ബിഗ് ബോസ് 12 ദിവസം കൂടി നീട്ടുന്നു; ഡിംപല്‍ തിരിച്ച് വരുന്നതിനൊപ്പം ചില ട്വിസ്റ്റുകള്‍ നടക്കുന്നതായി ആരാധകര്‍

മത്സരത്തില്‍ വിജയ സാധ്യത ഏറെ ഉണ്ടായിരുന്നിട്ടും ഡിംപലിന് പുറത്ത് പോവേണ്ട സാഹചര്യമാണ് വന്നത്. ഡിംപലിന്റെ പിതാവ് സത്യവീര്‍ സിംഗ് ഭാലിന്റെ അപ്രതീക്ഷിത വിയോഗം മത്സരാര്‍ഥികളെയും പ്രേക്ഷകരെയും ഒരുപോലെ ഞെട്ടിച്ചു. ഡിംപലിന്റെ വലിയ ദുഃഖത്തില്‍ പങ്കുചേരുന്നതിനൊപ്പം താരത്തോട് മടങ്ങി വരാനാണ് എല്ലാവരും അഭ്യര്‍ഥിച്ചത്. മാനസിക പ്രതിസന്ധി മറികടന്നാല്‍ ഡിംപലിന് തിരികെ വരുന്നതില്‍ യാതൊരു പ്രശ്‌നവുമില്ലെന്നാണ് ഇപ്പോള്‍ ആരാധകര്‍ക്ക് പറയാനുള്ളത്.

ഡിംപല്‍ പുറത്തേക്ക് പോയത് എലിമിനേഷനിലൂടെയല്ല. വ്യക്തി ജീവിതത്തില്‍ പെട്ടെന്നുണ്ടായ പ്രതിസന്ധിയില്‍ ക്വിറ്റ് ചെയ്യേണ്ടി വന്നതാണ്. പുറത്ത് വന്നതിന് ശേഷം പപ്പയെ കുറിച്ചും തനിക്ക് പിന്തുണ നല്‍കിയ എല്ലാവരോടും നന്ദി പറഞ്ഞും മാത്രമേ ഡിംപല്‍ വന്നിരുന്നുള്ളു. ഫോണ്‍ പോലും ഉപയോഗിക്കുന്നില്ലെന്ന് സഹോദരി തിങ്കളും പറഞ്ഞിരുന്നു. അങ്ങനെയൊരു സാഹചര്യത്തില്‍ ഡിംപലിനെ തിരിച്ച് കൊണ്ട് വന്നൂടേ എന്ന ചോദ്യങ്ങള്‍ക്കുള്ള മറുപടി ലഭിച്ച് കഴിഞ്ഞു. ഡിംപല്‍ തിരിച്ച് വരുന്നുണ്ടെന്നാണ് പുതിയ റിപ്പോര്‍ട്ട്.

ബിഗ് ബോസ് ഷോ യിലേക്ക് പ്രവേശിക്കുന്നതിന് വേണ്ടി താരം ചെന്നൈയില്‍ എത്തിയിട്ടുണ്ടെന്നും നിലവില്‍ ഡിംപല്‍ ക്വാറൈന്റനില്‍ ആണെന്നുമാണ് അറിയുന്നത്. ഇനിയുള്ള ദിവസങ്ങളില്‍ ഒരു സര്‍പ്രൈസ് എന്‍ട്രിയായി ഡിംപല്‍ അകത്തേക്ക് പ്രവേശിക്കുമെന്നും പറയപ്പെടുന്നു. അതേ സമയം തമിഴ്‌നാട്ടില്‍ ലോക്ഡൗണ്‍ പ്രഖ്യാപിച്ചതോടെ ബിഗ് ബോസ് നിര്‍ത്തുമോ എന്ന തരത്തിലും വ്യാപകമായ വാര്‍ത്തകള്‍ വരുന്നുണ്ട്. അതിന് സാധ്യത ഇല്ലെന്നും ബിഗ് ബോസ് നീണ്ട് പോവാനാണ് സാധ്യതയെന്നുമാണ് റിപ്പോര്‍ട്ട്.

Recommended Video

Pradeep Chandran Exclusive Interview | നോബിയോ മണിക്കുട്ടനോ ജയിക്കണം FilmiBeat Malayalam

കോവിഡ് കാരണം സീരിയലുകളുടെ അടക്കം ചിത്രീകരണം നിര്‍ത്തി വെച്ചിരിക്കുന്നതിനാല്‍ ബിഗ് ബോസ് നീട്ടി കൊണ്ട് പോവാനാണ് സാധ്യത. ഹിന്ദിയിലൊക്കെ അതുപോലെ ചെയ്തിരുന്നതായും നൂറ് ദിവസങ്ങളില്‍ നടക്കേണ്ട ഷോ പന്ത്രണ്ട് ദിവസം കൂടി മുന്നോട്ട് കൊണ്ട് പോകുമെന്നും അറിയുന്നു. അങ്ങനെ എങ്കില്‍ ക്വാറൈന്‍ കാലം പൂര്‍ത്തിയാക്കി ഡിംപലിനും അകത്ത് പ്രവേശിക്കാനുള്ള സമയം കിട്ടുമെന്നുമാണ് പ്രമുഖ യൂട്യൂബ് ചാനലുകളും പറയുന്നത്.