മണിക്കുട്ടന്‌റെ പേര് പാവയ്ക്ക് ഇട്ടതില്‍ സൂര്യക്കെതിരെ രമ്യ, ഇമോഷണലായി സൂര്യ പറഞ്ഞത്

അപ്പോ ആ പോയ ഒരു വ്യക്തിയുടെ പേരിട്ട് നമ്മള് വെറുതെ തമാശ കളിക്കുന്നതിനോട് എനിക്ക് താല്‍പര്യമില്ല. സൂര്യ പാവയ്ക്ക് മണിക്കുട്ടന്‍ എന്ന പേരിട്ടു. അത് എനിക്ക് തോന്നിയ ഒരഭിപ്രായം ഞാന്‍ ഓപ്പണായിട്ട് പറയുന്നതാണ്. അറിയാലോ ഒരു പാവയാണത്. ഇവിടെ നിന്നും പോയത് സ്‌ട്രോംഗായിട്ടുളള ഒരു മല്‍സരാര്‍ത്ഥിയാണ്. ആ പുളളിക്കാരന്‌റെ പേരിട്ടു. ഇപ്പോ എന്റെ പേരായിരുന്നാലും ഇട്ട് കളിക്കുന്നതിനോട് എനിക്ക് ഇഷ്ടപ്പെടില്ല.

അപ്പോ അതുപോലായിരിക്കും ഇത് ചിലപ്പോ കാണുന്ന മണിക്കുട്ടന്‍ ചേട്ടനും അവരുടെ ആള്‍ക്കാര്‍ക്കും ഇഷ്ടപ്പെടുമെന്ന് എനിക്കറിയില്ല. എന്തെങ്കിലും സംശയമുണ്ടെങ്കില്‍ ബിഗ് ബോസിനോട് പെര്‍മിഷന്‍ ചോദിച്ച് ചെയ്യ്. ഞാന്‍ എന്റെതായിട്ടുളള ഒരഭിപ്രായം പറഞ്ഞതാണ്. കാരണം ഇതുവരെ സൂര്യ പാവയ്ക്ക് ഇട്ടിരുന്ന പേര് വേറെയായിരുന്നു. അപ്പോ ഒരാള് പോയികഴിഞ്ഞ് പാവയ്ക്ക് മണിക്കുട്ടന്‍ എന്ന് പേരിട്ട് കഴിഞ്ഞ് ആ പാവയെ മണിക്കുട്ടാ മണിക്കുട്ടാ എന്ന് വിളിക്കുമ്പോള്‍ നമ്മള് പുളളിക്ക് കൊടുത്ത ബഹുമാനം അവിടെ പോവുകയാണ്.

എനിക്കായാല്‍ അത് ഫീല്‍ ചെയ്യും. അതുകൊണ്ട് പറഞ്ഞതാണ്, ഇതില്‍ എന്തെങ്കിലും അഭിപ്രായ വ്യത്യാസമുണ്ടെങ്കില്‍ ഓപ്പണായിട്ട് പറയാം. രമ്യ പറഞ്ഞു. രമ്യ പറഞ്ഞതിന് ഇമോഷണലായാണ് സൂര്യ മറുപടി നല്‍കിയത്. ഞാന്‍ മണിക്കുട്ടനെ ഡിസ് റെസ്‌പെക്ട് ചെയ്തിട്ടില്ലെന്ന് സൂര്യ പറഞ്ഞു. മണിക്കുട്ടന്‍ പെട്ടെന്ന് പറയാതെ പോയതാണ്. ഞാന്‍ മണിക്കുട്ടനെ അത്രയും റെസ്‌പെക്ട് ചെയ്താണ് നിന്നത്.

മണിക്കുട്ടനെ ഞാന്‍ പാവയായി കണ്ടിട്ടില്ല. അത്രയും സ്‌നേഹത്തോടെയാണ് മണിക്കുട്ടന്‌റെ കുറവിന് പകരം ഞാന്‍ പാവയോട് സംസാരിച്ചത്. ഒരിക്കല്‍ പോലും ഞാന്‍ എടുത്തെറിയുകയോ ഒന്നും ചെയ്തിട്ടില്ല. അത്രയും ബഹുമാനത്തോട് കൂടി ഞാന്‍ മണിക്കുട്ടനോട് എങ്ങനെയാണോ സംസാരിക്കുന്നത് ആ രീതിയാലാണ് ഞാന്‍ ആ പാവക്കുട്ടിയോട് സംസാരിച്ചത്, സൂര്യ പറഞ്ഞു.

തുടര്‍ന്ന് സ്‌മോക്കിംഗ് റൂമില്‍ വെച്ച് സൂര്യ വീണ്ടും കരയവേ നീ അത് സീക്രട്ട് ആക്കി വെക്കണമായിരുന്നു എന്ന് രമ്യ പറഞ്ഞു. എന്നാല്‍ ഇവര് ഇങ്ങനെയൊക്കെ ചിന്തിച്ചുകൂട്ടുമെന്ന് എനിക്കറിയില്ലാരുന്നു എന്ന് സൂര്യ പറഞ്ഞു. ഇതൊക്കെ കാണുമ്പോ അവരും വിചാരിക്കും പോയിട്ടും എന്തിനാണ് പേര് വലിച്ചിഴയ്ക്കുന്നതെന്ന്. തുടര്‍ന്ന് ഡിംപലും സൂര്യയോട് പറഞ്ഞു, താനൊന്ന് ചിന്തിച്ചുനോക്ക് നമ്മളൊക്കെ പക്വതയുളളവരാണ്. ടീനേജുകാരല്ല.