അരിസ്റ്റോ സുരേഷിനെ കുടുക്കാനായി തമ്പാന്നൂർ പോലീസായി ഫിറോസ് ഖാൻ, സാബുവിനെ പോലെ ഇഷ്ടമാണ് ഇവരേയും...

ബിഗ് ബോസ് സീസൺ3 ലെ മികച്ച മത്സരാർഥികളായിരുന്നു സജ്നയും ഫിറോസ് ഖാനും. വൈൽഡ് കാർഡ് എൻട്രിയിലൂടെയാണ് താരങ്ങൾ ഒറ്റ മത്സരാർഥികളായി ഷോയിൽ എത്തിയത്. ഹൗസിലെത്തിയ ആദ്യ ദിവസം മുതൽ തന്നെ ഉഗ്രൻ കണ്ടന്റുകളായിരുന്നു പ്രേക്ഷകർക്കായി നൽകിയത്. ഷോയുടെ അവസാനം വരെ പ്രേക്ഷകർ ഉറപ്പിച്ച മത്സരാർഥികളായിരുന്നു ഇവർ. എന്നാൽ ബിഗ് ബോസ് ഷോയുടെ നിയമ ലംഘനത്തിന്റെ പേരിൽ ഇരുവരും പുറത്താവുകയായിരുന്നു. നിരവധി തവണ അവതാരകനായ മോഹൻലാൽ ഇവർക്ക് മുന്നറിയിപ്പ് നൽകിയിരുന്നു.

ബിഗ് ബോസ് ഷോയിൽ നിന്ന് പുറത്തിറങ്ങിയതിന് ശേഷ യൂട്യൂബ് ചാനലുമായി ഇരുവരും സജീവമാണ്. രസകരമായ പ്രാങ്ക് വീഡിയോകളുമായി ഇവർ എത്താറുണ്ട്. ആദ്യ സീസണിലെ രഞ്ജിനി ഹരിദാസ്, സാബു മോൻ, പേളി എന്നിവർക്ക് പ്രാങ്ക് നൽകി കൊണ്ട് ഇവർ എത്തിയിരുന്നു. ഇപ്പോൾ സീസൺ 1 ലെ മറ്റൊരു താരമായ അരിസ്റ്റോ സുരേഷിന് ഉഗ്രൻ പണി നൽകിയിരിക്കുന്നത്. പേളി നൽകിയ ക്വെട്ടേഷനായിരുന്നു ഇത്

താമ്പാന്നൂർ പോലീസ് ആണന്ന് പറഞ്ഞു കൊണ്ടാണ് സുരേഷിനെ വിളിച്ചത്. എന്നാൽ സജ്നയുടേയും പൊളിയുടേയും പ്രാങ്ക് അധികം ഏറ്റില്ല. പറ്റിക്കുകയാണെന്ന് തുടക്കത്തിൽ തന്നെ സുരേഷിന് മനസ്സിലായിരുന്നു. എന്നാൽ ഒടുവിലാണ് പ്രാങ്കിന് പിന്നിലുള്ള ആളെ പിടി കിട്ടിയത്. ബിഗ് ബോസ് സീസൺ 3 ലെ സുരേഷിന്റെ ഇഷ്ടപ്പെട്ട മത്സരാർഥികളായിരുന്നു ഫിറോസും സജ്നയും. അദ്ദേഹം നേരിട്ട് പറയുകയും ചെയ്തിരുന്നു. കൂടാതെ ബിഗ് ബോസ് മലയാളം ഷോയിലെ തന്റെ പ്രിയപ്പെട്ട മത്സരാർഥികളെ കുറിച്ചും അദ്ദേഹം വെളിപ്പെടുത്തി. ഫിറോസ്- സജ്ന എന്നിവരെ കൂടാതെ സാബു, ഡോക്ടർ രജിത് കുമാർ എന്നിവരാണ് സുരേഷിന്റെ മറ്റ് രണ്ട് പ്രിയപ്പെട്ട ബിഗ് ബോസ് മത്സരാർഥികൾ.

Recommended Video

ബിഗ്‌ബോസ് സീസൺ 4 ൽ ഇവർ ? അത് തകർക്കും | FilmiBeat Malayalam

ആക്ഷൻ ഹീറോ ബിജു എന്ന ചിത്രത്തിലെ മുത്തേ പെന്നേ ഗാനത്തിലൂടെയാണ് അരിസ്റ്റോ സുരേഷ് മലയാളി പ്രേക്ഷകരുടെ ഇടയിൽ ശ്രദ്ധിക്കപ്പെട്ടത്. പിന്നീട് ബിഗ് ബോസിൽ എത്തിയപ്പോൾ കൂടുതൽ ശ്രദ്ധിക്കപ്പെടുകയായിരുന്നു. സീസൺ 1ൽ ടോപ്പ് ഫൈവിൽ ഇടം പിടിച്ച മത്സരാർഥിയായിരുന്നു അരിസ്റ്റോ സുരേഷ്. അഞ്ചാം സ്ഥാനമായിരുന്നു അദ്ദേഹതത്തിന് ലഭിച്ചത്.