ഉദ്ഘാടനത്തിന് പൊളി ഫിറോസ് വന്നാല്‍ കുഴപ്പമുണ്ടോ, സന്ധ്യയെ പറ്റിച്ച് ഫിറോസും സജ്നയും

ബിഗ് ബോസ് 3യിലെ ശ്രദ്ധേയ മല്‍സരാര്‍ത്ഥിയായിരുന്ന സന്ധ്യ മനോജിനെയാണ് ഫിറോസ് വിളിച്ചത്. എഴുപത് ദിവസം ഷോയില്‍ പിടിച്ചുനിന്ന താരമാണ് സന്ധ്യ. പൊതുവെ ശാന്ത സ്വഭാവക്കാരിയായ സന്ധ്യ ആവശ്യമുളള കാര്യങ്ങള്‍ക്ക് മാത്രമാണ് ബിഗ് ബോസില്‍ ശബ്ദമുയര്‍ത്തി സംസാരിച്ചത്. ആദ്യ പകുതിയില്‍ സൈലന്റ് ആയിരുന്നെങ്കിലും രണ്ടാം പകുതിയില്‍ ശ്രദ്ധേയ പ്രകടനം നടത്താന്‍ സന്ധ്യയ്ക്ക് സാധിച്ചു.

നൃത്തശാലയുടെ ഉദ്ഘാടനത്തിന് വേണ്ടി വിളിക്കുകയാണെന്ന് പറഞ്ഞാണ് ഫിറോസ് സന്ധ്യയെ പ്രാങ്ക് കോള്‍ ചെയ്തത്. ഏയര്‍പോര്‍ട്ടില്‍ നില്‍ക്കുകയാണെന്നും പ്രതിഫലം എത്ര വേണ്ടി വരുമെന്നും ഒകെ ഫിറോസ് സന്ധ്യയോട് ചോദിച്ചു. തുടര്‍ന്ന് തന്‌റെ ടീമിനോട് ആലോചിക്കണമെന്നും എന്നിട്ടും പറയാമെന്നും സന്ധ്യ പറഞ്ഞു.

ഒരു മൂന്ന് ലക്ഷം തരാം, ഒകെയാണോ എന്ന് ഫിറോസ് ശബ്ദം മാറ്റി സന്ധ്യയോട് ചോദിച്ചു. ഒകെ എന്ന് സന്ധ്യ മറുപടി നല്‍കി. കൂടാതെ യാത്രാചിലവുകള്‍ വഹിക്കാമെന്നും ഫിറോസ് അറിയിച്ചു. എറ്റവുമൊടുവിലായി ആ പൊളി ഫിറോസിന്‌റെ നമ്പര്‍ തരാമോ അദ്ദേഹത്തെ കൂടി ഉദ്ഘാടനത്തിന് വിളിക്കുന്നുണ്ടെന്ന് ഫിറോസ് സന്ധ്യയോട് പറഞ്ഞു.

'അദ്ദേഹത്തെ വിളിക്കുന്നതില്‍ എന്തെങ്കിലും കുഴപ്പമുണ്ടോ എന്നാണ്' ഫിറോസ് പിന്നെ സന്ധ്യയോട് ചോദിച്ചത്. തുടര്‍ന്ന് 'കുഴപ്പമൊന്നുമില്ലെന്ന് പറയരുതെ' എന്ന് പറഞ്ഞ് പൊളി ഫിറോസാണ് താനെന്ന് ചിരിച്ചുകൊണ്ട് സന്ധ്യയെ ഫിറോസ് അറിയിച്ചു. ഇതിനിടെ സജ്‌നയും ശബ്ദം മാറ്റി സന്ധ്യയോട് സംസാരിച്ചിരുന്നു. അതേസമയം ഇപ്പോള്‍ തിരുവനന്തപുരത്താണ് ഉളളതെന്ന് സന്ധ്യ ഫിറോസിനോട് പറഞ്ഞു.

Recommended Video

bigg boss malayalam season 3: fans requested to asianet for conduct soon grand finale

ഭാഗ്യലക്ഷ്മി ചേച്ചിയെ ഒക്കെ കാണാറുണ്ട്,. വീട് അടുത്തായത് കൊണ്ട് ചേച്ചി പുളിയിഞ്ചിയൊക്കെ കൊണ്ടുതന്നു. ഭര്‍ത്താവും മകളും മലേഷ്യയിലും, താനും മകനും ഇവിടെ നാട്ടിലുമാണെന്നും സന്ധ്യ അറിയിച്ചു. ബിഗ് ബോസ് ഫിനാലെയ്ക്ക് ഉണ്ടാവുമോ എന്ന ചോദ്യത്തിന് ഫിനാലെയ്ക്ക് വരും എന്നാണ് സന്ധ്യ ഫിറോസിനോടും സജ്‌നയോടും പറഞ്ഞത്.