'ഡോ.റോബിൻ ബുദ്ധിമാൻ, ബ്ലെസ്ലി നല്ലൊരു മനുഷ്യൻ, ദിൽഷയും അടിപൊളി'; താരങ്ങളെ വിലയിരുത്തി നടൻ മനോജ്!

റിപ്പോർട്ടുകൾ വ്യാപകമായി പ്രചരിച്ചപ്പോൾ വാർത്തയിൽ കഴമ്പില്ലെന്ന് വ്യക്തമാക്കി ഇരുവരും രം​ഗത്തെത്തുകയും ചെയ്തിരുന്നു.

'ഞങ്ങൾക്ക് ബി​ഗ് ബോസിൽ പോയി മത്സരിക്കാൻ കഴിയില്ല. കാരണം അവിടെ പോയാൽ മറ്റുള്ളവരോട് വഴക്ക് കൂടുന്നതിനേക്കാൾ ഞങ്ങൾ പരസ്പരം വഴക്ക് കൂടുന്നതായിരിക്കും കൂടുതൽ. ‍ഞങ്ങൾ അവിടെ ചെല്ലുമ്പോൾ മുതൽ ബി​ഗ് ബോസിന് തലവേദന കൂടും' എന്നാണ് ബി​ഗ് ബോസ് പ്രവേശനം ആ​ഗ്രഹിക്കുന്നുണ്ടോയെന്ന് ചോദിച്ചപ്പോൾ മനോജും ബീനയും ഒരിക്കൽ മാധ്യമങ്ങളോട് പ്രതികരിച്ചത്.

ഇപ്പോഴുള്ള മത്സരാർഥികളെ കുറിച്ച് മനോജ് പറഞ്ഞത് ഡോ.റോബിൻ ബുദ്ധിമാനായ മത്സരാർഥിയാണെന്നും ബ്ലെസ്ലി നല്ലൊരു മനുഷ്യനാണെന്നും ദിൽഷ അടിപൊളിയായ മത്സരാർഥിയാണെന്നുമാണ്.

'ഇപ്പോഴുള്ള മത്സരാർഥികളിൽ ഡോ.റോബിൻ ബുദ്ധിമാനാണ്. എട്ട് മാസത്തോളം പഠിച്ചിട്ട് വന്നതാണെന്നാണ് റോബിൻ പറഞ്ഞിരുന്നത്. തുടക്കത്തിൽ ഒരാഴ്ച വീട്ടിൽ നിന്നും പഠിച്ച് വന്നത് വെച്ചാണ് പയറ്റിയിരുന്നത്.'

ആരംഭ ശൂരത്തമെന്ന് വേണമെങ്കിൽ വിശേഷിപ്പിക്കാം. അതേസമയം കുറച്ച് ദിവസം കഴിഞ്ഞപ്പോൾ റോബിന് മനസിലായിട്ടുണ്ട് പുറത്ത് നിന്ന് പഠിച്ചത് വെച്ചൊന്നും വീട്ടിൽ തുടരാൻ പറ്റില്ലെന്ന്.'

'ശേഷമാണ് റോബിൻ പുതിയ സ്ട്രാറ്റജികളും കളികളും പ്രേക്ഷകർ ഇഷ്ടപ്പെടുന്ന രീതിയിൽ ‌ട്രാക്കും മാറ്റി തുടങ്ങിയത്.'

'ഇപ്പോൾ റോബിൻ ബുദ്ധിപരമായി കളിക്കുന്നുണ്ട്. നിരീക്ഷിക്കുന്നുണ്ട്. അവിടെയുള്ളവർ തന്നോടും മറ്റുള്ളവരോടും പെരുമാറുന്നത് വെച്ചാണ് പുറത്താകാൻ പോകുന്നവരെ പ്രവചിക്കുന്നത് പോലും.'

'അതേസമയം ബ്ലെസ്ലി ഇന്റലിജന്റ് പ്ലയറാണ്. നല്ലൊരു മനുഷ്യനാണ്. അവനെ ഒരുപാട് ഇഷ്ടമാണ്. അവന്റെ പ്രവൃത്തികളിൽ ജെനുവിനിറ്റിയുണ്ട്. ദിൽഷയും അടിപൊളി മത്സരാർഥിയാണ്.'

'വെറുതെ ദേഷ്യപ്പെടാറില്ല. അത്തരത്തിൽ ശബ്ദമുയർത്തി സംസാരിക്കുമ്പോൾ പോലും വാക്കുകൾ നിയന്ത്രിക്കുന്നുണ്ട്. ആവശ്യമുള്ളിടത്ത് മാത്രമെ സംസാരിക്കുന്നുള്ളൂ‌. അത് അവൾ വളർന്നുവന്ന സാഹചര്യം എന്താണെന്ന് നമുക്ക് മനസിലാക്കി തരുന്നത് കൂടിയാണ്.'

Recommended Video

റോബിന്റെ പിടിവള്ളി ദിൽഷയുടെ കയ്യിൽ, അവർ കെട്ടണം | Bigg Boss Malayalam Akhil | #Interview | FilmiBeat

'നിമിഷ പുറത്തിറങ്ങിയപ്പോൾ പറഞ്ഞ ഡയലോ​ഗ് കേട്ട് ചിരിവന്നു. പുറത്ത് പ്രേക്ഷകർ കാണുന്നപോലെയ‌ല്ല വീടിനുള്ളിലെ യഥാർഥ സ്ഥിതിയെന്നാണ്. പക്ഷെ അത് അടിസ്ഥാന രഹതിമാണ്.'

'കാരണം ഇരുപത്തിനാല് മണിക്കൂറും ഷോ നിരീക്ഷിക്കുന്നവരാണ് ഇപ്പോൾ കൂടുതലായും ഉള്ളതെന്നാണ് എനിക്ക് തോന്നിയിട്ടുള്ളത്. ജനങ്ങൾ മനസിലാക്കിയാണ് മത്സരാർഥികളെ പ്രോത്സാഹിപ്പിക്കുന്നത്' മനോജ് വിവരിച്ചു.

അമ്പത് എപ്പിസോഡുകൾ പിന്നിട്ടതിനാൽ മത്സരാർഥികൾ‌ തമ്മിൽ കടുത്ത പോരാട്ടമാണ് നടക്കുന്നത്. നോമിനേഷൻ പ്രക്രിയയിൽപ്പോലും അത് വ്യക്തമാണ്.