'നിന്നെ എറ്റവും കൂടുതല്‍ മിസ് ചെയ്തത് ഞാനും കിടിലവുമാണ്', പൊളി ഫിറോസിനോട് നോബി

ഫിറോസ് ഖാന്റെ ഡിഎഫ്‌കെ എന്ന ചാനലിലൂടെയാണ് വീഡിയോ വന്നിരിക്കുന്നത്. നോബിയുടെ ആരാധകനാണ് എന്ന് പറഞ്ഞുകൊണ്ടാണ് പൊളി ഫിറോസ് പ്രാങ്ക് കോള്‍
ചെയ്തത്. 'എന്‌റെ ഫോണ്‍ നമ്പര്‍ എടുത്ത് ആരോ ഗൂഗിളില്‍ ഇട്ടെന്നും ഇപ്പോള്‍ നിര്‍ത്താതെ വിളിയാണ് എന്നും നോബി ആരാധകനെ അറിയിച്ചു. 'എടുത്തില്ലെങ്കില്‍ അത് പലര്‍ക്കും ബുദ്ധിമുട്ടാവുമല്ലോ എന്ന് കരുതിയാണ് എടുക്കുന്നത്'.

'ചിലരൊക്കെ നല്ലത് പറയുന്നു. ചിലരൊക്കെ തെറി വിളിക്കുന്നു. ആദ്യം ചിരിച്ചപ്പോ ഞാന്‍ വിചാരിച്ചു എന്നെ കളിയാക്കിയതായിരിക്കുമെന്ന്', ആരാധകനാണ് വിളിച്ചതെന്ന് കരുതി നോബി ഫിറോസിനോട് പറഞ്ഞു. 'തുടര്‍ന്ന് എന്നെ സംബന്ധിച്ച് ഞാനും എന്റെ കുടുംബവും ചേട്ടനെ ഭയങ്കരമായി ഇഷ്ടപ്പെടുന്നുണ്ട് എന്ന്' ഫിറോസ് അറിയിച്ചു.

'വീട്ടില് എല്ലാവരും സുഖമായിരിക്കുന്നോ? നോബി ചേട്ടനെ മാത്രമല്ല അതില് എല്ലാവരെയും ഇഷ്ടമായിരുന്നു. എന്തായാലും സന്തോഷമുണ്ട് എന്ന് ഫിറോസ് പറഞ്ഞു. ഇതിന് മറുപടിയായി 'എല്ലാവരും സുഖമായിരിക്കുന്നു. വിളിക്കുന്നവരോടെല്ലാം
മറുപടി പറഞ്ഞ് പറഞ്ഞ് ഞാന്‍ തളര്‍ന്നു', എന്നാണ് നോബി ആരാധകനോട് പറഞ്ഞത്.

'എനിക്ക് ആ പൊളി ഫിറോസിന്‌റെ നമ്പര്‍ ഒന്ന് തരുമോ?' എന്ന് പിന്നെ ഫിറോസ് നോബിയോട് ചോദിച്ചു. 'എന്‌റെ കൈയ്യില് ഇല്ല, ആരുടെയും നമ്പര്‍ ഇല്ലെന്ന്' ആയിരുന്നു നോബിയുടെ മറുപടി. തുടര്‍ന്നാണ് 'ഞാന്‍ പൊളി ഫിറോസാണെന്ന്' നോബിയെ ഫിറോസ് അറിയിച്ചത്. ആളെ മനസിലായപ്പോള്‍ ആദ്യം തെറി വിളിയായിരുന്നു നോബി. പിന്നെ ഇത് റൊക്കോര്‍ഡ് ചെയ്യുന്നതാണ് എല്ലാവരും കേള്‍ക്കുന്നതാണെന്ന് ഫിറോസ് പറഞ്ഞപ്പോള്‍ നോബി ശാന്തനായി.

Recommended Video

Body shaming on Anoop Krishnan's fiancee after their engagement video was out | FilmiBeat Malayalam

'തനിക്ക് ആരോടും ശത്രുതയില്ലെന്ന്' ഫിറോസ് നോബിയോട് പറഞ്ഞു. 'അളിയന് അറിയത്തില്ലെ നമ്മള് എല്ലാവരുടെയും മുഖത്ത് നോക്കി പറയും, അത് അവിടെ കഴിയും. എല്ലാവരെയും വിളിക്കുന്നുണ്ടെന്നും' ഫിറോസ് പറഞ്ഞു. 'നീ പോയ ശേഷം നിന്നെ എറ്റവും കൂടുതല്‍ മിസ് ചെയ്തത് ഞാനും കിടിലവുമാണെന്ന്' നോബി ഫിറോസിനോട് പറഞ്ഞു. 'നീ പോയപ്പോ അവിടെ ചലനം നഷ്ടപ്പെട്ടു. നീ അവിടെയുളളപ്പോ നല്ല രസമായിരുന്നു. ഞാനും കിടിലവും പറയുമായിരുന്നു. ഗെയിമായാലും എല്ലാത്തിലും രസമായിരുന്നു', നോബി ഫിറോസിനോട് വ്യക്തമാക്കി.