അനൂപ് പറഞ്ഞത് പോലെ ഫിനാലെയിൽ സംഭവിച്ചു, മണിക്കുട്ടനോട് അന്ന് പറഞ്ഞത് വെളിപ്പെടുത്തി താരം

ഗെയിമുകളിൽ മികച്ച പ്രകടനം കാഴ്ചവെച്ചതിനെ തുടർന്ന് അനൂപ് കൃഷ്ണനായിരുന്ന ഇത്തവണത്തെ ബെസ്റ്റ് ഗെയിമർ ഓഫ് ദി സീസൺ. വളരെ കൃത്യമായ പുരസ്കാരമായിരുന്നു അത്. ബിഗ് ബോസ് സീസൺ 3 ലെ അഞ്ചാം സ്ഥാനമാണ് അനൂപ് സ്വന്തമാക്കിയത്. എന്നാൽ ഈ അഞ്ചാം സ്ഥാനം താരത്തിന് അൽപം സ്പെഷ്യലാണ്. ഇപ്പോഴിത അതിന്റെ കാരണം വെളിപ്പെടുത്തുകയാണ്. ബിഗ് ബോസ് ഫിനാലെ വേദിയിലാണ് ഇക്കാര്യം വെളിപ്പെടുത്തിയത്. തന്റെ ലക്കി നമ്പർ ആണ് 5 എന്നാണ് അനൂപ് കൃഷ്ണൻ പറയുന്നത്.

നടന്റെ വാക്കുകൾ ഇങ്ങനെ... നമ്മുടെ സ്ഥാനം തിരഞ്ഞെടുക്കുന്ന ഒരു ടാസ്ക്ക് ബിഗ് ബോസിലുണ്ടായിരുന്നു. അതിൽ അഞ്ചാം സ്ഥാനമായിരുന്നു തിരഞ്ഞെടുത്തത്. തന്റോതായ കാരണം കൊണ്ടായിരുന്നു അഞ്ചാം സ്ഥാനം തിരഞ്ഞെടുത്തത്. തന്റെ ലക്കി നമ്പറെന്ന് ഞാൻ വിശ്വസിക്കുന്നത് 5 ആണ്. എന്റെ പിറന്നാളും താൻ ഏറ്റവും കൂടുതൽ സ്നേഹിക്കുന്ന ആളുടെ പിറന്നാളും 5 ന് ആണ്. അത് ഞാൻ മണിക്കുട്ടനോട് ഇത് തുറന്ന് പറഞ്ഞിരുന്നു. ഇന്ന് ഫിനാലെയിൽ അഞ്ചാം സ്ഥാനം നേടി കൊണ്ട് ഇറങ്ങാൻ സാധിച്ചതിൽ വളരെ അഭിമാനമുണ്ടെന്നും അനൂപ് പറയുന്നു. തന്നെ പിന്തുണച്ച എല്ലാവരോടും നന്ദി പറഞ്ഞതിന് ശേഷമാണ് നടൻ വേദിവിട്ടത്.

ഏറെ നാളത്തെ കാത്തിരിപ്പിന് ശേഷമാണ് ആഗസ്റ്റ് 1 ന് ബിഗ് ബോസ് സീസൺ 3യുടെ വിജയിയെ ഔദ്യോഗികമായി പ്രഖ്യാപിച്ചത്. ആദ്യത്തെ രണ്ട് സീസണുകളിൽ നിന്ന് മികച്ച പ്രേക്ഷക സ്വീകാര്യതയായിരുന്നു മൂന്നാം ഭാഗത്തിന് ലഭിച്ചത്. 14 മത്സരാർഥികളുമായി ഫെബ്രുവരി 14 ന് ആണ് ബിഗ് ബോസ് ഷോ ആരംഭിക്കുന്നത്. പിന്നീട് 5 പേർ വൈൽഡ് കാർഡ് എൻട്രിയായി എത്തിയിരുന്നു. ലോക്ക് ഡൗണിനെ തുടർന്ന് 95ാം ദിവസമാണ് ഷോ അവസാനിപ്പിക്കുന്നത്. ഇത് പ്രേക്ഷകരെ ഏറെ സങ്കടത്തിലാഴ്ത്തിയിരുന്നു. മത്സരം അതിന്റെ അവസാനഘട്ടത്തിലേയ്ക്ക് കടക്കുമ്പോഴായിരുന്നു മത്സരം അവസാനിപ്പിക്കുന്നത്.

Recommended Video

Manikkuttan തന്നെ ഒന്നാംസ്ഥാനത്തിന് അർഹൻ- Kidilam Firoz | FilmiBeat Malayalam

2018 ആണ് ബിഗ് ബോസ് മലയാളം ആരംഭിക്കുന്നത്. മോഹൻലാൽ അവതാരകനായി എത്തിയ ആദ്യ സീസൺ മികച്ച പ്രേക്ഷക സ്വീകാര്യത നേടിയിരുന്നു. സാബു മോൻ, പേളി മാണി, ഷിയാസ് കരീം, രഞ്ജിനി ഹരിദാസ്, അരിസ്റ്റോ സുരേഷ്, ശ്രീനീഷ് എന്നിവരായിരുന്നു സീസൺ 1 എത്തിയത്. സാബു ആയിരുന്നു വിജയി, പേളിയ്ക്ക് ആയിരുന്നു രണ്ടാം സ്ഥാനം ലഭിച്ചത്. കൊവിഡ് പ്രതിസന്ധിയെ തുടർന്ന് ബിഗ് ബോസ് സീസൺ 2 പൂർത്തിയാക്കാൻ കഴിഞ്ഞില്ല. ഷോ അവസാനിപ്പിച്ചതിന് പിന്നാലെ തന്നെ രാജ്യത്ത് ലോക്ക് ഡൗൺ പ്രഖ്യാപിക്കുകയും ചെയ്തു. ലോക്ക് ഡൗണിന് ഇളവ് പ്രഖ്യാപിച്ചതിന് പിന്നാലെയാണ് സീസൺ 3 ആരംഭിക്കുകയായിരുന്നു.

ഞങ്ങൾക്ക് പറയാനുള്ളത്

മത്സരാർഥികൾ വിചാരിച്ചത് ബിഗ് ബോസ് സീസൺ 3 ലൂടെ സാധിച്ചു. മികച്ച ഗെയിമർ എന്നുള്ള പുരസ്കാരത്തിന് അനൂപ് അനിയോജ്യനാണ്.