ബിഗ് ബോസ് നോമിനേഷനില്‍ മുന്നില്‍ റിതു മന്ത്ര, കിടിലം ഫിറോസിനെയും വിടാതെ മല്‍സരാര്‍ത്ഥികള്‍

ആദ്യമെത്തിയ നോബി ഋതു മന്ത്രയെയും സായ് വിഷ്ണുവിനെയുമാണ് നോമിനേറ്റ് ചെയ്തത്. ഇതിനുളള കാരണവും നടന്‍ വ്യക്തമാക്കി.

ഇരുവരും ഒന്നുകൂടി ആക്ടീവാകണമെന്നും എല്ലാവരുമായും മിംഗിള് ചെയ്യുന്നത് കൂട്ടണമെന്നുമാണ് നോബി പറഞ്ഞത്. പിന്നാലെ സായിയെയും ഋതുവിനെയും ഡിംപലും നോമിനേറ്റ് ചെയ്തു. സന്ധ്യാ മനോജിനെയും റിതു മന്ത്രയെയും ആണ് കിടിലം ഫിറോസ് നോമിനേറ്റ് ചെയ്തത്.

മണിക്കുട്ടന്‍ കിടിലം ഫിറോസിനെ നോമിനേറ്റ് ചെയ്തുകൊണ്ടാണ് എത്തിയത്. ഫിറോസ് വ്യക്തിപരമായി അധിക്ഷേപിക്കാന്‍ ശ്രമിക്കുന്നു. ഉപദേശിക്കുന്നു എന്നീ കാരണങ്ങളാല്‍ ഒന്നിലധികം പേര്‍ ഫിറോസിനെ നോമിനേറ്റ് ചെയ്തു. മടിയും സത്യസന്ധത ഇല്ലായ്മയും ക്യാമറയ്ക്ക് വേണ്ടി മാത്രം സംസാരിക്കുന്ന കാരണത്താലും ലക്ഷ്മി ജയനും നോമിനേറ്റ് ചെയ്യപ്പെട്ടു.

മണിക്കുട്ടനെ നോമിനേറ്റ് ചെയ്താണ് റംസാന്‍ എത്തിയത്. മണിക്കുട്ടന്‍ ചേട്ടന്‍ ശക്തനായ മല്‍സരാര്‍ത്ഥിയാണെന്ന് തെളിയിക്കാന്‍ ഏരിതീയില്‍ എണ്ണയൊഴിക്കുന്ന വ്യക്തിയാണെന്ന് റംസാന്‍ ആരോപിച്ചു. കൂടാതെ ഡിംപലിനെയും റംസാന്‍ നോമിനേറ്റ് ചെയ്തു. ലക്ഷ്മി ജയന്‍ സന്ധ്യയെയും, അഡോണിയെയും നോമിനേറ്റ് ചെയ്തു.

സായി വിഷ്ണു കിടിലം ഫിറോസ്, അഡോണി തുടങ്ങിയവരെയും പറഞ്ഞു. ഇത്തവണ എവിക്ഷന്‍ പ്രകിയയിലേക്ക് ഏഴ് വോട്ടുകളുമായി റിതു മന്ത്രയാണ് ഒന്നാമത് എത്തിയത്. പിന്നാലെ കിടിലം ഫിറോസ്, ലക്ഷ്മി ജയന്‍, ഡിംപല്‍ ഭാല്‍, സന്ധ്യാ മനോജ്, സായി വിഷ്ണു, അഡോണി,ഭാഗ്യലക്ഷ്മി തുടങ്ങിയവരും നോമിനേറ്റ് ചെയ്യപ്പെട്ടു.