സീതാകല്യാണത്തിലെ കല്യാണിന് ഇങ്ങനെയൊരു മുഖമോ, ലക്ഷ്മിയോടും ഋതുവിനോടും തട്ടികയറി താരം

ലക്ഷ്മിയോട് തട്ടികയറുന്ന പ്രെമോ വീഡിയോ സോഷ്യൽ മീഡിയയിൽ വൈറലായിരുന്നു. എന്നാൽ ഇത് പ്രാങ്കാണോ എന്ന് പ്രേക്ഷകർ സംശയം പ്രകടിപ്പിച്ചിരുന്നു. എന്നാൽ ഇത് എല്ലാത്തവണത്തേയും പോലെ പ്രാങ്ക് അല്ല . യഥാർഥത്തിൽ തന്നെയാണ് അനൂപ് ലക്ഷ്മിയോട് തട്ടികയറിയത്. ഭക്ഷണം ഉണ്ടാക്കുന്നതുമായി ബന്ധപ്പെട്ട ചർച്ചയാണ് വഴക്കിൽ അവസാനിച്ചത്.

ശാരീരിക അവശതകൾ മൂലം ഭാഗ്യലക്ഷ്മിക്ക് കിച്ചൺ ടീമിൽ നിന്ന് മാറിയാൽ കൊള്ളാമെന്നുള്ള ആഗ്രഹം പ്രകടിപ്പിച്ചിരുന്നു. ഇതിനെ തുടർന്ന് ലക്ഷ്മി ജയനെ കിച്ചൺ ടീമിലേയ്ക്ക് മാറ്റുകയായിരുന്നു. ലക്ഷ്മി മാറിയതോടെ ടീമിന്റെ ഓഡർ തെറ്റി, ഇത് ചൂണ്ടികാണിച്ച് കൊണ്ടുള്ള ചർച്ചയാണ് വലിയ വഴക്കിൽ അവസാനിച്ചത്.

റംസാൻ, ഋതു, അഡോണി തുടങ്ങിയവരൊക്കെ ശബ്ദം ഉയർത്തിയിരുന്നു. ഇതിനെ തുടർന്ന് സാമാധാനചർച്ചയുമായിട്ടാണ് അനൂപ് എത്തിയത്. എന്നാൽ സംസാരിച്ച് തുടങ്ങിയപ്പോൾ തന്നെ അനൂപും കുപിതനാവുകയായിരുന്നു. അനൂപ് സംസാരിക്കുന്നതിനിടയിൽ ലക്ഷ്മി കയറി ഇടപെട്ടതോടെയാണ് താരം ശബ്ദം ഉയർത്തിയത്. താനൊന്ന് പറഞ്ഞോട്ടെയെന്ന് പറഞ്ഞ് ദേഷ്യപ്പെട്ട അനൂപിനോട് വീണ്ടും സംസാരിക്കാൻ ശ്രമിച്ച ലക്ഷ്മിയോട് ഒരാൾ പറയുമ്പോൾ ഇടയ്ക്ക് കയറി പറയരുതെന്ന് കടുപ്പിച്ച് പറയുകയായിരുന്നു.

Recommended Video

Bigg Boss Malayalam Season 3 : അവസാന അടവും പാളി ഋതുമന്ത്ര | FilmiBeat Malayalam

ലക്ഷ്മിയോട് മാത്രമല്ല ഋതുവിനോടും അനൂപ് ദേഷ്യപ്പെട്ടു. ജോലികളിലെ മാറ്റത്തെ കുറിച്ചും ക്ലീനിങ്ങിന് റിതു സഹായിച്ചതിനെ കുറിച്ചു പറയുന്നതിനിടയിൽ അനൂപ്, ഋതുവിനോടും ചൂടായി. ചെറിയ കാര്യങ്ങൾ സംസാരിച്ച് തീർക്കുകയാണ് വേണ്ടതെന്നും, മറിച്ച് വഷളാക്കുകയല്ലെന്നും അനൂപ് പറഞ്ഞു. എന്നാൽ ഇതുകൊണ്ടൊന്നും തർക്കം അവസാനിച്ചില്ല. അഡോണി, റംസാന്‍, ലക്ഷ്മി, സൂര്യ, നോബി, ഋതു തുടങ്ങിയവരൊക്കെ ശബ്ദമുയര്‍ത്തി സംസാരിച്ചപ്പോൾ പരിഹാരത്തിന് സമാധാനപരമായ ശ്രമം നടത്തിയത് മണിക്കുട്ടൻ മാത്രമായിരുന്നു.