴിഞ്ഞ ആഴ്ച അന്തരിച്ച സോമദാസ് കൂടി ഈ പരിപാടിയിലുണ്ടായിരുന്നു. വേദനയോടെയല്ലാതെ ഇത് കാണാന്‍ സാധിക്കില്ലെന്ന് കൂടി നടി സൂചിപ്പിച്ചിട്ടുണ്ട്.