ഫിറോസ് പറഞ്ഞത് പോലെ നടന്നു,ആ കമന്റ് വൈറലായി,ഡിംപൽ ഭാലിന് പുതിയ പേരിട്ട് നോബി

പകുതി മലയാളിയും പകുതിയ നോർത്ത് ഇന്ത്യനുമാണ് ഡിംപൽ. താരത്തിന്റെ വസ്ത്രധാരണം ബിഗ് ബോസ് ഹൗസിൽ ചർച്ചയായിരുന്നു. വസ്ത്രധാരണത്തിന്റെ പേരിലുള്ള കമന്റിന് മറുപടിയുമായി ഡിംപിൽ രംഗത്തെത്തുകയും, ചെയ്തിരുന്നു. ഇത് ഹൗസിന് ഉള്ളിൽ വലിയ ചർച്ച വിഷയമായിരുന്നു. ഡിംപലിന്റെ കമന്റാകും ബിഗ് ബോസ് സീസൺ 3 യുടെ ആദ്യത്തെ പ്രെമോ വീഡിയോ എന്ന് ഫിറോസ് പറയുകയും ചെയ്തിരുന്നു. ഫിറോസിൻറെ പ്രവചനം പോലെ തന്നെ സംഭവിക്കുകയും ചെയ്തിരുന്നു.

ഡിംപലിന്റെ വസ്ത്രധാരണം മാത്രമല്ല മുടിയും ബിഗ് ബോസ് ഹൗസിൽ ചർച്ചാ വിഷയമായിരുന്നു. മുടി മുഴുവൻ അഴിച്ചിട്ടാണ് ആദ്യ ദിവസം താരം പ്രഭാത ഭക്ഷണം കഴിക്കാൻ എത്തിയത്.ഇതെന്ത് മുടിയാണെന്ന് മണിക്കുട്ടൻ ഡിംപലിനോട് ചോദിച്ചിരുന്നു. ക്യാൻസർ രോഗികൾക്ക് മുടി മുറിച്ച് കൊടുക്കാമായിരുന്നില്ലേ എന്നായിരുന്നു മുടിയെ കുറിച്ചുള്ള ഭാഗ്യലക്ഷ്മിയുടെ കമന്റ്.അതെല്ലാം ജെന്യുവിൻ അല്ലെന്നായിരുന്നു ഡിംപലിന്റെ മറുപടി. തന്റെ മുടി അറിയാവുന്ന ഒരാൾക്ക് വിഗ്ഗായി നൽകിയെന്ന് ഭാഗ്യലക്ഷ്മി പറഞ്ഞു. അതാണ് ശരിയായ രീതിയെന്നാണ് അപ്പോൾ ഡിംപൽ പറഞ്ഞത്.

ഡിംപലിനെ കുറിച്ച് കുടുതൽ അറിയാൻ സായ് വിഷ്ണുവും ശ്രമിച്ചിരുന്നു താരത്തിന്റെ ഇഷ്ടത്തെ കുറിച്ചും വീട്ടിൽ വിളിക്കുന്ന പേരിനെ കുറിച്ചുമൊക്കെയായിരുന്നു സായ് ചോദിച്ചത്.ഡിംപൽ എന്ന് തന്നെയാണ് തന്നെ വീട്ടിൽ വിളക്കുന്നതെന്ന് പറയുന്നതിനോടൊപ്പം പൂച്ചയോടുള്ള ഇഷ്ടത്തെ കുറിച്ചും അലഞ്ഞു തിരയുന്ന പൂച്ചകളെ താൻ രക്ഷിക്കാറുണ്ടെന്നും ഡിംപൽ പറഞ്ഞു.

Recommended Video

കരഞ്ഞു വെറുപ്പിക്കല്ലേ ചേച്ചിമാരെ..ഞങ്ങൾ കാണൂല | Filmibeat Malayalam

നോബിയും ഡിംപലുമായിരുന്നു ആദ്യം ബിഗ് ബോസ് ഹൗസിലെത്തിയത്. നോബിയുടെ കൗണ്ടറുകൾക്ക് തിരിച്ച് അതേ രീതിയിൽ മറുപടിയും നൽകാറുണ്ട്. നേരത്തെ നോബിയെ കണ്ടിട്ടുണ്ടെന്നും ഡിംപൽ പറഞ്ഞിരുന്നു. ഇതിനിടയിൽ ഡിംപലിന്റെ പേര് നോബി തെറ്റിച്ച് വിളിച്ചു.ഇതോടെ ശബ്ദം കടുപ്പിച്ച് ഡിംപൽ എന്നാണ് വിളിക്കേണ്ടതെന്ന് പറഞ്ഞ് താരം എത്തി.ഡംപൽ അല്ലെന്നായി അപ്പോൾ ലക്ഷ്മി. ഡിംപൽ ബാൽ എന്നല്ലേ അപ്പോൾ ബാലേട്ടാ എന്ന് വിളിച്ചാലോ എന്ന് നോബി ചോദിച്ചു. ആ സംഭവം ചിരിയോടെയാണ് അവസാനിച്ചത്.