റിതുവിനെ കെട്ടിപ്പിടിച്ച് നടക്കാന്‍ അവിടെ എന്തുണ്ടായി? ബിഗ് ബോസിലെ ആദ്യ പ്രണയം ഇവരാണോ; വൈറല്‍ കുറിപ്പ്

ആഴ്ചയുടെ അവസാനം ശനി, ഞായര്‍ ദിവസങ്ങളിലാണ് അവതാരകനായ മോഹന്‍ലാല്‍ മത്സരാര്‍ഥികള്‍ക്ക് മുന്നിലെത്തുന്നത്. കഴിഞ്ഞ ഒരാഴ്ചയില്‍ വീടിനുളളില്‍ നടന്ന പല കാര്യങ്ങളും അവിടെ ചര്‍ച്ചയാവാറുണ്ട്. അതിലൊന്ന് ബിഗ് ബോസില്‍ ഗ്രൂപ്പിസം ഉണ്ടോ എന്നുള്ളതാണ്. നാല് പേര്‍ ചേര്‍ന്ന് ഒരു ഗ്രൂപ്പ് തുടങ്ങിയതായി താനറിഞ്ഞെന്ന് സൂചിപ്പിച്ചെങ്കിലും ആരൊക്കെയാണെന്ന് വെളിപ്പെടുത്തിയില്ല. എന്നാല്‍ ഉദ്ദേശിച്ചത് തങ്ങളെയാണെന്ന് അഡോണിയും റിതു മന്ത്രയും തിരിച്ചറിഞ്ഞിരുന്നു.

ബിഗ് ബോസിലെത്തിയ ആദ്യ ദിവസങ്ങളില്‍ തന്നെ ഇരുവരും ഒന്നിച്ച് സംസാരിക്കാറുണ്ട്. സായി വിഷ്ണുവിനെയും റംസാനെയും ചേര്‍ത്ത് മറ്റുള്ളവരുടെ ഗെയിം പ്ലാനുകളെ കുറിച്ചും ഇവര്‍ സംസാരിക്കാറുണ്ട്. ഇതോടെ നാല് പേരും ചേര്‍ന്ന് ഒരു ഗ്രൂപ്പ് ആയി മാറിയതായിട്ടുള്ള സൂചന സോഷ്യല്‍ മീഡിയ ചര്‍ച്ച ചെയ്തിരുന്നു. പലപ്പോഴും റിതു മന്ത്രയാണ് മറ്റുള്ളവര്‍ക്ക് പല ഉപദേശങ്ങളും നല്‍കിയിരുന്നത്. എന്നാല്‍ മോഹന്‍ലാല്‍ ചോദ്യം ചെയ്‌തോടെ ഇരുവരും പ്രതിസന്ധിയിലായി.

ഇക്കാര്യം സംസാരിച്ച് കൊണ്ടിരിക്കുന്ന റിതുവിന്റെയും അഡോണിയുടെയും ദൃശ്യങ്ങളാണ് ആരാധകരിപ്പോള്‍ ഏറ്റുപിടിച്ചിരിക്കുന്നത്. മോഹന്‍ലാല്‍ പോയതിന് ശേഷം ഗാര്‍ഡന്‍ ഏരിയയില്‍ അദ്ദേഹം പറഞ്ഞ ഗ്രൂപ്പിസത്തെ പറ്റി ഇരുവരും സംസാരിച്ചു. ആദ്യം സംസാരിക്കാന്‍ വിമുഖത കാണിച്ച റിതുവിനെ ചേര്‍ത്ത് പിടിച്ച് കൊണ്ടാണ് അഡോണി മുന്നോട്ട് വന്നത്. ഇരുവരുടെയും ഈ പ്രവൃത്തികള്‍ ഒരു പ്രണയത്തിന്റെ സൂചന നല്‍കുന്നതല്ലേ എന്ന ചോദ്യമാണ് ആരാധകര്‍ക്കിടയില്‍ ഉയര്‍ന്ന് വരുന്നത്. ഇതുമായി ബന്ധപ്പെട്ട് ബിഗ് ബോസ് ഓഫിഷ്യല്‍ ഗ്രൂപ്പില്‍ വന്ന എഴുത്ത് ശ്രദ്ധേയമാവുകയാണ്.

'റിതുവും അഡോണിയും തമ്മില്‍ ഇതുപോലെ കെട്ടിപ്പിടിച്ചു നടക്കാന്‍ തക്കവണ്ണം അവിടെ എന്തുണ്ടായി? റിതുവിന് ബിഗ് ബോസ് ഹൗസില്‍ പല ഹോട്ട് കാര്യങ്ങളും ചെയ്യാനുണ്ട് എന്ന് മുമ്പുള്ള എന്റെ റിവ്യൂവില്‍ എഴുതിയതിന് രോഷം കൊണ്ടവര്‍ ഇത് കാണുക. അങ്ങനെ എഴുതിയത് അഡോണിയും റിതുവും മാറിയിരുന്ന് എപ്പോഴും സംസാരിക്കുന്നത് കണ്ടതുകൊണ്ടു കൂടിയായിരുന്നു. ഇപ്പോള്‍ നിങ്ങള്‍ എന്തു പറയുന്നു? ഇവിടെ ഒരു പ്രണയം വിരിയുമോ?' എന്നും എഴുത്തില്‍ പറയുന്നു.