അനൂപ് കൃഷ്ണന് വിവാഹം, ഇഷയെ പ്രേക്ഷകർക്കായി പരിചയപ്പെടുത്തി താരം, സേവ് ദി ഡേറ്റ് പുറത്ത്

ഇപ്പോൾ സോഷ്യൽ മീഡിയയിൽ വൈറലാകുന്നത് അനൂപിന്റെ പുതിയ വിശേഷമാണ്. ജൂൺ 23 ന് താരത്തിന്റെ വിവാഹമാണ്. ഡോ. ഐശ്വര്യയാണ് വധു. ഇൻസ്റ്റഗ്രാം പേജിൽ സേവ് ദി ഡേറ്റ് വീഡിയോ പങ്കുവെച്ച് കൊണ്ടാണ് സന്തോഷവാർത്ത താരം പങ്കുവെച്ചിരിക്കുന്നത്. ഐശ്വര്യയുടെ ചിത്രവും നടൻ പങ്കുവെച്ചിട്ടുണ്ട്. മലയാള പ്രേക്ഷകർ ഏറ്റവും കൂടുതൽ തിരഞ്ഞൊരു മുഖമായിരുന്നു അനൂപിന്റെല ഇഷയുടേത്.

ബിഗ് ബോസ് ഷോയിലൂടെയാണ് അനൂപിന്റെ പ്രണയം പ്രേക്ഷകർ അറിഞ്ഞത്. മോഹൻലാൽ എത്തിയ എപ്പിസോഡിലാണ് അനൂപ് ഇഷയുമായുള്ള പ്രണയകഥ വെളിപ്പെടുത്തിയിരുന്നു. കൂടാതെ അനൂപിന് പിറന്നാൾ ആശംസ നേർന്ന് ഇഷയും രംഗത്ത് എത്തിയിരുന്നു. എന്നാൽ വ്യക്തമാക്കിയിരുന്നില്ല . അനൂപും ഇഷയുടെ പിറന്നാൾ ദിവസം ഒരു സർപ്രൈസ് നൽകിയിരുന്നു. ബിഗ് ബോസ് താരങ്ങളെല്ലാം ചേർന്ന് ഒരു ഉഗ്രൻ പിറന്നാൾ ആശംസയായിരുന്നു അറിയിച്ചിരുന്നു. ഇത് പ്രേക്ഷകരുടെ ഇടയിൽ വലിയ ചർച്ചയായിരുന്നു.

ബിഗ് ബോസ് ഹൗസിൽ ഇഷ ചർച്ച വിഷയമായിരുന്നു. നോൺ വെജ് കഴിക്കില്ലെന്നും ഇരുവരും പുറത്തു പോകുമ്പോഴുളള കാര്യങ്ങളൊക്കെ അനൂപ് പറഞ്ഞിരുന്നു. അനൂപ് ഇഷയെ കുറിച്ച് പറഞ്ഞപ്പോൾ സീരിയൽ താരമാണോ എന്നുളള സംശയം പ്രേക്ഷകർ ഉന്നയിച്ചിരുന്നു. എന്നാൽ ഏറ്റവും ഒടുവിലാണ് ഡോക്ടറാണെന്ന് വെളിപ്പെടുത്തിയത്. അതുപോലെ തന്നെ ഷോയിൽ നിന്ന് പുറത്തെത്തിയ ശേഷം പ്രേക്ഷകർ നിരന്തരം ഇഷയെ കുറിച്ച് താരത്തിനോട് ചോദിച്ചിരുന്നു. നടൻ ഒരു ചിത്രം പോലും നടൻ പങ്കുവെച്ചിരുന്നില്ല.

ബിഗ് ബോസിന്റ ടോപ്പ് 8 മത്സരാർഥികളിൽ ഒരാളാണ് അനൂപ്. ഫിനാലെയെ കുറിച്ചുള്ള ഡേറ്റ് ഇതുവരെ പ്രഖ്യാപിച്ചിട്ടില്ല. കൂടാതെ തന്നെ അനൂപിന്റെ സഹോദരിയുടെ വിവാഹവും ഉടനെ ഉണ്ടാകും. ബിഗ് ബോസ് ഷോയിൽ വെച്ച് തന്നെ സഹോദരിയുടെവിവാഹത്തെ കുറിച്ച് നടൻ പറഞ്ഞിരുന്നു. താരത്തിന്റെ വിവാഹവാർത്ത ആരാധകരുടെ ഇടയിൽ ചർച്ചയായിട്ടുണ്ട്. എല്ലാവരും ഇഷയെ നേരിട്ട് കാണാൻ കാത്തിരിക്കുകയാണ്. ബിഗ് ബോസ് ഫിനാലെയ്ക്ക് ശേഷം നടനെ വീണ്ടും മിനിസ്ക്രീനിൽ കാണാൻ സാധിക്കുമെന്നുള്ള പ്രതീക്ഷയിലാണ് പ്രേക്ഷകർ.