ജീവിതത്തിലെ പുതിയ വിശേഷങ്ങൾ പങ്കുവെച്ച് ബിഗ് ബോസ് താരങ്ങൾ, വലിയ ട്വിസ്റ്റുമായി മോഹൻലാൽ...

ബിഗ് ബോസ് ഹൗസിലെ സംഭവവികാസങ്ങൾ ഒരിക്കൽ കൂടി പ്രേക്ഷകരെ ഓർമിപ്പിച്ച് കൊണ്ടായിരുന്നു ഫിനാലെ ആരംഭിച്ചത്. ഒരിക്കൽ കൂടി ബിഗ് ബോസ് ഓർമകളിലേയ്ക്ക് പ്രേക്ഷകരെ കൊണ്ട് പോയിരിക്കുകയാണ്. ഗംഭീര ഗെറ്റപ്പിലാണ് മോഹൻലാൽ ഫിനാലെ വേദിയിൽ എത്തിയത്. മാസ് എൻട്രിയിലൂടെയാണ് താരം എത്തിയത്. ഭാഗ്യലക്ഷ്മി ഒഴികെ എല്ലാവരും ഫിനാലെയിൽ എത്തിയിരുന്നു. ഡാൻസ് പെർഫോമൻസിലൂടെയാണ് എല്ലാവരേയും മോഹൻലാൽ സ്വാഗതം ചെയ്തത്. ഗംഭീര നൃത്ത ചുവടുകളോടെയാണ് എല്ലാവരും സ്റ്റേജിലേയ്ക്ക് എത്തിയത്.

ബിഗ് ബോസ് ഷോയ്ക്ക് ശേഷം ജീവിതത്തിലുണ്ടായ മാറ്റത്തെ കുറിച്ചാണ് മത്സരാർഥികളോട് മോഹൻലാൽ ആദ്യം ചോദിച്ചത്. എട്ട് പേർക്കും നല്ല വിശേഷങ്ങളായിരുന്നു പറയാനുണ്ടായിരുന്നത്. ഷോയിൽ നിന്ന് പുറത്ത് ഇറങ്ങിയതിന് ശേഷമുള്ള ട്രോളുകളെ കുറിച്ചാണ് നോബി പറഞ്ഞത്. വാഴ എന്നായിരുന്നു തനിക്ക് ലഭിച്ച ഇരട്ട പേര് എന്നാണ് നോബി പറഞ്ഞത്. പ്രവചനത്തെ കുറിച്ചായിരുന്നു ഫിറോസിനോട് ചോദിച്ചത്. അനൂപിനും ഇഷയ്ക്കും ആശംസകളും മോഹൻലാൽ നേർന്നു. ആരാധകരെ കുറിച്ചായിരുന്നു മണിക്കുട്ടനോട് മോഹൻലാൽ ചോദിച്ചത്. എംകെ എന്ന പേരിനെ കുറിച്ചും പുറത്ത് ഇറങ്ങിയപ്പോൾ ഞെട്ടി എന്നും മണിക്കുട്ടൻ വിശേഷം പങ്കുവെച്ച കൊണ്ട് പറഞ്ഞു. പുതിയ സിനിമയിൽ പാട്ട് പാടിയതിനെ കുറിച്ച് ഋതുവും പറഞ്ഞു. കുടുംബാംഗങ്ങളെ കുറിച്ചാണ് ഡിംപലിനോട് ചോദിച്ചത്. പുത്തൻ ഗെറ്റപ്പിലായിരുന്നു സായി എത്തിയത്. പുതിയ ലുക്കിനെ കുറിച്ച് മോഹൻലാൽ ചോദിച്ചിരുന്നു. റംസാനും തന്റെ വിശേഷങ്ങൾ പങ്കുവെച്ചിരുന്നു

ജൂലൈ അവസാനത്തോടെ ഫിനാലെ ചിത്രീകരണം കഴിഞ്ഞിരുന്നു. ആഗസ്റ്റ് 1 ന് മോഹൻലാൽ ബിഗ് ബോസ് സീസൺ 3യുടെ വിജയിയെ പ്രഖ്യാപിക്കും. തുടക്കം പോലെ തന്നെ വലിയ ആഘോഷത്തോടെയാണ് ഷോയുടെ അവസാനവും. ബിഗ് ബോസ് സീസൺ 3യിലെ മുഴുവൻ താരങ്ങളോടൊപ്പം മലയാളി പ്രേക്ഷകരുടെ പ്രിയപ്പെട്ട സിനിമ താരങ്ങളും ബിഗ് ബോസ് ഫിനാലെയ്ക്കായി എത്തിയിട്ടുണ്ട്. ഗംഭീരമാ/ കാലാപരിപാടികളുമായിട്ടാണ് താരങ്ങൾ എത്തിയിരിക്കുന്നത്. നൃത്തം, പാട്ട് എന്നിങ്ങനെ കളർഫുള്ളായിട്ടാണ് ബിഗ് ബോസ് സീസൺ3 അവസാനിപ്പിക്കുന്നത്. ഷോയുടെ പ്രെമോ വീഡിയോ സോഷ്യൽ മീഡിയയിൽ വൈറലാണ്.

Recommended Video

Manikkuttan തന്നെ ഒന്നാംസ്ഥാനത്തിന് അർഹൻ- Kidilam Firoz | FilmiBeat Malayalam

ഏഴ് മണിക്കാണ് ഫിനാലെയുടെ സംപ്രേക്ഷണം ആരംഭിച്ചത്. ചെന്നൈയിൽ തന്നെയാണ് ഷോ നടക്കുന്നത്. മലയാളി പ്രേക്ഷകരുടെ പ്രിയപ്പെട്ട താരം മോഹൻലാൽ തന്നെയാണ് ആകാംക്ഷയോടെ കാത്തിരിക്കുന്ന വിജയിയെ പ്രഖ്യാപിക്കുന്നത്. ലാലേട്ടൻ പുത്തൻ ഗെറ്റപ്പിലാണ് ഷോയ്ക്കായി എത്തിയിരിക്കുന്നത്. ലാലേട്ടന്റെ ഗംഭീര ഗെറ്റപ്പ് നേരത്തെ തന്നെ സോഷ്യൽ മീഡിയയിലും ആരാധകരുടെ ഇടയിലും ചർച്ചയായിരുന്നു. ഒരു ചെറിയ ഇടവേളയ്ക്ക് ശേഷമാണ് ലാലേട്ടൻ മിനിസ്ക്രീൻ പ്രേക്ഷകരുടെ മുന്നിൽ എത്തിയിരിക്കുന്നത്.