സത്യം ഉടൻ പുറത്ത് വരും, മജ്സിയ-ഡിംപൽ വിഷയത്തിൽ പ്രതികരിച്ച് ലക്ഷ്മി, മുന്നറിയിപ്പുമായി ആരാധകർ

ബിഗ് ബോസ് മത്സരാർഥിയും ഗായികയുമായ ലക്ഷ്മി ജയനോടൊപ്പം ലൈവിൽ എത്തിയാണ് മജ്സിയ തന്റെ ഭാഗം വ്യക്തമാക്കിയത്. തനിക്ക് അല്ല ഡിംപലിനാണ് തന്നെ ഫേസ് ചെയ്യാൻ മടിയെന്നായിരുന്നു മജ്സിയ പറഞ്ഞത്. ഒപ്പം ഡിംപലിനോടും ഫാൻസിനോടും മജ്സിയ മാപ്പ് ചോദിക്കുകയും ചെയ്തിരുന്നു. ഡിംപലിനെ കണ്ടുവെന്നും ഭാഗ്യലക്ഷ്മി ഒഴികെ എല്ലാവരും ഇവിടെയുണ്ടെന്നും മജ്സിയ ലൈവിൽ പറഞ്ഞു.

മജ്സിയയെ പിന്തുണച്ച് ലക്ഷ്മി ജയനും ലൈവിൽ സംസാരിച്ചിരുന്നു. ഇവിടെ എല്ലാവരും നല്ല സൗഹൃദത്തിലാണെന്നാണ് ലക്ഷ്മി പറഞ്ഞത്. അത് ഷൂട്ട് കാണുമ്പോൾ എല്ലാവർക്കും മനസ്സിലാവുമെന്നും ലക്ഷ്മി പറയുന്നു. എന്നാൽ വിശദീകരണം നൽകുന്നതും പ്രശ്നങ്ങളുണ്ടാവുന്നതും സോഷ്യൽ മീഡിയയിൽ നിന്നാണെന്നും ലക്ഷ്മി കൂട്ടിച്ചേർത്തു. മജ്സിയയുടേയും ലക്ഷ്മിയുടേയും ലൈവ് സോഷ്യൽ മീഡിയയിൽ വൈറലായിരുന്നു.

ഇപ്പോൾ സമൂഹമാധ്യമങ്ങളിൽ വൈറലാകുന്നത് ലക്ഷ്മിയുടെ വാക്കുകളാണ്. ഒരു ആരാധികയ്ക്ക് മറുപടിയായിട്ടാണ് സംഭവിച്ചതിനെ കുറിച്ച് പറയുന്നത്. ''ലക്ഷ്മി നീ പേടിക്കേണ്ട, പത്തോ പതിനായിരമോ നിന്നെ കുറ്റപ്പെടുത്തിയാലും ലക്ഷങ്ങൾ നിന്നെ ഇഷ്ടപ്പെടുന്നവർ ഉണ്ട്.. '' എന്നായിരുന്നു ആരാധികയുടെ കമന്റ്. ലക്ഷ്മിയുടെ ചിത്രത്തിന് കമന്റായിട്ടാണ് പിന്തുണ അറിയിച്ചത്. ഇതിന് മറുപടിയും ലക്ഷ്മി ജയൻ നൽകിയിട്ടുണ്ട്. സത്യം ഒരിക്കൽ പുറത്ത് വരും. എന്നാൽ ഞങ്ങൾ ഇപ്പോൾ നിസ്സഹായരാണ്. ദൈവം കൂടെയുണ്ടെന്ന് വിശ്വസിക്കുന്നു എന്നായിരുന്നു മറുപടി

Recommended Video

Bigg boss 3 Malayalam finale | FilmiBeat Malayalam

ലക്ഷ്മിയെ പിന്തുണയ്ക്കുന്നതിനോടൊപ്പം തന്നെ മുന്നറിയിപ്പുമായും നിരവധി പേർ എത്തിയിട്ടുണ്ട്. സുഹൃത്തിനെ തിരഞ്ഞെടുക്കുമ്പോൾ സൂക്ഷിക്കണം എന്നാണ് ഒരു വിഭാഗം പറയുന്നത്. നിങ്ങളുടെ കഠിനാദ്ധ്വാനം
കൊണ്ടാണ് ഇവിടെ എത്തിയതെന്നും അത് കളയരുതെന്നും പ്രേക്ഷകർ പറയുന്നു. കൂടാതെ ഡിംപലിനെ പിന്തുണച്ചും നിരവധി പേർ എത്തിയിട്ടുണ്ട്. ലക്ഷ്മി ജയൻ ഷോയിൽ നിന്ന് പോയതിന് ശേഷം വൈൽഡ് കാർഡ് എൻട്രിയിലൂടെ തിരികെ കൊണ്ട് വരണമെന്ന് ആവശ്യപ്പെട്ട് പ്രേക്ഷകർ രംഗത്ത് എത്തിയിരുന്നു. ഷോയിൽ നിന്ന് പോയതിന് ശേഷമാണ് ലക്ഷ്മിയ്ക്ക് ആരാധകരുടെ എണ്ണം വർധിക്കുന്നത്.