മണിക്കുട്ടനെ ചെരിപ്പ് എറിഞ്ഞതായിരുന്നോ? ബിഗ് ബോസിനുള്ളില്‍ സംഭവിച്ച വിവാദ വിഷയത്തെ കുറിച്ച് റംസാൻ

ബിഗ് ബോസ് എന്ന പ്ലാറ്റ് ഫോം നമ്മള്‍ എങ്ങനെ നോക്കി കാണുന്നു എന്നത് പോലെ ഇരിക്കും. എല്ലാവര്‍ക്കും അത് വേറിട്ടാണ് ഉണ്ടാവുക. ഇതിലെ ടാസ്‌കുകളുടെ ഫാനായിരുന്നു ഞാന്‍. വീട്ടിലിരുന്ന് ഇത് കാണുമ്പോള്‍ ബിഗ് ബോസിലെ പല ഫിസിക്കല്‍ ആന്‍ഡ് മെന്റല്‍ ടാസ്‌കുകള്‍ കാണുമ്പോള്‍ ഇതെനിക്ക് കിട്ടിയിരുന്നെങ്കില്‍ പൊളിച്ചേനെ എന്ന് മുന്‍പ് കരുതിയിരുന്നു. അത് ആഗ്രഹിച്ചിരുന്നു. അങ്ങനെ ഇരിക്കുമ്പോഴാണ് ഷോ യിലേക്ക് വെക്കന്‍സി ഉണ്ടെന്ന് പറഞ്ഞ് വിളിക്കുന്നത്. ആദ്യം ചെറിയ ഇന്റര്‍വ്യൂ നടത്തി നേരിട്ട് സെലക്ട് ചെയ്തു. പോവണോ വേണ്ടയോ എന്ന്് സംശയം തോന്നിയിരുന്നു.

ബിഗ് ബോസ് എന്ന പ്ലാറ്റ്‌ഫോമില്‍ എല്ലാവര്‍ക്കും പോയി പെര്‍ഫോം ചെയ്യാന്‍ പറ്റില്ല. നമ്മുടെ മനസില്‍ എല്ലാത്തിനും തയ്യറായ ഒരു മനസ് വേണം. അതിനകത്ത് എന്ത് സംഭവിച്ചാലും കുഴപ്പമില്ല എന്ന രീതിയില്‍ എടുക്കണം. ഞാന്‍ പോയത് അവിടുത്തെ ടാസ്‌കുകള്‍ കാരണമാണ്. അവിടെ ചെന്നപ്പോഴാണ് ഓരോരുത്തരുടെയും ഉള്ളിലൂടെ ഗെയിമിങ് സ്ട്രാറ്റര്‍ജി ഒക്കെ പോവുന്നുണ്ടെന്ന് മനസിലായത്. ആദ്യത്തെ ആഴ്ച ഞാന്‍ ഡൗണായിരുന്നു. ടാസ്‌കുകള്‍ക്ക് പകരം എല്ലാവരും ഭയങ്കരമായിട്ട് കണ്ടന്റ് ഉണ്ടാക്കുന്നത് പോലെ തോന്നി. എനിക്ക് അതിനോട് താല്‍പര്യമില്ലായിരുന്നു. ഞാന്‍ സംസാരിക്കേണ്ട സമയത്ത് സംസാരിക്കുകയും വഴക്ക് ഉണ്ടാക്കുകയും സ്‌നേഹിക്കുമ്പോള്‍ സ്‌നേഹിക്കുകയും ചെയ്തിട്ടുണ്ട്. ഞാന്‍ ശ്രദ്ധിച്ചത് ഗെയിമിലായിരുന്നു.

ചെരുപ്പ് എറിഞ്ഞ വിവാദത്തെ കുറിച്ചും റംസാന്‍ പറഞ്ഞു. അതൊരു ടാസ്‌ക് ആയിരുന്നു. രണ്ട് ടീമുകള്‍ തമ്മിലാണ്. ആ ഗെയിമിന്റെ ലക്ഷ്യം മറ്റ് ടീമിലുള്ളവരെ പ്രൊവോക്ക് ചെയ്ത് താഴെ ഇറക്കുക എന്നതാണ്. വ്യക്തിപരമായി പല പ്രശ്‌നങ്ങളും ഉള്ളപ്പോള്‍ ഗെയിം മറന്ന് ചെയ്യുന്ന ചില കാര്യങ്ങളുണ്ട്. അതിലൊന്നാണ് ഞാന്‍ ഒരു കാര്യം ചോദിച്ചിട്ട് കിട്ടിയ മറുപടിയും എന്നെ പറ്റി പറഞ്ഞ കാര്യങ്ങളും. അതിന് എതിരെയാണ് ഞാന്‍ ചെരുപ്പ് എറിഞ്ഞത്. ശരിക്കും എറിഞ്ഞതല്ല, മുന്നോട്ട് ഇടാന്‍ നോക്കിയതാണ്.

ആ എനര്‍ജിയില്‍ അതിന്റെ ഫോഴ്‌സ് കൂടിയതാണ്. ഒരു പ്ലാറ്റ്‌ഫോമില്‍ നില്‍ക്കുമ്പോള്‍ നമ്മളിത് ചെയ്യാന്‍ പാടില്ല. അതിനെനിക്ക് പണിഷ്‌മെന്റ് കിട്ടുകയും ഞാനത് കൈയ്യും നീട്ടി സ്വീകരിക്കുകയും ചെയ്തു. പുറത്തിറങ്ങിയപ്പോള്‍ എനിക്ക് തോന്നിയത്, ഞാന്‍ അത്രയെങ്കിലും ചെയ്തില്ലായിരുന്നു എങ്കില്‍ പിന്നീട് എനിക്ക് കുറ്റബോധം വരുമായിരുന്നു എന്നാണ്. എനിക്കെതിരെ എന്ത് വന്നാലും ആ സമയത്ത് തന്നെ പ്രതികരിക്കുന്ന ആളാണ് ഞാന്‍. അത് വച്ച് നോക്കുമ്പോള്‍ ഞാന്‍ അത്രയെങ്കിലും ചെയ്തു എന്ന് പറയാം. പല കാര്യങ്ങളും കട്ട് ചെയ്ത് പോവുകയും കാണിക്കാതെ ഇരുന്നിട്ടും ഉണ്ടാവും. പക്ഷേ എല്ലാം അവിടെ തന്നെ കഴിഞ്ഞതായിട്ടും റംസാന്‍ പറയുന്നു.