ബിഗ് ബോസിലെ സ്റ്റാർ ജാസ്മിനെന്ന് അപർണ്ണ; ഞായറാഴ്ച പുറത്തിറങ്ങുമ്പോൾ ആ തെറ്റിദ്ധാരണ മാറുമെന്ന് പ്രേക്ഷകർ

സുചിത്രയും അഖിലും തമ്മിൽ പ്രണയമാണ് എന്ന തരത്തിലുള്ള സംസാരമാണ് ബിഗ് ബോസ് വീട്ടിനുള്ളിൽ ഉണ്ടായത്. പ്രേക്ഷകർക്കിടയിലും ഇങ്ങനെ ഒരു സംശയം ഉടലെടുത്തിട്ടുണ്ട്. ഇതേപ്പറ്റിയുള്ള സംസാരങ്ങൾ കഴിഞ്ഞ ആഴ്ച കണ്ടന്റ് ആവുകയായിരുന്നു.

അടുത്ത സുഹൃത്തിക്കൾ ആണെന്ന് ഇരുവരും പറയുമ്പോഴും ഇരുവരുടെയും ഇടയിലുള്ള പെരുമാറ്റമാണ് പലപ്പോഴും ചർച്ചയാവുന്നത്. കഴിഞ്ഞ ദിവസം ജയിലിൽ കിടക്കുകയായിരുന്ന സുചിത്ര അഖിലിനോടും സൂരജിനോടും തന്റെ നെഗറ്റീവുകൾ എന്തൊക്കെയാണെന്ന് ചോദിച്ച് മനസലിലാക്കിയതും പ്രേക്ഷകർ കണ്ടതാണ്.

കൂടാതെ ക്യാപ്റ്റൻസി ടാസ്ക്കിൽ വളരെ ബുദ്ധിപരമായുള്ള തീരുമാനങ്ങൾ എടുക്കാൻ സുചിത്രക്ക് സാധിച്ചതും പ്രേക്ഷകർ നല്ല രീതിയിൽ വിലയിരുത്തിയിട്ടുണ്ട്.

ഇങ്ങനെ ഓരോരുത്തരും അവരരുടേതായ രീതിയിൽ കണ്ടന്റുകൾ കൊടുത്ത് ബിഗ് ബോസ് സീസൺ ഫോറിന്റ മുന്നോട്ട് കൊണ്ടുപോകാൻ ശ്രമിക്കുമ്പോൾ അപർണ ജാസ്മിനോട് പറഞ്ഞ കാര്യമാണ് ഇപ്പോൾ പ്രേക്ഷകർക്കിടയിൽ ശ്രദ്ധ നേടുന്നത്.

ജാസ്മിനും ലക്ഷ്മിപ്രിയയും അപർണ്ണയും സോഫയിൽ സംസാരിച്ചുകൊണ്ടിരിക്കുകയായിരുന്നു. ജാസ്മിൻ മൈക്ക് ധരിക്കാതെ ഇരിക്കുന്നത് ശ്രദ്ധയിൽപെട്ട ബിഗ്‌ ബോസ് ജാസ്മിനോട് മൈക്ക് ധരിക്കാൻ ആവശ്യപ്പെട്ടു.

മൈക്ക് എടുക്കാൻ ജാസ്മിൻ പോകുമ്പോൾ 'നീ എവിടെ പോയാലും കണ്ടന്റ് ആണ്' എന്നാണ് അപർണ ജാസ്മിനോട് പറഞ്ഞത്. അവളെ കണ്ടന്റ് ആണെന്ന് ലക്ഷ്മിപ്രിയയും പറയുന്നുണ്ടായിരുന്നു.

തുടർന്ന് ജാസ്മിനാണ് വീട്ടിലെ സ്റ്റാർ എന്നും ജാസ്മിനാണ് ബിഗ് ബോസ് സീസൺ ഫോർ മുന്നോട്ട് കൊണ്ടുപോകുന്നതെന്നുമെല്ലാം അപർണ്ണ പറയുകയുണ്ടായി.

എന്നാൽ റോബിൻ കണ്ടന്റ് ഒന്നും നൽകുന്നില്ല എന്ന് തമാശരൂപേണ ചോദിക്കുകയായിരുന്നു ജാസ്മിൻ. അപർണയുടെ ഈ കമന്റിന് പ്രേക്ഷകരിൽ നിന്നും ലഭികുന്ന മറുപടിയാണ് ഏറെ രസകരം.

വീട്ടിനകത്തായിരുന്നപ്പോൾ നിമിഷയും ഇത് തന്നെയായിരുന്ന വിചാരിച്ചിരുന്നതെന്നും പുറത്തിറങ്ങിയപ്പോൾ നിമിഷയുടെ കണ്ണ് തള്ളിപ്പോയെന്നും. ഞായറാഴ്ച അപർണ പുറത്തിറങ്ങുമ്പോൾ ഈ തെറ്റുധാരണ മാറുമെന്നൊക്കെയാണ് പ്രേക്ഷകർ പറയുന്നത്.

Recommended Video

വന്നു പറഞ്ഞാൽ റോബിനെ ഞാൻ കെട്ടിച്ചുകൊടുക്കും | Bigg Boss Malayalam Dilsha's Brother Reveals

അതേസമയം, അപർണ്ണ ബിഗ് ബോസ് വീട്ടിൽ നിന്നും പുറത്തായി എന്ന വാർത്തകളാണ് ഇപ്പോൾ വന്നുകൊണ്ടിരിക്കുന്നത്. ഗെയിമുകളും ടാസ്ക്കുകളും നല്ലപോലെ കളിക്കാൻ അപര്‍ണ്ണയ്ക്ക് കഴിയുമെങ്കിലും മലയാളം സംസാരിക്കുന്നതിൽ ഉള്ള ബുദ്ധിമുട്ടും കാര്യങ്ങൾ മറ്റുള്ളവരുമായി ആശയവിനിമയം നടത്തുന്നതിനുള്ള പ്രയാസവും അപർണക്ക് പലപ്പോഴും തിരിച്ചടി ആയിട്ടുണ്ട്.

കഴിഞ്ഞ വീക്കിലി ടാസ്ക്കിൽ കഥപറയാൻ കിട്ടിയ അവസരത്തിൽ പല വാക്കുകളും അപർണ്ണക്ക് മനസിലാകാതെ വരികയും ആ ടാസ്ക്കിൽ നന്നായി കളിക്കാൻ സാധിക്കാതെ വരികയും ചെയ്തിരുന്നു.

താൻ പറയുന്നത് മറ്റുള്ളവർ മനസിലാക്കുന്നതിലും തനിക്ക് മറ്റുള്ളവർ പറഞ്ഞ കാര്യങ്ങൾ മനസിലാക്കി എടുക്കുന്നതിലും പ്രയാസം ഉണ്ടെന്നും അപർണ്ണ മുൻപ് മോഹൻലാലിനോട് വ്യക്തമാക്കിയിട്ടുള്ളതാണ്. ഇതെല്ലം അപർണ്ണക്ക് ബിഗ് ബോസ് വീട്ടിൽ കണ്ടന്റ് നൽകാൻ കഴിയാത്തതിന് കാരണമായി.