Don't Miss!
- News ദീപിക പദുക്കോണുമായി കൈകോര്ത്ത് ഇഷ അംബാനി, ചില്ലറക്കാരിയല്ല അംബാനിയുടെ മകള്; ആസ്തി ഇത്ര
- Sports IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ്
- Lifestyle സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി
- Automobiles പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
'അന്ന് റോബിൻ പറഞ്ഞത് കേട്ടിരുന്നെങ്കിൽ നിമിഷ പുറത്താകുമായിരുന്നില്ല, ലക്ഷ്മിപ്രിയ അതിനുള്ള ഉദാഹരണം'
ബിഗ് ബോസ് സീസൺ ഫോർ വാശിയോടെ അമ്പത് ദിവസം പിന്നിട്ടിരിക്കുകയാണ്. ഇനി അങ്ങോട്ട് കളികൾ കൂടുതൽ ശക്തമാകാനുള്ള സാധ്യതയാണ് കാണുന്നത്. വീട്ടിൽ അവശേഷിക്കുന്ന പതിനാല് മത്സരാർഥികളിൽ ഇത്തവണ നിമിഷയാണ് പുറത്താകുന്നത് എന്നാണ് റിപ്പോർട്ട്.
ബിഗ് ബോസിലെ ഏറ്റവും ശക്തയായ മത്സരാർഥിയാണെങ്കിലും ജനപിന്തുണ നിമിഷയ്ക്ക് നന്നേ കുറവാണ്. കൂടാതെ വീട്ടിലെ മത്സാർഥികളുമായി ബന്ധപ്പെട്ട വിഷയങ്ങളിൽ നിമിഷ സ്വീകരിക്കുന്ന ഇരട്ടത്താപ്പ് നയവും വോട്ട് കുറയുന്നതിന് കാരണമായിട്ടുണ്ട്.
ആദ്യത്തെ രണ്ടാഴ്ച വലിയ പ്രകടനമൊന്നും കാഴ്ചവെക്കാതെ മുന്നോട്ട് പോവുകയായിരുന്നു നിമിഷ.
ശേഷം മൂന്നാം ആഴ്ചയിലേക്ക് കടക്കും മുമ്പ് നിമിഷ വീട്ടിൽ നിന്നും പുറത്തായി. എന്നാൽ ഗെയിമിൽ നിന്നും നിമിഷയെ ബിഗ് ബോസ് പൂർണ്ണമായും പുറത്താക്കിയിരുന്നില്ല. പകരം സീക്രട്ട് റൂമിൽ എല്ലാവിധ സജീകരണങ്ങളോടെയും നിമിഷയെ രണ്ട് ദിവസം താമസിപ്പിച്ചു.
വീട്ടിലുള്ളവരെ കണ്ട് മനസിലാക്കാനുള്ള അവസരം കൂടിയാണ് സീക്രട്ട് റൂമിൽ രണ്ട് ദിവസം കഴിഞ്ഞതിലൂടെ നിമിഷയ്ക്ക് ലഭിച്ചത്. സീക്രട്ട് റൂമിൽ നിന്നും പുറത്ത് വന്ന നിമിഷ പൂർവാധികം ശക്തിയോടെ ഗെയിം കളിക്കാൻ തുടങ്ങി.
നിമിഷയെടുക്കുന്ന തീരുമാനങ്ങളും പ്രവൃത്തികളുമെല്ലാം ഉറ്റ സുഹൃത്ത് ജാസ്മിനെ പോലും അതിശയിപ്പിച്ചു.
'ധ്യാനിന്റെ വീമ്പുപറച്ചിലിനെതിരെ ഇരകൾക്ക് സംസാരിക്കാനുള്ള സമയമാണിത്'; വിമർശനവുമായി എൻ.എസ് മാധവൻ!
എന്നാൽ രണ്ടാമത് വീട്ടിലേക്ക് തിരികെ വന്നപ്പോഴും ജനങ്ങളുടെ മനസ് അറിഞ്ഞ് കളിക്കുന്നതിൽ നിമിഷ പരാജയപ്പെട്ടു. അതാണ് വോട്ടിന്റെ പിൻബലം നിമിഷയ്ക്ക് കുറയാൻ കാരണമായത്.
എന്നാൽ ടോപ്പ് ഫൈവ് വരെ പിടിച്ച് നിൽക്കാനുള്ള മാർഗങ്ങൾ ഒരിക്കൽ നിമിഷയ്ക്ക് റോബിൻ ഉപദേശിച്ച് കൊടുത്തിരുന്നു. പക്ഷെ നിമിഷ അത് ചിരിച്ച് തള്ളുക മാത്രമാണ് ചെയ്തത്. അന്ന് അത് ശ്രദ്ധയോടെ കേട്ട് കളിയിൽ ഉൾപ്പെടുത്തിയിരുന്നെങ്കിൽ നിമിഷയ്ക്ക് നൂറ് ദിവസം ബിഗ് ബോസ് ഹൗസിൽ പൂർത്തിയാക്കാൻ കഴിയുമായിരുന്നു.
