നല്ല മനസ്സിന് ഉടമയാണ് അനൂപ്, വീട്ടിൽ വന്നപ്പോഴുള്ള അനുഭവം പങ്കുവെച്ച് സാന്ത്വനത്തിലെ സേതു

അനൂപ് വീട്ടില്‍ വന്ന സമയത്ത് പകര്‍ത്തിയ ചിത്രവും ബിജേഷ് പോസ്റ്റ് ചെയ്തിരുന്നു. നമ്മുടെ സീത കല്യാണത്തിലെ അനൂപ്. ഇപ്പൊ ബിഗ് ബോസിൽ തിളങ്ങുകയാണ്. അവൻ എന്റെ വീട്ടിൽ വന്നപ്പോൾ അമ്മയും, അച്ഛനും, അനിയത്തീടെ മക്കളും കൂടി എടുത്ത പിക് ആണ്. നല്ല മനസ്സിന് ഉടമയായ അവന് ബിഗ് ബോസിൽ സപ്പോർട്ട് ചെയ്യണമെന്ന് ബിജേഷ് കുറിച്ചു. സോഷ്യൽ മീഡിയയിൽ സജീവമായ ബിജേഷ്. താരത്തിന്റെ വാക്കുകൾ നിമിഷ നേരം കൊണ്ടാണ് വൈറലായിരിക്കുന്നത്. കൂടാതെ മികച്ച പ്രതികരണമാണ് പ്രേക്ഷകരിൽ നിന്ന് ലഭിക്കുന്നത്.

ബിഗ് ബോസ് സീസൺ 3 ലെ മികച്ച മത്സരാർഥികളിൽ ഒരാളാണ് അനൂപ്. തുടക്കം മുതൽ തന്നെ സോഷ്യൽ മീഡിയയിൽ നിന്ന് മികച്ച പ്രതികരണമാണ് നടന് ലഭിക്കുന്നത്. തുടക്കത്തിൽ വളരെ ശാന്തനായ എല്ലാവരോടും കളിച്ച് നടക്കുന്ന അനൂപിനെയാണ് പ്രേക്ഷകർ കണ്ടത്. എന്നാൽ പിന്നീട് പൊട്ടിത്തെറിക്കുന്ന നടന്റെ മുഖം മത്സരാർഥികളെ പോലെ പ്രേക്ഷകരേയും ഞെട്ടിച്ചിരുന്നു. തന്റെ നിലപാടിൽ ഉറച്ച് നിൽക്കുന്ന ആളാണ് അനൂപ്. അതിനാൽ തന്നെ പലപ്പോഴും പ്രശ്നങ്ങളുണ്ടാവാറുണ്ട്. തെറ്റ് ആര് ചെയ്താലും അനൂപ് പ്രതികരിക്കാറുണ്ട്. ഇത് പലപ്പോഴും വലിയ പ്രശ്നങ്ങൾ സൃഷ്ടിക്കാറുണ്ട്.

പ്രേക്ഷകർ ഏറെ പ്രതീക്ഷയോടെ കാണുന്ന മത്സരാർഥിയാണ് അനൂപ്. 100 ദിവസം വരെ പോകുമെന്നാണ് പ്രേക്ഷകരുടെ വിലയിരുത്തൽ. എന്നാൽ ദേഷ്യം അൽപം കുറയ്ക്കണമെന്നും പ്രേക്ഷകർ പറയുന്നു. ദേഷ്യത്തിന്റെ പേരിൽ ചെറിയ വിമർശനങ്ങൾ സോഷ്യൽ മീഡിയയിൽ ഉയരുന്നുണ്ട്. ഒറ്റയ്ക്ക് നിന്ന് കളിക്കുന്ന നല്ല മത്സരാർഥിയാണെന്നും എന്നാൽ ദേഷ്യം അൽപം കുറയ്ക്കണമെന്നും ആരാധകർ പറയുന്നു

ഏഷ്യനെറ്റ് സംപ്രേക്ഷണം ചെയ്ത സീതാകല്യാണം എന്ന പരമ്പരയിലൂടെയാണ് അനൂപ് പ്രേക്ഷകരുടെ പ്രിയങ്കരനാകുന്നത്. കല്യാൺ എന്ന കഥാപാത്രത്തെയാണ് നടൻ അവതരിപ്പിക്കുന്നത്. ചെറിയ സമയം കൊണ്ട് തന്നെ പ്രേക്ഷകരുടെ ഇടയിൽ ശ്രദ്ധിക്കപ്പെട്ടാൻ അനൂപിന് കഴിഞ്ഞിരുന്നു അനൂപ് പരമ്പരയിൽ നിന്ന് ചെറിയ ഇടവേള എടുത്തപ്പോൾ തന്നെ താരത്തെ അന്വേഷിച്ച് കൊണ്ടുള്ള ചർച്ച സോഷ്യൽ മീഡിയയിൽ സജീവമായിരുന്നു.