'ഭാ​ഗ്യലക്ഷ്മിയേയും വീണയേയും പോലെയാണ് ലക്ഷ്മിയെന്നാണ് കരുതിയത്, തെറ്റിദ്ധാരണ മാറി'; പ്രേക്ഷകർ പറയുന്നു!

റോബിന്റെ വാക്കുകൾ കേട്ടതിന് പിന്നാലെ ഇന്നത്തെ സംഭവം എനിക്ക് ശരിക്കും വിഷമമായി എന്ന് പറഞ്ഞാണ് ലക്ഷ്മി പ്രിയ കരയാൻ തുടങ്ങിയത്. ബി​ഗ് ബോസിലേക്ക് വരുന്ന സമയത്ത് ഞാൻ കരയരുത് എന്ന് വിചാരിച്ചാണ് വന്നത് എന്നും ലക്ഷ്മി പ്രിയ പറയുന്നുണ്ട്. അതേസമയം ആരാണ് തന്റെ സങ്കടത്തിന് കാരണമെന്ന് വ്യക്തമായി പ്രമോയിൽ ലക്ഷ്മി പ്രിയ പറയുന്നില്ല. വന്ന ദിവസം മുതൽ സ്ട്രോങ്ങായി നിന്ന് മത്സരിക്കുന്ന വ്യക്തിയാണ് ലക്ഷ്മി പ്രിയ. പുതിയ പ്രമോ വന്നതോടെ ലക്ഷ്മിയെ അനുകൂലിച്ച് നിരവധി കമന്റുകളാണ് വീഡിയോയ്ക്ക് ലഭിക്കുന്നത്. ലക്ഷ്മിയെ കുറിച്ചുള്ള മുൻ‌ദ്ധാരണകൾ ബി​ഗ് ബോസിൽ വന്ന ശേഷം മാറി എന്നാണ് ചിലർ കമന്റായി കുറിച്ചത്.

'ആദ്യം കരുതിയത് ഭാഗ്യലക്ഷ്‌മി, വീണ ആ ഒരു കാറ്റഗറിയാണ് ലക്ഷ്മി എന്നാണ്. എന്നാൽ അതല്ല എന്ന് ചുരുങ്ങിയ ദിവസം കൊണ്ട് തന്നെ ലക്ഷ്മി ബോധ്യപ്പെടുത്തി തന്നു. നല്ലൊരു പ്ലയറാണ് ലക്ഷ്‌മി പ്രിയ. നല്ലൊരു വ്യക്തിയാണ്. ശകത്മായി കളിക്കുക' തുടങ്ങിയ കമന്റുകളും ലക്ഷ്മിയെ അനുകൂലിച്ച് പുതിയ വീഡിയോയ്ക്ക് ലഭിക്കുന്നുണ്ട്. വീട്ടിൽ സംഘം തിരിഞ്ഞ് ചേരിപ്പോരുകളും തുടങ്ങിയിട്ടുണ്ട്. വീട്ടിലെ അം​ഗങ്ങളായ ഡെയ്സി, നിമിഷ, ജാസ്മിൻ എന്നിവർ കൂട്ടായി നിന്ന് ലക്ഷ്മിപ്രിയയ്ക്കെതിരെയാണ് കളിക്കുന്നത്. ലക്ഷ്മിപ്രിയയുടെ സ്വഭാവവും പെരുമാറ്റവും മോശമാണെന്ന രീതിയിൽ സംസാരിച്ച് കൊണ്ടാണ് മൂവരും ഒരുമിച്ച് നിന്ന് ലക്ഷ്മിപ്രിയയെ പുറത്താക്കാൻ ശ്രമിക്കുന്നത്. എല്ലാ മത്സരാർഥികളേയും ലക്ഷ്മിപ്രിയ അടിമകളായി വെച്ചിരിക്കുകയാണ് എന്ന തരത്തിലും അടുത്തിടെ ഡെയ്സിക്കും നിമിഷയ്ക്കും ജാസ്മിനുമിടയിൽ ചർച്ചയും വന്നിരുന്നു.

Recommended Video

ബിഗ് ബോസിൽ വരുന്നതിനു മുൻപ് അഖിലിനോട് നോബി പറഞ്ഞത്

എല്ലാവർക്കും ലക്ഷ്മിയെ പേടിയാണെന്നും അവർ ഗെയിം പ്ലാനർ ആണെന്നും മൂവരും സംസാരിക്കുന്നതിനിടെ അഭിപ്രായമുണ്ടായി. എൻറെ മക്കളെ എന്ന് പറഞ്ഞ് ലക്ഷ്മിപ്രിയ അമ്മയുടെ റോൾ ഏറ്റെടുത്തെന്നും ജാസ്മിൻ പറഞ്ഞു. ആ ചെറുതിനെ പിടിച്ച് തറയിൽ അടിക്കേണ്ട സമയമായെന്ന് ഡെയ്സിയുടെ പേര് പറയാതെ ലക്ഷ്മിപ്രിയയും സുചിത്രയുമായുള്ള ചർച്ചയ്ക്കിടെ റോൺസണും പറഞ്ഞിരുന്നു. ഡെയ്സി വിഷമാണെന്നായിരുന്നു പേര് പറയാതെ തന്നെയുള്ള ലക്ഷ്മി പ്രിയയുടെ പ്രതികരണം. നാടക കലാകാരിയായാണ് ലക്ഷ്‍മി പ്രിയ തന്റെ കരിയർ ആരംഭിച്ചത്. ജനപ്രിയ നാടകങ്ങളിൽ ഒന്നിൽ ഹിഡുംബി എന്ന താരത്തിന്റെ കഥാപാത്രം നാടക മേഖലയിൽ ലക്ഷ്‍മിക്ക് വലിയ വഴിത്തിരിവ് സമ്മാനിച്ചിരുന്നു. ശേഷം മിനിസ്ക്രീൻ പരിപാടികളിൽ ലക്ഷ്‍മി തന്റെ സാന്നിധ്യം അറിയിച്ചു. 2005ൽ ജോഷി-മോഹൻലാൽ ചിത്രമായ നരൻ എന്ന ചിത്രത്തിൽ ഒരു ചെറിയ വേഷം അഭിനയിച്ചുകൊണ്ടാണ് ലക്ഷ്മി പ്രിയ സിനിമയിലേയ്ക്കെത്തിയത്.