അത്യാപൂര്‍വ്വമായി ബിഗ് ബോസിലത് നടക്കുന്നു; 2 ക്യാപ്റ്റന്മാരോ? കിടിലം ഫിറോസിനും ഭാഗ്യലക്ഷ്മിയ്ക്കും ട്രോള്‍

ഹൗസ് ക്ലീനിങ്ങില്‍ സായി വിഷ്ണു, സന്ധ്യ അനൂപ്, എന്നിവരെ കിടിലം ഫിറോസ് സെലക്ട് ചെയ്‌തെങ്കിലും മൂന്ന് പേര് പോരാ നാല് പേരെങ്കിലും വേണമെന്ന നിര്‍ദ്ദേശത്തില്‍ രമ്യയെ കൂടി തിരഞ്ഞെടുക്കുന്നു. കിച്ചന്‍ ക്ലീനിങ്ങില്‍ റംസാന്‍, അഡോണി, ഡിംപല്‍, സൂര്യ എന്നിവരും കിച്ചനില്‍ മജ്‌സിയ, ഫിറോസ്-സജ്‌ന, മണിക്കുട്ടന്‍, എന്നിവരുമാണ്. സജ്‌ന കിച്ചണില്‍ ഉണ്ടെങ്കില്‍ അവളെ ആ ടീമിന്റെ ക്യാപ്റ്റനാക്കാനാണ് ഭാഗ്യലക്ഷ്മി നിര്‍ദ്ദേശിച്ചത്. എന്നാല്‍ അതില്‍ താല്‍പര്യപ്പെടാത്ത ഫിറോസ് സജ്‌ന ക്യാപ്റ്റനാവുന്നതിലും നല്ലത് മണിക്കുട്ടനാണെന്ന് പറയുന്നു.

സജ്‌നയാണ് ക്യാപ്റ്റനെങ്കില്‍ നേരെ ഇങ്ങ് തന്റെ വരും. മണിക്കുട്ടനാണെങ്കില്‍ ഇച്ചിരി മനസിലാക്കട്ടേ.. എന്നും ഫിറോസ് പറയുന്നു. ഇതൊക്കെ സമ്മതിച്ച ഭാഗ്യലക്ഷ്മി, മണിക്കുട്ടന് എല്ലാം കൈകാര്യം ചെയ്യാന്‍ അറിയാമെന്ന് സൂചിപ്പിച്ചു. അവനത് ചെയ്യും. അതേ സമയം ഭാനുവും സജ്‌നയും ആയിരുന്നെങ്കില്‍ വഴക്കില്‍ അവസാനിക്കും. അതിനകത്ത് കിടന്ന് കലപില കലപില പറയുമെന്നാണ് ഭാഗ്യലക്ഷ്മിയുടെ അഭിപ്രായം. എന്നാല്‍ തൊട്ട് പിന്നില്‍ പിള്ളേര്‍ നില്‍ക്കുന്നത് കൊണ്ട് വലിയ പ്രശ്‌നം ഉണ്ടാവില്ലെന്ന് കിടിലം ഫിറോസും വിലയിരുത്തുന്നു.

ഇരുവരുടെയും ഈ തുറന്ന് പറച്ചില്‍ സോഷ്യല്‍ മീഡിയയും ഏറ്റുപിടിച്ചിരിക്കുകയാണ്. ഫിറോസ് ആണോ ഭാഗ്യലക്ഷ്മിയാണോ ക്യാപ്റ്റന്‍ എന്ന ചോദ്യമാണ് ഉയര്‍ന്ന് വരുന്നത്. പ്രിയപ്പെട്ട ബിഗ് ബോസ് എല്ലാവരുടെയും ക്യാപ്റ്റന്‍സി വീഡിയോ കാണിക്കാറുണ്ടല്ലോ. അങ്ങനെ ധൈര്യമുണ്ടെങ്കില്‍ ഇതു ഒന്നു അടുത്ത ആഴ്ച കാണിക്കണം. രണ്ടു പേരേം ഒരുമിച്ചാണോ ക്യാപ്റ്റന്‍ ആക്കിയത്. ഇതൊന്നും കാണുന്നില്ലേ.. ഞങ്ങള്‍ പ്രേഷകര്‍ മണ്ടന്മാരാണോന്നും ചിലര്‍ ചോദിക്കുന്നു.

മലയാളം ബിഗ് ബോസിന്റെ ചരിത്രത്തില്‍ ആദ്യമായി ഒരാഴ്ച്ച 2 ക്യാപ്റ്റന്മാര്‍ ഭരിക്കുന്ന അത്യപൂര്‍വ ആഴ്ചയാണിത്. സ്വന്തമായി തീരുമാനം എടുക്കാന്‍ അറിയാത്ത ക്യാപ്റ്റനാണോ കിടിലം ഫിറോസ്. ഭാഗ്യലക്ഷ്മിയ്ക്ക് ബിഗ് ബോസ് കുറച്ച് കൂടുതല്‍ പരിഗണ കൊടുക്കുന്നുണ്ട്, എന്ന് തുടങ്ങി ഫിറോസിനും ഭാഗ്യലക്ഷ്മിയ്ക്കുമെതിരെ കമന്റുകള്‍ നിറയുകയാണ്.