ദില്‍ഷയുടേയും റോബിന്‌റേയും ഉദ്ദേശം വേറെ; ഇപ്പോള്‍ പ്രണയം വെളിപ്പെടുത്താനുള്ള കാരണം ഇതാണ്

കഴിഞ്ഞ വാരാന്ത്യം എപ്പിസോഡില്‍ ഡോക്ടറിന് വേണ്ടി ദില്‍ഷ സംസാരിച്ചതോടെയാണ് ഇവരെ ചുറ്റിപ്പറ്റിയുള്ള കഥ ചര്‍ച്ചയാവുന്നത്. അവതാരകനായ മോഹന്‍ലാലിന്റെ സാന്നിധ്യത്തിലായിരുന്നു ഡോക്ടറിന് വേണ്ടി സുഹൃത്തായ ജാസ്മിന് നേരെ ശബ്ദം ഉയര്‍ത്തിയത്. ഇത് എല്ലാവരേയും ഞെട്ടിപ്പിച്ചിരുന്നു. ഇതാദ്യമായിട്ടാണ് ഡോക്ടറിന് വേണ്ടി ദില്‍ഷ സംസരിക്കുന്നത്. ഹൗസില്‍ നിരവധി തവണ ഡോക്ടറിനെതിരെ രംഗത്ത് എത്തിയിരുന്നു. ദില്‍ഷയുടെ പെട്ടെന്നുള്ള മാറ്റം ഹൗസിനുള്ളിലും ചര്‍ച്ചയായിട്ടുണ്ട്. പ്രണയത്തിനപ്പുറമുള്ള ഇവരുടെ ഗെയിം പ്ലാനാണെന്നാണ് മത്സരാര്‍ത്ഥികളുടെ നിരീക്ഷണം.

ഇതിനെ കുറിച്ച് ഡെയ്‌സി ജാസ്മിനോടും നിമിഷയോടും പറയുകയും ചെയ്തിട്ടുണ്ട്. സ്‌ക്രീന്‍ സ്പെയിസ് ലഭിക്കാന്‍ ഇരുവരും ഒന്നിച്ച് നില്‍ക്കുകയാണെന്നാണ് ഡെയ്സി പറയുന്നത്. ദില്‍ഷയെ തെറ്റിദ്ധരിപ്പിക്കുന്നത് റോബിന്‍ ആണെന്നാണ് പൊതു സംസാരമെങ്കിലും ചിലപ്പോള്‍ അത് നേരെ മറിച്ചാവാമെന്നുള്ള സംശയം പറയുന്നുണ്ട്. ഇതിനെ ശരിവെക്കുന്ന തരത്തിലായിരുന്നു നിമിഷയുടെ പ്രതികരണം. ഇപ്പോഴിത ഇതേ കാര്യം പ്രേക്ഷകരുടെ ഇടയിലും ചര്‍ച്ചയാവുകയാണ്. ഗെയിം പ്ലാനാണെന്നാണ് ആരാധകര്‍ പറയുന്നത്. ഇതു സംബന്ധമായ ഒരു ഫേസ്ബുക്ക് പോസ്റ്റ് സോഷ്യല്‍ മീഡിയയില്‍ ചർച്ചയായിട്ടുണ്ട്. ബിഗ് ബോസ് മലയാളത്തിന്റെ ഫേസ്ബുക്ക് പേജിലൂടെയാണ് കുറിപ്പ് പ്രചരിക്കുന്നത്.

ഡോക്ടറെ കണ്ടാല്‍ ദില്‍ഷ എപ്പോഴും സംസാരിക്കുന്നത് പ്രണയത്തേയും വിവാഹത്തേയും കുറിച്ചാണെന്നാണ് കുറിപ്പില്‍ പറയുന്നത്. ആരാധികയുടെ വാക്കുകള്‍ ഇങ്ങനെ...' എപ്പോഴും സുഹൃത്ത് അല്ലേ സുഹൃത്തല്ലേ എന്ന് ചോദിച്ചു. ജീവിതം അവസാനം സുഹൃത്തുക്കളായിരിക്കാമെന്നും ക്യാമറയ്ക്ക് മുന്നില്‍ നിന്ന് ഉറപ്പും വാങ്ങി നല്ല കുട്ടി പട്ടം വാങ്ങിയിട്ടും പിന്നെയും ഡോക്ടറിനെ എപ്പോള്‍ കണ്ടാലും പ്രണയം, വിവാഹം ഭാവി വരന്റെ സങ്കല്‍പ്പങ്ങള്‍ മാത്രം ആണ് പറയുന്നത്. ബുദ്ധി ഉള്ളവര്‍ക്ക് മനസിലാകും ഇത് ഗെയിം പാന്‍ ആണെന്ന്. ഇല്ലെങ്കില്‍ ഇഷ്ടം ഉണ്ടെങ്കില്‍ ദില്‍ഷ ഇനി തുറന്നു പറയട്ടെ അതല്ലെങ്കില്‍ ഈ ട്രാക്ക് വിട്ട് രണ്ടാളും തനിയെ ഗെയിം കളിക്കാന്‍ തുടങ്ങട്ടെ'; ആരാധിക ഫേസ്ബുക്കില്‍ കുറിച്ചു.

Recommended Video

എന്റെ കളി ഇങ്ങനെയാണ്.. അശ്വിന്റെ ആദ്യ പ്രതികരണം | Filmibeat Malayalam

കഴിഞ്ഞ ദിവസമാണ്( 30ാം ദിവസം) ഡോക്ടര്‍ തന്റെ മനസിലുള്ള ഇഷ്ടം ദില്‍ഷയോട് പറഞ്ഞത്. തനിക്ക് ഇപ്പോഴും ഇഷ്ടമാണെന്നാണ് ഡോക്ടര്‍ പറഞ്ഞത്. എന്നാല്‍ഒരുത്രികോണ പ്രയണത്തിന് താല്‍പര്യമില്ലെന്നും കൂട്ടിച്ചേര്‍ത്തു. ജീവിതത്തെ അത്യാവശ്യം സീരിയസായി കാണുന്ന ആളാണ്. 32 വയസ്സ് ആയി. വെറുതെ കുട്ടിക്കളി കളിച്ച് കളയാന്‍ താത്പര്യമില്ല. ഇവിടെ വന്നത് ഗെയിം കളിക്കാനാണ്. ഇനി എനിക്ക് അത് മാത്രം മതി' എന്നായിരുന്നു റോബിന്‍ പറഞ്ഞത്. എന്നാല്‍ പ്രണയം സെറ്റാവില്ല എന്ന തീരുമാനത്തില്‍ തന്നെയാണ് ദില്‍ഷ. അപര്‍ണ്ണയോട് ഇതിനെ കുറിച്ച് വൈകാരികമായി സംസാരിച്ചിരുന്നു.