വിന്നര്‍ ആരാണെന്ന് നേരത്തെ തീരുമാനിച്ചിട്ടുണ്ട്; ബിഗ് ബോസ് സ്‌ക്രീപ്റ്റഡാണ്, ആരോപണവുമായി മിഷേല്‍ ആന്‍ ഡാനിയേൽ

എന്തായാലും വളരെ മോശമായി പോയി. ഒരു പെണ്ണിന് പെണ്ണിനെ പറയാം, പെണ്ണിന് ആണിനെയും പറയാം. പക്ഷേ ഒരു ആണിന് പെണ്ണിനെ കുറിച്ച് പറയാന്‍ പറ്റത്തില്ല. അതെവിടുത്തെ ന്യായമാണ്. എന്തായാലും അവര്‍ കാണിച്ചത് വളരെ മോശമാണ്. അടുത്തത് അവര്‍ ലക്ഷ്യം വെക്കുന്നത് സായി വിഷ്ണുവിനെയാണ്. ഇക്കാര്യം എനിക്ക് ഉറപ്പാണ്. സായി ആര്‍മി ഉണ്ടെങ്കില്‍ അവരെല്ലാം സപ്പോര്‍ട്ട് ചെയ്യണം. ഇനി ടാര്‍ഗറ്റ് ചെയ്യാന്‍ പോവുന്നത് സായിയെയാണ്.

ഈ ഷോ യില്‍ അങ്ങനെ ഉണ്ടാവും. ഇനി നോക്കിക്കോ, സായിയുടെ കൈയില്‍ നിന്ന് എന്തെങ്കിലും ഒരു പിഴവ് ഉണ്ടായിട്ടുണ്ടെങ്കില്‍ അവനെയും വേറെ രീതിയിലാക്കും. അത് നൂറ് ശതമാനം ഉറപ്പുള്ളതാണ്. ഡെയിഞ്ചര്‍ ഫിറോസിന് ശേഷം ഏറ്റവും കൂടുതല്‍ സപ്പോര്‍ട്ടുള്ള ആള്‍ സായി വിഷ്ണുവാണ്. ഇവരുടെ സ്‌ക്രീപ്റ്റില്‍ മണിക്കുട്ടനാണ് വിന്നര്‍. അതുകൊണ്ടാണ് ഇനി സായിയെ ഉന്നം വെക്കാന്‍ പോവുന്നതെന്നും സോഷ്യല്‍ മീഡിയ പേജിലൂടെ പങ്കുവെച്ച വീഡിയോയില്‍ മിഷേല്‍ പറയുന്നു.

അതേ സമയം ബിഗ് ബോസ് ചെയ്ത ഏറ്റവും വലിയ തെറ്റ് നിങ്ങളെ കൊണ്ട് വന്നതാണെന്ന് പറയുകയാണ് ആരാധകര്‍. മണിക്കുട്ടന്‍ അതിന് അര്‍ഹനായ മത്സരാര്‍ഥിയാണെന്ന് തന്നെയാണ് ഞങ്ങളുടെ വിശ്വാസം. അവിടെ നിന്നും ഇറങ്ങുന്നതിന് തൊട്ട് മുന്‍പ് മണിക്കുട്ടനെ കുറിച്ചുള്ള കുറ്റം കിടിലം ഫിറോസിനോട് പറഞ്ഞത് ഞങ്ങള്‍ കണ്ടതാണ്. ഇതൊക്കെ അറിയാമായിരുന്നെങ്കില്‍ എന്തിനാണ് ബിഗ് ബോസിലേക്ക് പോയത്. സായി പോയാല്‍ നിങ്ങള്‍ക്ക് എന്തെങ്കിലും കുഴപ്പമുണ്ടോ. മണിക്കുട്ടനോട് അസൂയ ഉണ്ടായിട്ടാണോ ഇങ്ങനെ പറയുന്നത്.

മണിക്കുട്ടനെ സൂക്ഷിക്കണമെന്ന മുന്നറിയിപ്പ് കൊടുത്തിട്ടാണ് മിഷേല്‍ ബിഗ് ബോസിനുള്ളില്‍ നിന്നും പുറത്താവുന്നത്. ബിഗ് ബോസിന്റെ സ്‌ക്രീപ്റ്റില്‍ മാത്രമല്ല പ്രേക്ഷകരുടെ മനസിലും മണിക്കുട്ടന്‍ വിജയിക്കണമെന്ന് തന്നെയാണ് ആഗ്രഹം. പുറത്ത് വലിയ സപ്പോര്‍ട്ട് കിട്ടുന്നുണ്ടെന്ന് അറിഞ്ഞത് കൊണ്ടാവാം മണിയ്ക്ക് എതിരെ മിഷേല്‍ തിരിഞ്ഞതെന്നും തുടങ്ങി മിഷേലിന്റെ വീഡിയോയ്ക്ക് താഴെ കമന്റുകള്‍ നിറയുകയാണ്.