'സുചിത്രയെ എനിക്ക് ഇഷ്ടമായിരുന്നില്ല, തുടക്കത്തിൽ തന്നെ ഒരു അടി പ്രതീക്ഷിച്ചിരുന്നതാണ്'; വെളിപ്പെടുത്തി അഖിൽ!

സുചിത്രയെ മുമ്പും പലതവണ കണ്ടിട്ടുണ്ടെന്നും എന്നാൽ അന്നൊന്നും തനിക്ക് ഇഷ്ടമല്ലായിരുന്നുവെന്നുമാണ് അഖിൽ റോൺസൺ, റിയാസ് എന്നിവരോടായി പറഞ്ഞത്. 'സുചിത്ര, റോൺസൺ, ധന്യ തുടങ്ങിയവരൊക്കെ ഞങ്ങളുടെ ഷോയിൽ ​ഗസ്റ്റായി വന്നിട്ടുണ്ട്.'

'അന്നൊന്നും സുചിത്രയെ എനിക്ക് ഇഷ്ടമായിരുന്നില്ല. കാണുമ്പോൾ ഹായ് പറയും അത്രമാത്രം. സുചിത്രയ്ക്ക് എന്നേയും ഇഷ്ടമായിരുന്നില്ല. ചിരി മുഖത്ത് വാരി തേച്ചാണ് ഞങ്ങൾ ആ സമയങ്ങളിൽ പരസ്പരം സംസാരിച്ചിരുന്നത്.'

'റോൺസണിനേയും ഇഷ്ടമായിരുന്നില്ല. ഇവിടെ വന്ന് സുചിത്രയെ കണ്ടപ്പോൾ തന്നെ ഞാൻ വിചാരിച്ചിരുന്നു. ആദ്യത്തെ വഴക്ക് സുചിത്രയുമായിട്ടായിരിക്കും ഉണ്ടാകാൻ പോകുന്നതെന്ന്.'

'പക്ഷെ കാര്യങ്ങൾ എല്ലാം മാറി മറിഞ്ഞു. ഇപ്പോൾ ഞാൻ ഏറ്റവും കൂടുതൽ സംസാരിക്കുന്ന വ്യക്തി സുചിത്രയാണ്. പണ്ട് മുതലെ ഇങ്ങനെയാണ് ഞാൻ ആരെയെങ്കിലും ആദ്യം വെറുത്തിട്ടുണ്ടെങ്കിൽ പിന്നീട് അവരുമായി നല്ല അടുപ്പമായിരിക്കും. അത് തന്നെയാണ് ബി​ഗ് ബോസ് വീട്ടിലും സംഭവിച്ചിരിക്കുന്നത്' അഖിൽ പറഞ്ഞു.

അതേസമയം അഖിലിനേയും തന്നേയും ചേർത്ത് ​ഗോസിപ്പുകൾ വരുന്നതിൽ‌ അതൃപ്തിയിലാണ് സുചിത്ര. അഖിലുമായുള്ള സൗഹൃദം വളച്ചൊടിക്കപ്പെടുന്നുവെന്നാണ് സുചിത്ര പറയുന്നത്. അതേസമയം സോഷ്യൽമീഡിയ ഇവരെ സുഖിൽ എന്ന് പേരിട്ടാണ് വിശേഷിപ്പിക്കുന്നത്.

ഇവരുടേത് സൗഹൃദം മാത്രമായി തോന്നുന്നില്ലെന്നും ഒരു പ്രണയം മണക്കുന്നുണ്ടെന്നും സോഷ്യൽമീഡിയയിൽ കമന്റുകൾ വരുന്നുണ്ട്.

നല്ല സൗഹൃദങ്ങളെ പോലും ബി​ഗ് ബോസ് വീട്ടിലുള്ളവർ തിരിച്ചറിയുന്നില്ലെന്നും സംശയങ്ങൾ പങ്കുവെച്ച് സംസാരിക്കുന്നതിനിടെ അഖിലും സുചിത്രയും കഴിഞ്ഞ എപ്പിസോഡിൽ പറഞ്ഞു.

നേരത്തെ പല തവണ അഖിൽ സുചിത്രയോടുള്ള തന്റെ സ്‌നേഹത്തെ കുറിച്ച് പറഞ്ഞിട്ടുണ്ട്. അത് പക്ഷെ നല്ല സഹോദരനെ പോലെയാണെന്നും അഖിൽ പറഞ്ഞിരുന്നു. മുമ്പ് ബ്ലെസ്ലി-റോബിൻ-ദിൽഷ സൗഹൃദത്തെ ഏറ്റവും കൂടുതൽ കളിയാക്കിയിട്ടുള്ള മത്സരാർഥി സുചിത്രയാണ്.

അതിന്റെ പേരിൽ സുചിത്രയ്ക്ക് വലിയ വിമർശനങ്ങളും സോഷ്യൽമീഡിയയിൽ നിന്നും ലഭിച്ചിരുന്നു. ഡബിൾ മീനിങ് കോമഡികൾ അടക്കം പറഞ്ഞാണ് മുമ്പ് സുചിത്ര റോബിൻ-ദിൽഷ-ബ്ലെസ്ലി എന്നിവരെ കളിയാക്കിയിരുന്നത്.

Recommended Video

റോബിൻ ആലോചനയുമായി വന്നാൽ കെട്ടിക്കുമോ? | Bigg Boss Malayalam Dilsha's Sister Interview | FilmiBeat

അതേസമയം ഇതുവരെ നോമിനേഷനിൽ വരാതെ അമ്പത് ദിവസം പിന്നിട്ട ഒരേയൊരു മത്സരാർഥിയും സുചിത്രയായിരിക്കും. സുചിത്രയുടെ സേഫ് ​ഗെയിം പലതവണ പ്രേക്ഷകരും മോഹൻലാലും വിമർശഷിച്ചിട്ടുണ്ടെങ്കിൽ പോലും ഇന്നേവരെ വീട്ടിലുള്ളവർ സുചിത്രയെ നോമിനേഷനിലേക്ക് കൊണ്ടുവന്നിട്ടില്ല.

ഇത്തവണ സുചിത്രയെ നോമിനേഷനിൽ കൊണ്ടുവരാൻ സുന്ദരമായൊരു അവസരം ബ്ലെസ്ലിക്ക് ലഭിച്ചിട്ടും ബ്ലെസ്ലി അത് ചെയ്യാതിരുന്നതിന്റെ പേരിൽ നിരവധി പേർ വിമർശിച്ചിരുന്നു.

സുചിത്രയെപ്പോലുള്ളവർ വീട്ടിൽ കഴിയുന്നതുകൊണ്ടാണ് നിമിഷയെപ്പോലുള്ള ​ഗെയിം കളിക്കുന്ന മത്സരാർഥികൾ പുറത്തായതെന്നും പ്രേക്ഷകർ പറഞ്ഞിരുന്നു.