നിമിഷയ്ക്കിട്ട് കൊടുത്തത് ജാസ്മിനും കൊടുത്തിരുന്നേൽ വേറെ വെലൽ ആയേനെ; അശ്വതി പറയുന്നു

അശ്വതിയുടെ കുറിപ്പിന്റെ പൂര്‍ണരൂപമിങ്ങനെ..

'ഡോ. റോബിന്‍ ഇന്നലെ ടാസ്‌ക് ശരിക്ക് കളിചില്ല, സിംപതി നേടാന്‍ ശ്രമിച്ചു ജയിലില്‍ ഒറ്റയ്ക്ക് പോയി എല്ലാം ശരി തന്നേ.. പക്ഷേ രാത്രിയിലെ ഈ 'ഷോ' അനാവശ്യം അല്ലായിരുന്നോ? കുട്ടിക്ക് ആ പാവ ടാസ്‌കില്‍ നിന്നും ലോഗോ ടാസ്‌കില്‍ നിന്നും ബസ് കിട്ടിയിട്ടില്ല ഇതുവരെ. അതിനെ മുന്നോട്ടുള്ള ബസ് സ്റ്റോപ്പ് കാണിച്ചു ഇപ്പോള്‍ നടക്കുന്ന കാര്യങ്ങളിലേക്ക് പോകാനുള്ള ബസ് ബിഗ് ബോസ് കയറ്റി വിടണം എന്നപേക്ഷ.

ഇത് കണ്ടു ലക്ഷ്മിച്ചേച്ചിയുടെ മുഖത്ത് നല്ല ദേഷ്യം കാണുന്നുണ്ടെങ്കിലും നിമിഷക്കിട്ട് ഇന്നലെ കൊടുത്ത അതേ ഡോസ് ജാസ്മിന് ഈ പറഞ്ഞ കാര്യങ്ങള്‍ക്ക് കൊടുത്തിരുന്നെങ്കില്‍ ചേച്ചി വേറെ ലെവലില്‍ കയറി പോകുമായിരുന്നു. കേട്ടുകൊണ്ട് ഇരുന്നതില്‍ ബ്ലെസ്ലിയ്ക്ക് മാത്രം ശബ്ദം ഉണ്ടായിരുന്നു.. ബ്ലെസ്ലിയ്ക്ക് ഇരിക്കട്ടെ ആ കയ്യടി..' അശ്വതി പറഞ്ഞ് നിര്‍ത്തുന്നു.

തുടക്കം മുതല്‍ റോബിനെതിരെ സംസാരിക്കുന്ന വ്യക്തിയാണ് ജാസ്മിന്‍. എല്ലാ ദിവസവും രാത്രിയില്‍ നടക്കാറുള്ള ബിബി ന്യൂസ് എന്ന പരിപാടിയില്‍ ജയില്‍ ടാസ്‌കിനെ സംബന്ധിച്ച് വാര്‍ത്ത ജാസ്മിന്‍ വായിച്ചു. ഗെയിം കളിക്കണം, ഞാന്‍ ഗെയിം കളിക്കും, എന്നിങ്ങനെയുള്ള റോബിന്റെ വാക്കുകള്‍ ഏറ്റുപിടിച്ചാണ് ജാസ്മിന്‍ സംസാരിച്ചത്. മാത്രമല്ല മറ്റുള്ളവരില്‍ നിന്നും തട്ടിപ്പറിച്ച് കളിക്കുന്ന ആള്‍ക്ക് സ്വന്തം കഴിവ് പുറത്തെടുത്ത് കളിക്കേണ്ട ടാസ്‌ക് തോല്‍ക്കേണ്ടി വന്നു എന്നടക്കമുള്ള വിമര്‍ശനങ്ങളും താരം ഉന്നയിച്ചു.

Recommended Video

എന്റെ കളി ഇങ്ങനെയാണ്.. അശ്വിന്റെ ആദ്യ പ്രതികരണം | Filmibeat Malayalam

എന്നാല്‍ ഒരു മാസം മുന്‍പ് നടന്ന പാവക്കളി ടാസ്‌കിലെ കാര്യങ്ങള്‍ ഇപ്പോഴും ജാസ്മിന്‍ എടുത്ത് പറയുന്നതിനെയാണ് എല്ലാവരും വിമര്‍ശിക്കുന്നത്. ഇത്രയും ആയിട്ടും ആ കാര്യം മറന്ന് പുതിയതിലേക്ക് വന്നൂടേ എന്ന ചോദ്യവും ഉയരുന്നുണ്ട്. എന്തായാലും റോബിനും ജാസ്മിനും തമ്മിലുള്ള പിണക്കത്തിന് ചെറിയൊരു മാറ്റം ഉണ്ടായത് പോലെയാണ് ഇരുവരും വീടിനുള്ളില്‍ കെട്ടിപ്പിടിച്ച് സൗഹൃദം പകര്‍ന്നത്. ഈ വീഡിയോ വൈറലായി മാറുകയും ചെയ്തിട്ടുണ്ട്.