ഋതുവാണ് ഇപ്പോഴത്തെ മിക്ക പ്രശ്നങ്ങൾക്കും തിരി കൊളുത്തുന്നത്, ഏണി പിടിക്കലാണെന്ന് സായ്

കിടിലൻ ഫിറോസ് , മണിക്കുട്ടൻ, നോബി, സായ്, റംസാൻ, രമ്യ,സൂര്യ,ഋതു എന്നിവരാണ് 12ാം ആഴ്ചയിൽ ഹൗസിലുള്ളത്. മത്സരം മുറുകുമ്പോൾ പലരും ഒർജിൻ ഗെയിം പുറത്ത് എടുക്കുകയാണ്. ബിഗ് ബോസ് ഹൗസിലെ ശക്തയായ വനിത മത്സരാർഥിയാണ് ഋതു. എല്ലാവരുടേയും അടുത്ത സുഹൃത്തായ ഋതു ഇപ്പോൾ ബിഗ് ബോസ് ഹൗസിലെ ചർച്ചാ വിഷയമാകുകയാണ്. ഷോ അതിന്റെ അവസാനത്തിലേയ്ക്ക് അടുക്കുമ്പോഴാണ് ഋതു ഹൗസ് അംഗങ്ങളുടെ ഇടയിൽ ചർച്ചയാകുന്നത്.

ഗ്രൂപ്പ് മത്സരങ്ങളിലും സിംഗിൾ മത്സരങ്ങളിലും വളരെ മികച്ച പ്രകടനമാണ് ഇപ്പോൾ ഋതു കാഴ്ച വയ്ക്കുന്നത്. കഴിഞ്ഞ ആഴ്ചയിലെ ഋതുവിന്റെ വീക്കിലി ടാസ്ക്കിലെ പ്രകടനം മോഹൻലാൽ വരെ അഭിനന്ദിച്ചിരുന്നു. ടാസ്ക്കിൽ മികച്ച പ്രകടനമാണ് ഇരുവരും കാഴ്ചവെച്ചതെന്നാണ് മോഹൻലാൽ പറഞ്ഞത്. പോയ വാരം മോശം പ്രകടനത്തെ തുടർന്ന് ജയിലിൽ പോയതും ഇവർ രണ്ടു പേരുമായിരുന്നു. ഇപ്പോഴിത ഋതുവിനെ കുറിച്ചുള്ള സായ്- രമ്യ ചർച്ച സോഷ്യൽ മീഡിയയിൽ വൈറലാവുകയാണ്. ഇപ്പോഴത്തെ മിക്ക പ്രശ്നങ്ങൾക്കും തിരികൊളുത്തുന്നത് ഋതു ആണെന്നാണ് ഇവർ പറയുന്നത്.

വീക്കിലി ടാസ്ക്കിൽ തങ്ങളെ മറ്റുള്ളവർ ടാർഗറ്റ് ചെയ്തതായി തോന്നിയെന്ന് ഋതു മോഹൻലാൽ വന്ന എപ്പിസോഡിൽ പറഞ്ഞിരുന്നു. ഇൻഡയറക്ടായിട്ടാണ് ഇക്കാര്യം ഋതു ഹൗസിൽ അവതരിപ്പിച്ചത്. എന്നാൽ ഇത് മത്സരാർഥികളുടെ ഇടയിൽ ചർച്ചയായിരുന്നു. മോഹൻലാൽ പോയതിന് ശേഷം നടന്ന മീറ്റിങ്ങിൽ ഇതിനെ കുറിച്ച് മത്സരാർഥികൾ സംസാരിക്കുകയും ചെയ്തിരുന്നു. മോഹൻലാലിന്റെ മുന്നിൽ ഋതു പറഞ്ഞതിനെ കുറിച്ചായിരുന്നു സായിയും രമ്യയും സംസാരിച്ചത്. ഋതു പറഞ്ഞത് ശരിയല്ലെന്നാണ് ഇവർ പറഞ്ഞത്.

Recommended Video

Pradeep Chandran Exclusive Interview | നോബിയോ മണിക്കുട്ടനോ ജയിക്കണം FilmiBeat Malayalam

എന്തോ ഒരു അധികാരം കിട്ടിയത് പോലെയാണ് ഋതു ഇപ്പോൾ സംസാരിക്കുന്നതെന്ന് രമ്യസായിയോട് പറഞ്ഞു. താനൊരു വലിയ സംഭവമാണെന്ന് എല്ലാവരേയും കാണിക്കണം. അതിനായി ഋതു ഏണി പിടിക്കലാണെന്നും സായിയും പറഞ്ഞു. സൂര്യയും ഋതുവിനെ കുറിച്ച് മണിക്കുട്ടനോട് പറഞ്ഞിരുന്നു. പിന്തുണച്ച ഞാൻ ശശി കുമാരിയായി എന്നാണ് സൂര്യ പറഞ്ഞത്. ജയിലിൽ പോയ സംഭവത്തെ ചുറ്റിപ്പറ്റി റംസാനും ഋതുവുമായി ചെറിയ തർക്കം ഹൗസിൽ നടന്നിരുന്നു.