സാബു, രജിത്ത് കുമാർ, എംകെ,ഫിറോസ്... ഇവർ മികച്ച മത്സരാർഥികൾ, ഷോയിൽ തിളങ്ങിയത് നാല് വഴികളിലൂടെ...

ഇപ്പോൾ സോഷ്യൽ മീഡിയയിൽ ചർച്ച കനക്കുന്നത് ബിഗ് ബോസ് മലയാളത്തിലെ ശക്തനായ മത്സരാർഥിയെ കുറിച്ചാണ്. ബിഗ് ബോസ് മലയാളം സീസൺ 3 ഓഫീഷ്യൽ എന്ന ഫേസ്ബുക്ക് പേജിലാണ് ഇതിനെ കുറിച്ചുള്ള ചർച്ച നടക്കുന്നത്. ബിഗ് ബോസ് മലയാളം താരങ്ങളായ സാബു മോൻ, രജിത്ത് കുമാർ, ഫിറേസ് ഖാൻ, മണിക്കുട്ടൻ എന്നിവരെ ഉദ്ധരിച്ചാണ് ചർച്ച നടക്കുന്നത്. മൂന്ന് സീസണുകളിലും ഏറ്റവും കൂടുതൽ പ്രേക്ഷക പിന്തുണ ലഭിച്ച മത്സരാർഥികളായിരുന്നു ഇവർ.

പോളിലൂടെയാണ് ബിഗ് ബോസ് മലയാളത്തിലെ മികച്ച മത്സരാർഥിയെ കണ്ടെത്തുന്നത്. ''മലയാളം ബിഗ് ബോസ് മൂന്ന് സീസണുകൾ കണ്ടതിൽ വെച്ച് ഏറ്റവും ശക്തരായ 4 മത്സരാർഥികൾ. സാബു മോൻ, മണിക്കുട്ടൻ, രജിത് കുമാർ, ഫിറോസ് ഖാൻ. ഇവരിൽ നാല് പേരിലും എല്ലാ അർത്ഥത്തിലും ഏറ്റവും മികച്ച ആളാണെന്ന് നിങ്ങൾക്ക് തോന്നുന്ന ഒരാളെ തിരിഞ്ഞെടുക്കുക''. എന്നതായിരുന്നു പോൾ. പ്രേക്ഷകർ പോളിൽ സജീവമായി പങ്കെടുത്തിരുന്ന . മണിക്കുട്ടൻ, സാബു എന്നിവരുടെ പേരാണ് ഏറ്റവും കൂടുതൽ പേരും പറഞ്ഞത്. കൂടാതെ ത സായിയേയും ഡിംപലിനേയും പേളിയേയും പോളിൽ ഉൾപ്പെടുത്തണമെന്നും പ്രേക്ഷകർ പറയുന്നുണ്ട്.

ഇവർ നാല് പേരും ബിഗ് ബോസ് മലയാളത്തിലെ ശക്തരായ മത്സരാർഥികൾ ആണെന്നാണ് പ്രേക്ഷകരിൽ ഒരു വിഭാഗം പേർ പറയുന്നത്. നാലു പേരും നാല് രീതിയുലുള്ള ഗെയിം ആയിരുന്നു ഹൗസിൽ കാഴ്ചവെച്ചത്. ഇവരുടെ നാല് വ്യത്യസ്ത സ്ട്രറ്റജികളും പ്രേക്ഷകരുടെ ഇടയിൽ ശ്രദ്ധിക്കപ്പെട്ടിരുന്നു. ബിഗ് ബോസ് ഷോയിലെ മികച്ച ഗെയിമറായിരുന്നു സാബു. എന്നാൽ ഷോയിൽ മികച്ച സ്ട്രറ്റജി ഉപയോഗിച്ചത് രജിത് കുമാറാണ്. മണിക്കുട്ടന്റെ വ്യക്തിത്വമായിരുന്നു പ്രേക്ഷകർക്കിടയിൽ ഇടയിൽ ശ്രദ്ധിക്കപ്പെട്ടത് . ഷോയ്ക്ക് മികച്ച കണ്ട‍ന്റ് നൽകിയത് ഫിറോസ് ഖാൻ ആയിരുന്നുവെന്നും പ്രേക്ഷകർ പറയുന്നു. ഇവർ നാല് പേരും നാല് രീതിയിലുള്ള മികച്ച പ്രകടനമായിരുന്നു ഹൗസിൽ കാഴ്ചവെച്ചത്.

Recommended Video

ബിഗ്‌ബോസ് സീസൺ 4 ൽ ഇവർ ? അത് തകർക്കും | FilmiBeat Malayalam

സീസൺ 3 അവസാനിച്ചതിനെ തുടർന്ന് നാലാം ഭാഗത്തിനായി കാത്തിരിക്കുകയാണ് പ്രേക്ഷകർ. അതിന്റെ ചർച്ചകളും പ്രേക്ഷകരുടെ ഇടയിൽ കനക്കുന്നുണ്ട്. താരങ്ങളെ മാത്രമല്ല എല്ലാ മേഖലയിൽ നിന്നുമുള്ള മികച്ച വ്യക്തിത്വങ്ങളെ ഷോയിൽ കൊണ്ട് വരണമെന്നും പ്രേക്ഷകർ പറയുന്നു. മത്സരാർഥികളെ കുറിച്ചുള്ള ചർച്ച ബിഗ് ബോസ് ഗ്രൂപ്പുകളിൽ പുരോഗമിക്കുന്നുണ്ട്. സീസൺ 3യിലെ വജയിയെ പ്രഖ്യാപിച്ചതിന് ശേഷം, ഉടനെ തന്നെ നാലാം സീസൺ ആരംഭിക്കുമെന്നാണ് പ്രചരിക്കുന്ന റിപ്പോർട്ട്