എല്ലാവരുടേയും സ്നേഹം നേടി അപർണ പടിയിറങ്ങി, കണ്ണുനിറഞ്ഞ് ബ്ലെസ്ലി, സ്നേഹ സമ്മാനമായി വള നൽകി വിനയ്!

അത് നോക്കി സ്വിമ്മിംഗ് പൂളിലെത്തിയ ഇരുവർക്കും അടുത്ത സൂചന കിട്ടി. എന്നെ കൊല്ലാതിരിക്കാൻ പറ്റുമോ ഇല്ല അല്ലേ എന്നായിരുന്നു സൂചന.

ജയിലിൽ എത്തിയ ഇരുവർക്കും കിട്ടിയ അടുത്ത സൂചന റൺ ബേബി റൺ എന്നായിരിന്നു. ത്രഡ് മില്ലിൽ എത്തിയ ഇരുവർക്കും അടുത്ത സൂചന കിട്ടി.

വീണ്ടും സൂചനകൾക്ക് പിന്നാലെ സഞ്ചരിച്ച് ഇരുവരും മരത്തിന്റെ ചുവട്ടിൽ എത്തി അവിടെ നിന്നും കവർ തുറന്നപ്പോൾ ഇരുവരും സേവ്‍ഡ് എന്ന് എഴുതിയ കാർഡ് കിട്ടുകയും ചെയ്‍തു.

റോബിനും ധന്യക്കുമായിരുന്നു അടുത്ത ഊഴം. സൂചനകൾക്ക് അനുസരിച്ച് അടുപ്പിന് അടുത്ത് ചെന്നപ്പോൾ റോബിനും ധന്യക്കും ഉത്തരം കിട്ടി. ഇരുവരും സേവായി.

എവിക്ഷൻ പട്ടികയിൽ പിന്നീട് ബാക്കിയുള്ളത് അപർണയും ദിൽഷയുമായിരുന്നു. ഇരുവർക്കും ഒരു കാർഡ് നൽകി അത് ഉരച്ചുനോക്കാൻ പറഞ്ഞു. ദിൽഷയുടെ കാർഡിൽ സേവ്‍ഡ് എന്നും അപർണയുടേതിൽ എലിമിനേറ്റഡെന്നുമായിരുന്നു എഴുതിയത്.

കണ്ണ് നിറഞ്ഞുകൊണ്ടാണ് പ്രേക്ഷക വിധി അപർണ വായിച്ചത്. പോകുമെന്ന് ഒട്ടും പ്രതീക്ഷിച്ചിരുന്നില്ലെന്നും അപർണ പറഞ്ഞു. അപർണയുമായി നല്ലൊരു ആത്മബന്ധം സൂക്ഷിച്ചിരുന്ന ബ്ലെസ്ലി അപർണ പോയപ്പോൾ കരഞ്ഞു.

ഇവിടെ നിന്ന് പോകുമ്പോൾ കൈയ്യിലുള്ള ഒരു സാധനം ആർക്കെങ്കിലും കൊടുക്കാൻ അവസരം കിട്ടിയാൽ ആർക്ക് കൊടുക്കുമെന്ന് മോഹൻലാൽ ചോദിച്ചപ്പോൾ എട്ട് വർഷമായി താൻ സൂക്ഷിക്കുന്ന വള അപർണയ്ക്ക് കൊടുക്കുമെന്ന് വിനയ് വാക്ക് പറഞ്ഞിരുന്നു. വാക്ക് തെറ്റിക്കാതെ വിനയ് അത് പാലിക്കുകയും ചെയ്തു.

Recommended Video

വന്നു പറഞ്ഞാൽ റോബിനെ ഞാൻ കെട്ടിച്ചുകൊടുക്കും | Bigg Boss Malayalam Dilsha's Brother Reveals

ആരോടും വിദ്വേഷമില്ലാത്ത എല്ലാവരോടും നന്നായി പെരുമാറുന്ന പെൺകുട്ടി ഏറ്റവും നല്ല മത്സരാർത്ഥിയായിട്ടും നല്ല മലയാളിയായിട്ടും സ്‌നേഹം വാരിക്കോരി കൊടുത്തിട്ടും അവർക്ക് ബി​ഗ് ബോസ് വീടിന്റെ പടിയിറങ്ങേണ്ടി വന്നുവെന്നാണ് മോഹൻലാൽ അപർണയെ കുറിച്ച് പറഞ്ഞത്.

'അമ്പത്തിയാറ് ദിവസം വീട്ടിലുണ്ടായിരുന്നു. അടിപൊളി എക്സ്പീരിയൻസായിരുന്നു. ഒരുപാട് സുഹൃത്തുക്കളെ കിട്ടി. ഞാൻ ഇത് തീരെ പ്രതീക്ഷിച്ചിരുന്നില്ല എന്നത് സത്യം തന്നെയാണ്. രണ്ടാഴ്ച കൂടിയെങ്കിലും വീട്ടിൽ നിൽക്കാൻ സാധിക്കുമെന്ന് വിചാരിച്ചിരുന്നു.'

'ഇവിടെ പോകുന്നതിൽ വിഷമമുണ്ടെങ്കിലും കുടുംബത്തിലേക്കാണല്ലോ പോകാൻ പോകുന്നതെന്ന് ഓർത്ത് സന്തോഷമുണ്ട്' അപർണ പ്രതികരിച്ചു.