'ഒരുപാട് മിസ് ചെയ്തു....'; ബി​ഗ് ബോസിന് ശേഷം പങ്കാളിയെ സന്ദർശിച്ച് അപർണ, ഓടി വന്ന് കെട്ടിപ്പിടിച്ച് അമൃത!

മൂന്ന് ആഴ്ച മുമ്പാണ് അപർണ ഷോയിൽ നിന്നും പുറത്തായത്. നൂറ് ദിവസം തികച്ച് കപ്പ് സ്വന്തമാക്കാനുള്ള ആ​ഗ്രഹവുമായി തന്നെയാണ് അപർണ എത്തിയത്. പക്ഷെ പ്രേക്ഷക പിന്തുണയുടെ കാര്യത്തിൽ പുറകിലായതിനാലാണ് അപർണയ്ക്ക് ബി​ഗ് ബോസ് ഹൗസിൽ നിന്നും പുറത്താകേണ്ടി വന്നത്.

തന്റെ കൂട്ടുകാരിയായിരുന്ന അമൃതശ്രീയെയാണ് അപർണ വിവാഹം ചെയ്തത്. സ്‌പെയിൻകാരിയായ അമൃതശ്രീ ഫ്രാൻസിൽ കാർഡിയോളജി ഡോക്ടറാണ്. ഇപ്പോൾ ഫ്രാൻസിലാണ് സ്ഥിരമായി താമസം.

പുറത്തിറങ്ങിയ ശേഷം ഹൗസിൽ നിന്നും എവിക്ട് ചെയ്യപ്പെട്ട ഡെയ്സി, നവീൻ, നിമിഷ അടക്കമുള്ള സുഹൃത്തുക്കളെ കാണുകയും അവർക്കൊപ്പം വിനോദയാത്ര പോകുകയുമെല്ലാം ചെയ്യുന്ന തിരക്കിലായിരുന്നു അപർണ. ഭാര്യയെ അടുത്ത ദിവസമാണ് അപർണ സന്ദർശിച്ചത്.

വളരെ നാളുകൾക്ക് ശേഷം ഭാര്യ അമൃതശ്രീയെ വീണ്ടും കണ്ട് സ്നേഹം പ്രകടിപ്പിക്കുന്ന വീഡിയോ അപർണ സോഷ്യൽമീഡിയയിൽ പങ്കുവെച്ചു. തന്റെ ജീവിതപങ്കാളിയായ അമൃതശ്രീയെ കുറിച്ച് നിരവധി തവണ അമൃത വീടിനുള്ളിൽ വെച്ച് സംസാരിച്ചിരുന്നു.

മൂന്ന് വർഷം മുമ്പാണ് ഇരുവരും വീട്ടുകാരുടെ സമ്മതത്തോടെ വിവാഹിതരായത്. അമൃതശ്രീയെ കുറിച്ച് പറയുമ്പോഴെല്ലാം അപർണ വാചാലയാകാറുണ്ട്. 'അവസാനം.... കുറേ നാളുകൾക്ക് ശേഷം ഞങ്ങൾ വീണ്ടും ഒന്നിച്ചു'വെന്ന് പറഞ്ഞുകൊണ്ടായിരുന്നു ഭാര്യയെ കണ്ട സന്തോഷം അപർണ പങ്കുവെച്ചത്.

അപർണയെ കണ്ടതും എയർപോർട്ടിൽ വെച്ച് ഓടി വന്ന് കെട്ടിപ്പിടിക്കുന്ന അമൃതയെ കാണാമായിരുന്നു. ഇത്രയും ദിവസം ഇരുവരും പരസ്പരം എത്രമാത്രം മിസ് ചെയ്തിരുന്നു എന്ന് വീഡിയോയിലൂടെ തന്നെ വ്യക്തമാണ്.

Recommended Video

Dr. Robin About Jasmine | ജീവനെപ്പോലെ സ്നേഹിച്ച ആ ചെടിച്ചട്ടി പൊട്ടിയപ്പോൾ | *Interview | FilmiBeat

അമൃത മലയാളം പഠിച്ച് വരുന്നതേയുള്ളൂവെന്നും ഷോയിലേക്ക് വരുന്നുണ്ടെന്ന് പറഞ്ഞപ്പോൾ ആശംസ അറിയിച്ചിരുന്നുവെന്നും അപർണ പറഞ്ഞിരുന്നു. കുഞ്ഞിനെക്കുറിച്ചൊക്കെയുള്ള പ്ലാനിങുകൾ തങ്ങൾ നേരത്തെ നടത്തിയിരുന്നുവെന്ന് മുമ്പ് അപർണ തുറന്ന് പറഞ്ഞിരുന്നു.

കുഞ്ഞിനെ ദത്തെടുക്കാമെന്നാണ് തങ്ങൾ തീരുമാനിച്ചിട്ടുള്ളതെന്നും സമയാവുമ്പോൾ അത് സംഭവിക്കുമെന്നായിരുന്നു അപർണ പറഞ്ഞത്. ആത്മീയത, യോഗ, ധ്യാനം തുടങ്ങിയവയിൽ ആകൃഷ്ടരായി അമേരിക്കയിൽ നിന്നും ദക്ഷിണേന്ത്യയിലെത്തിയവരാണ് അപർണയുടെ മാതാപിതാക്കൾ.

അങ്ങനെ മൂന്നാം വയസിൽ തുടങ്ങുന്നു അപർണയ്ക്ക് കേരളവുമായുള്ള ബന്ധം. പതിനഞ്ച് വയസുവരെ കേരളത്തിലായിരുന്നു അപർണയുടെ പഠനം. അച്ഛൻ യുഎസിൽ നിന്നും അമ്മ ചിലെയിൽ നിന്നുമാണ്. അവർക്ക് രണ്ടുപേർക്കും മലയാളം അറിയില്ല. അപർണയുടെ അമ്മ ഇപ്പോഴും മാതാ അമൃതാന്ദമയിയുടെ ആശ്രമത്തിലാണ്.