ബിഗ് ബോസ് പ്രേക്ഷകൻ പങ്കുവെച്ച വീഡിയോയിലാണ് നിമിഷയും റോബിനും തമ്മിലുള്ള പഴയ സംഭാഷണങ്ങളുള്ളത്. ജനങ്ങളുടെ മനസിൽ ഇടം നേടാനുള്ള മാർഗങ്ങളാണ് റോബിൻ നിമിഷയ്ക്ക് പറഞ്ഞ് കൊടുക്കുന്നത്.
അന്ന് റോബിൻ നിമിഷയ്ക്ക് പറഞ്ഞ് കൊടുത്ത പൊടികൈകൾ ഇതായിരുന്നു. നീ നിന്റെ മാതാപിതാക്കളെ കുറിച്ച് ഇവിടെ പറഞ്ഞ കാര്യങ്ങൾ നിരവധിയാണ്. ഇപ്പോൾ അവരെ നിനക്ക് മിസ് ചെയ്യുന്നുണ്ടാവും.
'അങ്ങനെ തോന്നുന്നുണ്ടെങ്കിൽ അവർ നിന്നോട് ചെയ്ത ദ്രോഹങ്ങളെല്ലാം ക്ഷമിച്ചുവെന്ന് ക്യാപ്റ്റൻസി തീരുന്ന ദിവസം ലോകത്തേയും മറ്റ് മത്സരാർഥികളേയും സാക്ഷിയാക്കി പറയുക, മാതാപിതാക്കളോട് നീ ചെയ്ത തെറ്റുകൾക്ക് ക്ഷമ ചോദിക്കുകയും ചെയ്യുക'
'അങ്ങനെ ചെയ്താൽ പുറത്തുള്ള നിന്റെ റെയ്ഞ്ച് മാറും, പ്രേക്ഷക പിന്തുണയും ലഭിക്കും, പക്ഷെ ഇത് നീ പറയും മുമ്പ് വീട്ടിൽ ആരോടും ഇതേ കുറിച്ച് സംസാരിക്കുകയോ ഉപദേശം തേടുകയോ ചെയ്യരുത്.'
'അങ്ങനെ ചെയ്താൽ നിന്നെ അവർ തെറ്റിദ്ധരിപ്പിക്കുകയും മാപ്പ് പറയാൻ കഴിയാതെ വരികയും ചെയ്യും' എന്നാണ് റോബിൻ നിമിഷയ്ക്ക് നൽകിയ ഉപദേശം. എല്ലാം ചിരിച്ചോണ്ട് കേട്ടിരുന്ന നിമിഷ അവയെല്ലാം പുച്ഛിച്ച് തള്ളുകയും വീട്ടിലെ ധന്യ, സുചിത്ര, റോൺസൺ തുടങ്ങിയവരുടെ അടുത്ത് ഇതേ കുറിച്ച് സംസാരിക്കുകയും ചെയ്തു.
റോബിന്റെ ഉപദേശം അന്ന് നിമിഷ കേട്ടിരുന്നെങ്കിൽ ജാസ്മിനെക്കാൾ ജനപിന്തുണ നിമിഷയ്ക്ക് ലഭിക്കുമായിരുന്നു. റോബിൻ ഇത്തരത്തിൽ സംസാരിച്ചവരിൽ അവയെല്ലാം ഉൾക്കൊണ്ട് അറിഞ്ഞ് കളിച്ച് തുടങ്ങിയത് ലക്ഷ്മിപ്രിയ, ദിൽഷ, ധന്യ തുടങ്ങിയവരാണ്.
അതിൽ ഏറ്റവും കൂടുതൽ വീട്ടിലിപ്പോൾ ഒറ്റയ്ക്ക് നിന്ന് കളിച്ച് സ്കോർ ചെയ്യുന്നത് ലക്ഷ്മിപ്രിയയാണ്. ലക്ഷ്മിയെപ്പോലെ ഉയർന്ന് വരേണ്ടിയിരുന്ന നിമിഷയാണ് ഇപ്പോൾ വീടിനോട് വിട പറയാൻ പോകുന്നത്.
-
സഹോദരനാണെങ്കിലും സ്വകാര്യ വിഷയങ്ങൾ അറിയില്ല; ഞങ്ങളുടെ ബന്ധം; കുടുംബത്തെക്കുറിച്ച് അർബാസ് ഖാൻ
-
സിനിമയ്ക്ക് വേണ്ടി ഭാര്യയെയും കാമുകിയെയും ഉപേക്ഷിക്കുന്നവര്ക്ക് എതിരാണ്! ഷാരൂഖ് ഖാന്റെ വാക്കുകളിങ്ങനെ
-
ഞാനാണ് ദൈവം; ഇത്രയൊക്കെയായിട്ടും രക്തം റീ പ്രൊഡ്യൂസ് ചെയ്യാൻ പറ്റിയിട്ടില്ലല്ലോ; ഉണ്ണി മുകുന്ദൻ