ബിഗ് ബോസ് മൂന്നാം സീസണിലെ ഇഷ്ടമല്‍സരാര്‍ത്ഥി, അരിസ്‌റ്റോ സുരേഷിന്‌റെ മറുപടി

വഴക്ക് കൂടുന്നതൊക്കെ അതൊരു സാധാരണ വീട്ടില്‍ സംഭവിക്കുന്ന കാര്യങ്ങളാണ്. അച്ഛനും അമ്മയും സഹോദരനും സഹോദരിയുമൊക്കെ വീട്ടില്‍ വഴക്കുണ്ടാകാറുണ്ടല്ലോ. പിന്നെ ആ ഒരു സൗഹൃദവും സ്‌നേഹ ബന്ധവുമൊക്കെ കാത്തുസൂക്ഷിക്കാറുമുണ്ട്. അതൊക്കെ ബിഗ് ബോസില്‍ കാണുന്നുണ്ടല്ലോ, അരിസ്‌റ്റോ സുരേഷ് പറയുന്നു. ബിഗ് ബോസ് വണ്ണിലെ മാത്രമല്ല രണ്ടാം സീസണിലെയും മൂന്നാം സീസണിലെയുമെല്ലാം ഒകെ എനിക്ക് എറ്റവും ഇഷ്ടപ്പെട്ടത് ബിഗ് ബോസിനെ തന്നെയാണ് എന്നും താരം പറഞ്ഞു.

ബിഗ് ബോസിന്‌റെ ആ ടാസ്‌ക്കുകളും കാര്യങ്ങളും, അനൂപും ഫിറോസുമെല്ലാം ഭയങ്കര വഴക്കായിരുന്നു. അപ്പോ അവരെ കണ്‍ഫെഷന്‍ റൂമില്‍ വിളിച്ചുവരുത്തി കാര്യങ്ങള്‍ പറഞ്ഞുകൊടുത്തപ്പോള്‍ അവര്‍ എന്ത് സൗഹൃദപരമായാണ് പെരുമാറിയത്. പിന്നെ ഒരു വീട് ആവുമ്പോ വഴക്കൊക്കെ ഉണ്ടാവും. ഒരു വീട് ആവുമ്പോ അങ്ങനെ സംഭവിച്ചില്ലെങ്കില്‍ അതൊരു വീട് അല്ലാതാവും.

എന്താ പറയാ ചത്ത വീടെന്നൊക്കെ പറയില്ലെ. തിരുവനന്തപുരം ഭാഷയിലൊക്കെ അങ്ങനെയാണ് പറയുക. പിന്നെ ബിഗ് ബോസ് ഒരു എന്റര്‍ടെയ്ന്‍മെന്റ് ഷോ എന്നതിലുപരി അതില്‍ നിന്നും എന്തൊക്കെ പഠിക്കാനുണ്ടാവും എന്നൊക്കെ ജനങ്ങള് നോക്കണം. കാരണം പരിമിതികള്‍ക്കുളളില്‍ നമ്മള്‍ എങ്ങനെ പെരുമാറണം എങ്ങനെ ജീവിക്കണം എന്നൊക്കെ നമുക്ക് അവിടെ പഠിക്കാന്‍ എന്തെങ്കിലുമുണ്ടോ എന്ന് നോക്കണം. അങ്ങനെ ഓരോന്ന് പഠിക്കാന്‍ പറ്റുന്ന നല്ലൊരു അക്കാദമി കൂടിയാണ് ബിഗ് ബോസ് ഹൗസ്, അരിസ്‌റ്റോ സുരേഷ് അഭിമുഖത്തില്‍ പറഞ്ഞു.

അതേസമയം അമ്പത് എപ്പിസോഡുകള്‍ പിന്നിട്ടാണ് ബിഗ് ബോസ് മൂന്നാം സീസണ്‍ മുന്നേറുന്നത്. അഞ്ച് മല്‍സരാര്‍ത്ഥികളാണ് ഇതുവരെ ഷോയില്‍ നിന്നും പുറത്തായത്. ഓരോ ദിവസം കഴിയുന്തോറും ഷോയില്‍ മല്‍സരം കടുപ്പമാവുകയാണ്. പിടിച്ചുനില്‍ക്കാനായി മല്‍സരാര്‍ത്ഥികളെല്ലാം വേറിട്ട ഗെയിം സ്ട്രാറ്റജികളാണ് ഉപയോഗിക്കുന്നത്.