ബിഗ് ബോസിനെ കുറിച്ച് കിടിലം ഫിറോസിന്‌റെ ആദ്യ പ്രതികരണം പുറത്ത്, പങ്കുവെച്ച് വ്‌ളോഗര്‍ രേവതി

ഇതുവരെ സപ്പോര്‍ട്ട് ചെയ്ത എല്ലാവര്‍ക്കും ഫിറോസ് ഫോണ്‍ കോളില്‍ നന്ദി പറയുന്നുണ്ട്. "നിങ്ങളുടെ റിവ്യൂ ഒകെ കഴിഞ്ഞ രണ്ട് സീസണിലും കണ്ട ആളാണ് ഞാന്‍. എന്താണോ അവിടെ സംഭവിച്ചത് അതിനെ നല്ല രീതിയില്‍ കണ്ടിട്ടുണ്ടാവും, വിമര്‍ശിച്ചിട്ടുണ്ടാവും, നിരൂപണം നടത്തിയിട്ടുണ്ടാവും. നല്ലതിനെ നല്ലതെന്നും മോശമായതിനെ മോശം എന്നും പറഞ്ഞിട്ടുണ്ടാവും.

അപ്പോ അതില് സപ്പോര്‍ട്ട് ചെയ്തവര്‍ക്കും വിമര്‍ശിച്ചവര്‍ക്കും നിരൂപണം നടത്തിയവര്‍ക്കും നല്ല അഭിപ്രായം പറഞ്ഞവര്‍ക്കും തിരുത്താന്‍ ശ്രമിച്ചവര്‍ക്കും എന്‌റെ നന്ദിയും കടപ്പാടും അറിയിക്കുന്നു. പിന്നെ അതൊരു ഗെയിം ഷോയാണ്. അതില്‍ എന്നാല്‍ കഴിയുന്നത് പോലെ ചെയ്യാന്‍ ശ്രമിച്ചിട്ടുണ്ട്. ഞങ്ങള്‍ ഷോയില്‍ നിന്നിറങ്ങിയ ഏട്ട് പേരും സത്യത്തില്‍ ആത്മാര്‍ത്ഥ സുഹൃത്തുക്കളാണ്, കഴിഞ്ഞ 96 ദിവസങ്ങളായിട്ട്.

എല്ലാവരെയും സപ്പോര്‍ട്ട് ചെയ്യണം. വിമര്‍ശനങ്ങളോടൊക്കെ ബഹുമാനവും സ്‌നേഹവും മാത്രം. തിരുത്താന്‍ പറ്റുന്നതൊക്കെ തിരുത്താന്‍ ശ്രമിക്കാം. എനിക്ക് ശരി എന്ന് തോന്നുന്നതിനെ നിലനിര്‍ത്തുകയും അല്ലാത്തതിനെ നമുക്ക് മാറ്റുകയും ചെയ്യാം. എന്തായാലും സപ്പോര്‍ട്ട് ചെയ്തതിന്, ഇത്രയും ദിവസം ഞങ്ങള്‍ ഏട്ട് പേരെയും സപ്പോര്‍ട്ട് ചെയ്തതിന് ഒരുപാട് സന്തോഷം. പിന്നെ അര്‍ഹതപ്പെട്ട ആരോ ഒരാള്‍ വിജയിയായി കാത്തിരിപ്പുണ്ട്. കിടിലം ഫിറോസ് പറഞ്ഞു.

അതേസമയം ബിഗ് ബോസില്‍ ഇത്തവണ വിജയസാധ്യകളുളള മല്‍സരാര്‍ത്ഥിയാണ് കിടിലം ഫിറോസ്. ഷോയുടെ തുടക്കം മുതല്‍ വേറിട്ട ഗെയിം സ്ട്രാറ്റര്‍ജിയുമായാണ് അദ്ദേഹം മുന്നേറിയത്. തനിക്ക് എതിരാളികള്‍ എന്ന് തോന്നുവര്‍ക്കെതിരെ കളിക്കുക എന്നതായിരുന്നു കിടിലത്തിന്‌റെ തന്ത്രം. ഇടയ്ക്ക് ഡിംപലിനെതിരായ പരാമര്‍ശങ്ങളില്‍ വിമര്‍ശിക്കപ്പെട്ടെങ്കിലും പിന്നീട് തിരുത്തി മുന്നോട്ടുപോവാന്‍ കിടിലം തയ്യാറായിരുന്നു. കൃത്യമായ നിലപാടുകളും അഭിപ്രായങ്ങളും എപ്പോഴും പറയാറുളള മല്‍സരാര്‍ത്ഥി കൂടിയായിരുന്നു കിടിലം ഫിറോസ്.