ലാസ്റ്റ് വാര്‍ണിങ് എന്ന് പറഞ്ഞിട്ടും ജാസ്മിന്‍ തെറി വിളിച്ചു; റോബിനെ ഇടിച്ച് പറത്തികൊണ്ട് ടാസ്‌ക് കളിച്ച് താരം

'ഈ പ്രാവിശ്യം ലാലേട്ടന്‍ വന്ന് വിമുഖത കാണിക്കാതെ എല്ലാരേയും വഴക്ക് പറഞ്ഞു എന്നാണ് തോന്നിയത്. പക്ഷെ ലാസ്റ്റ് വാര്‍ണിങ് എന്ന് പറഞ്ഞിട്ട് ബ്രേക്ക് വന്നപ്പോ ജാസ്മിന്‍ വീണ്ടും തെറി പറഞ്ഞു. ഇത് പറഞ്ഞത് റോബിന്‍ വല്ലതും ആണേല്‍ അപ്പൊ പുറത്തായേനെ.

റോബിന് ഇപ്പോഴുള്ള ഫാന്‍സ് അര്‍ഹിക്കുന്നില്ല. എന്ന് പറഞ്ഞ് വളരെ മോശമായ ഒരു പ്ലെയര്‍ എന്ന് തോന്നിയ ഒരാളുമല്ല റോബിന്‍.

പക്ഷെ അവിടെയുള്ളതില്‍ ഒട്ടും സഹിക്കാന്‍ പറ്റാതെ ഒരാള്‍ ഉണ്ടെങ്കില്‍ അത് ജാസ്മിന്‍ ആണ്. പുള്ളിക്കാരിക്ക് ഇപ്പോഴും ഇത്ര ഫാന്‍സ് ഉണ്ട് എന്നത് എങ്ങനെയെന്ന് ഒരു അത്ഭുതം ആണ്.

എല്ലാവരും പൊതുവെ കുറ്റം പറയാന്‍ ഉപയോഗിക്കുന്ന എല്ലാം ജാസ്മിന്‍ ചെയ്യുന്നുണ്ട്. റോബിന്‍ തന്തക്ക് വിളിച്ചു എന്ന് എപ്പോഴും പറഞ്ഞ ആള്‍ തന്നെ റോബിന്റെ അമ്മക്ക് വിളിച്ചിട്ടുണ്ട്. റോബിന്‍ തെറി പറഞ്ഞു എന്ന് പറയുന്ന ആള്‍ അവിടെ വിളിച്ചേക്കുന്ന തെറികള്‍ എല്ലാവര്‍ക്കും അറിയാം.

ക്യാപ്റ്റന്‍ ആയപ്പോള്‍ പിടിച്ചുമാറ്റാന്‍ പറ്റാത്തത് കൊണ്ടാണ് എന്നൊക്കെ പറഞ്ഞത് കള്ളമാണ്, റിയാസിന്റെ കൂടെ കൂടി എരിതീയില്‍ എണ്ണയൊഴിച്ച്, come on robin എന്ന് പറഞ്ഞോണ്ടെ ഇരിക്കുവായിരുന്നു.

കോടതിയെ കളിയാക്കരുത് എന്ന് പറഞ്ഞ് റോബിനെ കുറ്റപ്പെടുത്തിയ ആള്‍ കോടതിയെ കളിയാക്കിയ രീതിയില്‍ തന്നെയാണ് ടാസ്‌കുകള്‍ ചെയ്തിട്ടുള്ളത്. ഇപ്പോഴും ആദ്യത്തെ ടാസ്‌കില്‍ നിന്ന് തിരികെ വരാതെ റോബിനെ തന്നെ ടാര്‍ഗറ്റ് ചെയ്ത് നല്ല രീതിയില്‍ വെറുപ്പിക്കുന്നുണ്ട്.

പുള്ളിക്കാരി കപടനാട്യത്തിന്റെ അങ്ങേയറ്റമാണ്. ടാസ്‌ക് ചെയ്യുന്നത് മാത്രമാണ് ഒരാളെ നല്ല പ്ലെയര്‍ ആക്കുന്നതെങ്കില്‍ ഓക്കേ. എന്നും ആരാധകര്‍ പറഞ്ഞ് വെക്കുന്നു..'

ഒരുത്തനെ തന്നെ നിനച്ചിരുന്നാല്‍ വരുന്നതെല്ലാം അവനെന്നു തോന്നും. 'ഡോക്ടറിനെ ഇടിക്കാന്‍ ജാസ്മിന് വിവിധങ്ങളായ കാരണങ്ങള്‍.

'അപ്പന് വിളിച്ചു' - ആരാ ഇത് പറയുന്നത് അപ്പനും അമ്മയ്ക്കും പല തവണ, പല രീതിയില്‍ വിളിച്ചത് കൂടാതെ വേണ്ടി വന്നാല്‍ കുഴിയില്‍ കിടക്കുന്ന വല്യപ്പനെ വരെ വിളിക്കും എന്ന് അഭിമാനത്തോടെ പറയുന്ന ജാസ്മിന്‍ എം മൂസ.

'കുറ്റം പറയുന്നു' - ഡോക്ടര്‍ റോബിന്റെ കുറ്റങ്ങള്‍ പറയാനും, വൃത്തികേട് പറയാനും മാത്രം വാ തുറക്കുന്ന ജാസ്മിന്‍ ഡോക്ടറില്‍ കണ്ടെത്തിയ അടുത്ത കുറ്റം.. ഭേഷ്!

'നല്ല കാര്യങ്ങള്‍ ചെയ്തില്ല. ആളുകള്‍ക്ക് മെസ്സേജ് കൊടുത്തില്ല' - ഒരു സാമൂഹിക ജീവി എങ്ങനെ പെരുമാറരുത്, എങ്ങനെ സംസാരിക്കരുത് എന്ന് സ്വന്തം പെരുമാറ്റവും സംസാരവും കൊണ്ട് മെസ്സേജ് കൊടുത്തു കൊണ്ടിരിക്കുന്ന ജാസ്മിന് റോബിനില്‍ കണ്ടെത്താന്‍ കഴിഞ്ഞ ഏറ്റവും വലിയ കുറ്റം.

'ബിഗ്ബോസ് ഇവന്റെ (റോബിന്റെ) മാമന്‍ ആണെന്ന് ആണ് വിചാരം.'- പുറത്ത് മലയാളികള്‍ ഇതേ ചോദ്യം ആണ് കഴിഞ്ഞ 49 ദിവസമായി ജാസ്മിനോട് ചോദിച്ചു കൊണ്ടിരിക്കുന്നത്. ബിഗ് ബോസ് ജാസ്മിന്റെ മാമന്‍ ആണോ?

നമുക്കു നാമേ പണിവതു നാകം, നരകവുമതുപോലെ- ജാസ്മിനെ പരാജയപ്പെടുത്തുന്നത് ജാസ്മിന്‍ തന്നെ ആണ്.