ഇടത് കാലിന് പരിക്കേറ്റു, ക്വാറന്റൈൻ കാലം ചികിത്സയിൽ, കാലിനുണ്ടായ അപകടത്തെ കുറിച്ച് മണിക്കുട്ടന്‍

പ്രേക്ഷകരുടെ ഇടയിൽ വീട്ടിലെ പയ്യൻ എന്ന് ഇമേജുള്ള താരമാണ് മണിക്കുട്ടൻ. കായം കുളം കെച്ചുണ്ണിയായി മിനിസ്ക്രീനിൽ ചുവട് വെച്ച മണിക്കുട്ടൻ 2005 ൽ പുറത്തിറങ്ങിയ ബോയ് ഫ്രണ്ട് എന്ന ചിത്രത്തിലൂടെയാണ് മലയാള സിനിമയിൽ എത്തിയത്. ആദ്യ ചിത്രത്തിലൂടെ തന്നെ പ്രേക്ഷകരുടെ ഇടയിൽ ശ്രദ്ധ നേടൻ താരത്തിന് കഴിഞ്ഞു, പിന്നീട് മികച്ച ഒരുപിടി ചിത്രങ്ങളുടെ ഭാഗമാകുകയായിരുന്നു. വളരെ പെട്ടെന്ന് തന്നെ മലയാള സിനിമയിൽ തന്റേതായ സ്ഥാനം കണ്ടെത്താൻ മണിക്കുട്ടന് കഴിഞ്ഞിരുന്നു.

ഗംഭീര മേക്കോവറിലാണ് മണിക്കുട്ടൻ ബിഗ് ബോസ് ഹൗസിൽ എത്തിയത്. ഉഗ്രൻ നൃത്തത്തോടെയായിരുന്നു നടന്റെ എൻട്രി. കാലിലെ പരിക്ക് വകവയ്ക്കാതെയായിരുന്നു മണിക്കുട്ടന്റെ നൃത്തം. ബിഗ് ബോസ് ഷോയിലേയ്ക്ക് വരുന്നതിന് തൊട്ട് മുൻപ് നടന്റെ കാലിന് ഒരു അപകടം സംഭവിക്കുന്നത്. ക്രിക്കറ്റ് കളിക്കുന്നതിനിടയിലാണ് ഇടത്തേ കാലിന് പരിക്കേൽക്കുന്നത്. ഷോയിൽ വാരാൻ കഴിയുമെന്ന് വിചാരിച്ചിരുന്നില്ലെന്നും എന്നാൽ ബിഗ് ബോസിൽ നിന്ന് മികച്ച പരിചരണമാണ് ലഭിച്ചതെന്നും മണിക്കുട്ടൻ മോഹൻലാലിനോട് പറഞ്ഞു.

കൂടാതെ കൊറോണക്കാലത്ത് തനിക്ക് നഷ്ടമായ ഉറ്റ സുഹൃത്തിനെ കുറിച്ച നടൻ പറഞ്ഞു. താൻ ബിഗ് ബോസില്‍ വരാൻ ഏറ്റവും കൂടുതൽ ആഗ്രഹിച്ച വ്യക്തിയായിരുന്നു റിനോജെന്നും നടൻ നിറ കണ്ണുകളോടെ പറഞ്ഞു. കൊവിഡ് കാലത്തുണ്ടായ ഏറ്റവും വലിയ സങ്കടമായിരുന്നു സുഹൃത്തിന്റെ വിയോഗമെന്നും നടൻ കൂട്ടിച്ചേർത്തു. ശബ്ദമിടറിയ മണിക്കുട്ടനെ സമാധാനിപ്പിച്ചാണ് മോഹൻലാൽ വീടിനുള്ളിലേയ്ക്ക് വിട്ടത്.

Recommended Video

Bigg Boss Malayalam : Dhanya മുതൽ Bhagyalakshmi വരെ ? | ബിഗ് ബോസ്സിലെ താരങ്ങൾ ഇവർ

വിശേഷങ്ങൾക്കൊപ്പം തന്നെ വിവാഹത്തെ കുറിച്ചും മണിക്കുട്ടനോട് മോഹൻലാൽ ആരാഞ്ഞു.
അടുത്ത ബിഗ് ബോസില്‍ കല്യാണം കഴിക്കുമോയെന്നൊക്കെ ഒരുപാട് ആള്‍ക്കാര്‍ ചോദിക്കുന്നുവെന്ന് മോഹൻലാല്‍ പറഞ്ഞു. താരത്തിന്റെ ചോദ്യത്തിന് രസകരമായ ഉത്തരമാണ് മണിക്കുട്ടൻ നൽകിയത് . ഈ വര്‍ഷം കല്യാണം കഴിക്കണം എന്ന് ആലോചിക്കുന്നുണ്ട്, ബിഗ് ബോസ്സഹൗസ് ഹൗസിനുള്ളിൽ നിന്ന് നടക്കുകയാണെങ്കിൽ താത്പര്യക്കുറവൊന്നുമില്ലെന്നും. ഇവിടെ നിന്നായാൽ ആര്‍ക്കും ഇൻവിറ്റേഷൻ കൊടുക്കണ്ടല്ലോയെന്നായിരുന്നു മണിക്കുട്ടൻ പറഞ്ഞു.അതിനുള്ള ശ്രമവും ഉണ്ടാകുമല്ലേയെന്ന് മോഹൻലാലും ചോദിക്കുന്നുണ്ട്.