ഈ ആഴ്ച 2 പേരെ പുറത്താക്കുന്നു; മിഷേലും ഭാഗ്യലക്ഷ്മിയുമാണോ, ബിഗ് ബോസിലെ എലിമിനേഷനെ കുറിച്ച് പ്രേക്ഷകര്‍

ഞാന്‍ ആലോചിക്കുകയായിരുന്നു. എന്തൊക്കെയാണ് സംഭവിക്കുന്നത്. നമ്മള്‍ പതിനാല് പേരുമായി ആരംഭിച്ച ബിഗ് ബോസ് ഷോയാണ്. പിന്നെ രണ്ട് മത്സരാര്‍ഥികള്‍ കൂടി വന്നു. അങ്ങനെ പതിനാറ് പേരായി. അപ്പോഴാത വീണ്ടും രണ്ട് പേര്‍ കൂടി വന്നപ്പോള്‍ ഒരാള്‍ പുറത്തേക്കും പോയി. അങ്ങനെ പതിനേഴ് ആയി. അവരെല്ലാം കൂടി പുതിയ മത്സരത്തിന് തുടക്കമിട്ടപ്പോഴെക്കും ചിലര്‍ നോമിനേഷനിലുമായി. അവരില്‍ ആരൊക്കെ വാഴും, ആരൊക്കെ വീഴുമെന്ന് ഉടനെ അറിയാം. എന്നുമാണ് പുറത്ത് വിട്ട പ്രൊമോ വീഡിയോയില്‍ മോഹന്‍ലാല്‍ സൂചിപ്പിക്കുന്നത്.

അതേ സമയം ഈ ആഴ്ച രണ്ട് പേര്‍ പുറത്താകുമെന്ന തരത്തിലുള്ള റിപ്പോര്‍ട്ടുകളാണ് വന്നത്. ആദ്യം മുതല്‍ എല്ലാവരും പറയുന്നത് മിഷേല്‍ ആന്‍ ഡാനിയേലിന്റെ പേരാണ്. ഫിറോസ് ഖാന്‍-സജ്‌ന ദമ്പതിമാര്‍ക്കൊപ്പം ആദ്യത്തെ വൈല്‍ഡ് കാര്‍ഡ് എന്‍ട്രിയായിട്ടാണ് മിഷേല്‍ ബിഗ് ബോസിലേക്ക് എത്തുന്നത്. ആദ്യ ദിവസം തന്നെ വീടിനുള്ളില്‍ വലിയൊരു ബഹളം സൃഷ്ടിക്കാന്‍ മിഷേലിന് സാധിച്ചെങ്കിലും പിന്നീടുള്ള ദിവസങ്ങളില്‍ അത് സാധിക്കാതെ വന്നു. അങ്ങനെ താരം ഷോ യില്‍ നിന്നും ഔട്ട് ആകുമെന്നാണ് ഭൂരിഭാഗം ആരാധകരും പറയുന്നത്.

പുറത്ത് നിന്ന് ഷോ കണ്ടിട്ട് വന്ന മിഷേല്‍ ഡിംപലിനെ കുറിച്ചുള്ള ചില കാര്യങ്ങള്‍ വെളിപ്പെടുത്തിയിരുന്നു. ഫിറോസും ചേര്‍ന്ന് നടത്തിയ ഈ പ്രവൃത്തിയെ മോഹന്‍ലാല്‍ ചോദ്യം ചെയ്യുകയും ഇരുവരെയും നേരിട്ട് നോമിനേറ്റ് ചെയ്യുകയും ചെയ്തു. അങ്ങനെ എലിമിനേഷനില്‍ എത്തിയ മിഷേല്‍ കഴിഞ്ഞ ഒരാഴ്ച കാര്യമായി ക്യാമറ സ്‌പേസ് നേടിയില്ല. മോശം പ്രകടനത്തിന്റെ പേരില്‍ ജയിലിലാവുകയായിരുന്നു.

Recommended Video

സഹതാപം കൊണ്ട് മാത്രമാണ് ഡിംപലിനെ ബിഗ് ബോസിലെടുത്തത് | FilmiBeat Malayalam

അതേ സമയം മിഷേലിനൊപ്പം മറ്റൊരാള്‍ കൂടി ബിഗ് ബോസില്‍ നിന്നും പുറത്ത് പോവുന്നുണ്ടെന്നാണ് അനൗദ്യോഗികമായ റിപ്പോര്‍ട്ടുകള്‍. ഭാഗ്യലക്ഷ്മി പുറത്ത് പോകണമെന്ന ആഗ്രഹം പ്രകടിപ്പിച്ചത് കൊണ്ട് ഭാഗ്യലക്ഷ്മിയോ, അല്ലെങ്കില്‍ സായി വിഷ്ണു, സൂര്യ, തുടങ്ങിയവരെല്ലാം പുറത്ത് പോവാന്‍ സാധ്യതയുള്ളതായി സൂചനകളുണ്ട്.