ആദ്യ ദിവസം മുതല്‍ മെന്റല്‍ ടോര്‍ച്ചര്‍ ചെയ്തുകൊണ്ടിരിക്കുകയാണ്, കിടിലത്തിനെതിരെ ഡിംപല്‍ ഭാല്‍

ആദ്യത്തെ ദിവസം മുതല്‍ നിങ്ങള്‍ മെന്റല്‍ ടോര്‍ച്ചര്‍ ചെയ്തുകൊണ്ടിരിക്കുകയാണ്. തുടര്‍ന്ന് താന്‍ എന്നാണ് ഇത്തരം കാര്യങ്ങള്‍ പറഞ്ഞതെന്ന് വ്യക്തമാക്കണമെന്ന് കിടിലം ഫിറോസ് ഡിംപലിനോട് തിരിച്ചുചോദിച്ചു. ഇത്രയും ആളുകളുടെ മുന്നില്‍ ഞാന്‍ എന്ന വ്യക്തിയുടെ ജെനുവിറ്റി നിങ്ങള്‍ ചോദ്യം ചെയ്തുകൊണ്ടിരിക്കുകയാണെന്ന് ഡിംപല്‍ പറഞ്ഞു.

എന്റെ ഫിസിക്കല്‍ കണ്ടീഷനെ ഒരു ടോയ് ആക്കിയിട്ട് കളിക്കുന്നു. രണ്ട് പെണ്‍കുട്ടികളുടെ അച്ഛനായ നിങ്ങള്‍ക്ക് നാണമില്ലെഡോ എന്നും ഡിംപല്‍ ചോദിച്ചു. രണ്ട് പെണ്‍കുട്ടികളുടെ അച്ഛനാണെന്നുളളതില്‍ നാണം എന്ന ആരോപണം ഡിംപല്‍ ഭാല്‍ സ്ത്രീത്വത്തിനെതിരെ ഉപയോഗിച്ചതാണെന്ന് കിടിലം പറഞ്ഞു.

എന്റെ ഫിസിക്കല്‍ കണ്ടീഷന്‍ ഉപയോഗിച്ച് നിങ്ങള്‍ ഒരു ടോയ് ആക്കി. സ്‌പെഷ്യല്‍ കിഡ് എന്ന വാക്ക് ഉപയോഗിച്ച തനിക്ക് നാണമില്ലെഡോ എന്നും ഡിംപല്‍ ചോദിച്ചു. തുടര്‍ന്ന് സിമ്പതിക്ക് വേണ്ടിയുളള കളിയാണ് ബിഗ് ബോസില്‍ ഡിംപല്‍ നടത്തുന്നതെന്ന് ഫിറോസ് പറഞ്ഞു. തുടര്‍ന്ന് തന്റെ നട്ടെല്ലില്‍ നടത്തിയ ശസ്ത്രക്രിയയുടെ പാടുകള്‍ ഡിംപല്‍ കാണിച്ചുകൊടുത്ത് മറുപടി നല്‍കി.

തുടര്‍ന്ന് മറ്റുളളവരും ആരോപണങ്ങളുമായി എത്തിയപ്പോള്‍ മണിക്കുട്ടനെതിരെയും സായിക്കെതിരെയും കിടിലം സംസാരിച്ചു. അമ്മ എന്ന പദത്തിനെ എറ്റവും വികലമായി ഇവിടെ ഉപയോഗിച്ച കുറുക്കന്‍ എന്നാണ് സായിയെ ഫിറോസ് വിശേഷിപ്പിച്ചത്. പിന്നാലെ ഇത്രയും നാള്‍ ഒരു പാവം പെണ്‍കുട്ടിയെ ഒപ്പം നിര്‍ത്തി ചതിച്ചവനാണ് മണിക്കുട്ടനെന്ന് കിടിലം ഫിറോസ് പറഞ്ഞു.