സായിയുടെ സ്വപ്‌നത്തില്‍ ഗന്ധര്‍വ്വനായി വന്ന ലാലേട്ടന്‍, ശ്രദ്ധേയമായി സാങ്കല്‍പ്പിക കഥ

കംഗാരുവിനൊപ്പവും എന്നോടൊപ്പവും ഫോട്ടോ എടുക്കണം എന്ന് അദ്ദേഹം ആവശ്യപ്പെട്ടു. രസകരമായിട്ടാണ് മോഹന്‍ലാലിനെ ആദ്യമായി കണ്ടത് സാങ്കല്‍പ്പിക കഥയിലൂടെ നോബി അവതരിപ്പിച്ചത്. തുടര്‍ന്ന് നോബിയെ ട്രോളി ലാലേട്ടനും സംസാരിച്ചു. നോബിയോട് മൈക്ക് വയറിന്‌റെ അടുത്ത് വെക്കാന്‍ പറഞ്ഞു. തുടര്‍ന്ന് നോബി ഇപ്പോള്‍ ശരിക്കും കങ്കാരുവായെന്ന് ലാലേട്ടന്‍ പറഞ്ഞു. ഇത് കേട്ട് എല്ലാവര്‍ക്കും ചിരിപൊട്ടി.

നോബിക്ക് പിന്നാലെ സായി വിഷ്ണുവാണ് മോഹന്‍ലാലിനെ ആദ്യമായി കണ്ടത് സാങ്കല്‍പ്പിക കഥയിലൂടെ വിവരിച്ചത്. ഗന്ധര്‍വ്വനെ പോലെ ലാലേട്ടന്‍ കടല്‍തീരത്ത് വന്നതിനെ കുറിച്ചാണ് സായി പറഞ്ഞത്. സ്വപ്‌നത്തില്‍ കണ്ട കഥയാണ് സായി വിവരിച്ചത്. ഒരിക്കല്‍ ഞാന്‍ കടല്‍തീരത്ത് ഇരിക്കുകയായിരുന്നു. അപ്പോ അവിടെ നമ്മുടെ കുഞ്ഞ് ലൂക്കയെ പോലെ ഒരു മാന്ത്രിക വിളക്ക് ഉണ്ടായിരുന്നു.

അതില്‍ നിന്ന് പെട്ടെന്ന് ഒരു രൂപം വന്നു. ലാലേട്ടനായിരുന്നു അതെന്ന് സായി വിഷ്ണു പറഞ്ഞു. ഞാന്‍ ഗന്ധര്‍വ്വന്‍, മാനാകാനും മയിലാകാനും നിന്റെ ചുണ്ടിലെ മുത്തമാകാനും നിമിഷാര്‍ദ്ധം പോലും വേണ്ട, ഞാന് ഗഗനചാരി എന്ന് പറഞ്ഞതായി സായി പറഞ്ഞു. ആ രൂപം ഇപ്പോഴും എനിക്ക് ഓര്‍മ്മയുണ്ട്.

ഞാന്‍ കുറെ സ്വപ്‌നങ്ങളുമായി ഇവിടേക്ക് വന്നപ്പോള്‍ ആ രൂപം എന്റെയടുത്ത് വന്ന് മോഹന്‍ലാല്‍ എന്ന് പറഞ്ഞതായും സായി വിഷ്ണു പറഞ്ഞു. തുടര്‍ന്ന് എനിക്കും എറ്റവും ഇഷ്ടമുളളയാളാണ് ഗന്ധര്‍വ്വനെന്ന് സായിയോട് ലാലേട്ടനും പറഞ്ഞു. അതേസമയം മോഹന്‍ലാലിനെ ആദ്യമായി കണ്ടതിനെ കുറിച്ച് ശ്രദ്ധേയമായാണ് എല്ലാവരും സാങ്കല്‍പ്പിക കഥ അവതരിപ്പിച്ചത്. മണിക്കുട്ടനും, സൂര്യയും ഉള്‍പ്പെടെയുളളവരെല്ലാം കഥ പറഞ്ഞിരുന്നു. ഇന്ന് എല്ലാവരെയും പരമാവധി സന്തോഷപ്പെടുത്താന്‍ നോക്കിയിരുന്നു മോഹന്‍ലാല്‍. മല്‍സരാര്‍ത്ഥികളുടെ പെര്‍ഫോമന്‍സുകളെയെല്ലാം അദ്ദേഹം പുകഴ്ത്തിയിരുന്നു.