ഈ ടോട്ടൽ സീസൺ മിക്കവാറും അവളുടെ കൈയിലാകും, ഡിംപലിനെ കുറിച്ച് ഫിറോസിന്റെ പ്രവചനം

ഡിംപൽ, ഭാനു എന്നിവരുടെ ജീവിതാനുഭവങ്ങൾ പങ്കുവെയ്ക്കുന്ന ടാസ്ക്കിന് ശേഷമായിരുന്നു ഫിറോസിന്റെ പ്രവചനം. ഫിറോസിനോടൊപ്പം സായ്, ലക്ഷമി ജയൻ തുടങ്ങിയവരുമുണ്ട്. കുട്ടിക്കാലത്ത് നഷ്ടടപ്പെട്ട സുഹൃത്തിനെ കുറിച്ചും തന്റെ അസുഖത്തെ കുറിച്ചും അതിജീവനത്തെ കുറിച്ചുമാണ് ഡിംപൽ പറഞ്ഞത്. മറ്റുള്ള മത്സാർഥികൾക്കൊപ്പം തന്നെ പ്രേക്ഷകരുടെ കണ്ണുകളും ഈറൻ അണിഞ്ഞിരുന്നു. വളരെ മികച്ച രീതിയിലായിരുന്നു ഡിംപലിന്റെ അവതരണവും.

തന്റെ കരിയറിലെ നേട്ടങ്ങളെ കുറിച്ചായിരുന്നു മജിസിയ വെളിപ്പെടുത്തിയത്. സ്പോർട്സ് രംഗത്ത് എത്തിയതും മെഡലുകൾ സ്വന്തമാക്കിയതും ഏറെ അഭിമാനത്തോടെയായിരുന്നു ഭാനും ഹൗസ് അംഗങ്ങളുടെ മുന്നിൽ അവതരിപ്പിച്ചത്. കയ്യടികളോടെയായിരുന്നു മജിസിയയേയും സഹമത്സരാർഥികൾ സ്വീകരിച്ചത്. ഇവരുടെ ടാസ്ക്കിന് ശേഷമായിരുന്നു ഫിറോസിന്റേയും കൂട്ടരുടേയും വിലയിരുത്തൽ.

മജിസിയ ഭാനു കേരളത്തിനായി നേടിയ മെഡലുകളുടെ നേട്ടങ്ങൾ വിഷയമാക്കി തുറന്ന് പറഞ്ഞ് കേരളക്കരയെ ഏറ്റെടുത്തുവെന്നും ഡിംപിൾ വേറെ ലെവലായെന്നുമാണ് ഫിറോസിന്റെ അഭിപ്രായം. നേരത്തേ പറഞ്ഞ നമ്മളെ മാർക്കറ്റ് ചെയ്യാൻ നമ്മൾ മാത്രമേ ഇവിടെയുള്ളൂ എന്ന പോയിന്റ് കൃത്യമായി വിനിയോഗിച്ചത് ഡിംപിൾ ആണെന്ന് സായി വിഷ്ണു ചൂണ്ടിക്കാട്ടി. അവൾ പെർഫെക്ട് ഷോ മേക്കറെന്നും അവൾക്കെതിരെ കളിക്കുന്നവർ മനുഷ്യത്വമില്ലാത്തവരാണെന്നും ഫിറോസും ചൂണ്ടിക്കാട്ടുകയുണ്ടായി.

കൂടാതെ റംസാൻ ഡ്രസ്സിന്റെ കാര്യം പറഞ്ഞപ്പോൾ കയർത്തു സംസാരിച്ചതും അവളിൽ ശ്രദ്ധിക്കപ്പെട്ടുവെന്നും സൈക്കോളജി പഠിച്ചതിനാൽ അതിന്റെ ഗുണം അവളുടെ പേഴ്സണാലിറ്റിയിൽ കാട്ടുന്നുണ്ടെന്നും ഫിറോസ് സായിയോടും ലക്ഷ്മിയോടുമായി പറഞ്ഞു.ടോട്ടൽ സീസൺ മിക്കവാറും അവളുടെ കൈയിലാകും ഫിറോസ് കൂട്ടിച്ചേർത്തു. അവൾ അവളുടെ ഹെയർ സ്റ്റൈലും ചിന്തകളും കൊണ്ട് പ്രേക്ഷക ശ്രദ്ധ നേടുകയാണെന്ന് സായി വിഷ്ണുവും അഭിപ്രായപ്പെട്ടു.