'വിഷമം ഉള്ളിലൊതുക്കിയാണ് ഞാനും ഇവിടെ വരെ എത്തിയത്, നീയും അത് പഠിക്ക്'; ദിൽഷയോട് ദേഷ്യപ്പെട്ട് ബ്ലെസ്ലി!

റോബിൻ പോയശേഷം ബ്ലെസ്ലിയുടെ ​ഗെയിം നശിച്ചിരിക്കുകയാണ്. ദിൽഷയാണ് ബ്ലെസ്ലിയുടെ ​ഗെയിമിന് ഏറ്റവും വലിയ പാര. വലിയ ​ഗെയിം പ്ലാനുകൾ‌ ഒന്നും ഇല്ലാതിരുന്ന ദിൽഷ റോബിനൊപ്പം അരിക് പിടിച്ചാണ് കളി മുന്നോട്ട് കൊണ്ടുപോയിരുന്നത്.

റോബിൻ പോയതോടെ ബ്ലെസ്ലിയെ കൂട്ടുപിടിച്ചാണ് ദിൽഷ മത്സരിക്കുന്നത്. റിയാസിനെ പുറത്താക്കുക എന്നത് മാത്രമാണ് ദിൽഷയുടെ ലക്ഷ്യം. അതിനാൽ തന്നെ ദിൽഷ റിയാസുമായി ഏപ്പോഴും വാക്ക് തർക്കത്തിൽ‌ ഏർപ്പെടാറുമുണ്ട്.

പക്ഷെ ഒരാളെ തന്നെ നിരന്തരമായി ടാർ​ഗെറ്റ് ചെയ്ത് പുറത്താക്കുന്നതിനോട് ബ്ലെസ്ലിക്ക് യോജിപ്പില്ല. പലപ്പോഴും ദിൽഷയുടെ നിർബന്ധ പ്രകാരം വഴക്ക് ഉണ്ടാക്കുമ്പോഴും ബ്ലെസ്ലിയുടെ മുഖത്ത് അത് വ്യക്തമാണ്.

തന്റെ തീരുമാനങ്ങൾ പലതും തെറ്റായിരുന്നുവെന്നാണ് ബ്ലെസ്ലി ഇപ്പോൾ ദിൽഷയോട് പറയുന്നത്.

ഇനി മുതൽ അങ്ങനെ സംഭവിക്കില്ലെന്നും തെറ്റിദ്ധാരണകൾ മാറ്റി മാത്രമെ മുന്നോട്ട് പോവുകയുള്ളൂവെന്നും ബെസ്ലി ദിൽഷയോ‍ട് പറയുന്നുണ്ട്. കോഫി പ്രശ്നം വീട്ടിലുണ്ടാകാൻ കാരണം റോൺസണാണെന്ന് തെറ്റിദ്ധരിച്ചതിലും ബ്ലെസ്ലി വിഷമത്തിലാണ്.

ഒന്ന് പുറത്ത് പോയാൽ മതിയായിരുന്നുവെന്നും ബ്ലെസ്ലി ദിൽഷയോട് പറയുന്നുണ്ട്. അതേസമയം ബ്ലെസ്ലിയോട് എവിക്ടായി പോകരുതെന്നും അങ്ങനെ സംഭവിച്ചാൽ തനിക്ക് വിഷമം പറയാൻ ആരും വീട്ടിൽ ഇല്ലാതാകുമെന്നുമാണ് ദിൽഷ മറുപടി പറയുന്നത്.

ഇതുകൂടി കേട്ടതോടെയാണ് ബ്ലെസ്ലി ദിൽഷയോട് ദേഷ്യപ്പെടുന്നത്. 'എനിക്കും വിഷമങ്ങളൊക്കെ ഉണ്ട്. പക്ഷെ ഞാൻ ആരോടും അത് പറഞ്ഞ് നടക്കാറില്ല. അങ്ങനെ ചെയ്യാൻ നീയും പഠിക്ക്' എന്നാണ് ബ്ലെസ്ലി പറഞ്ഞത്.

ദേഷ്യപ്പെട്ടതോടെ ദിൽ‌ഷയ്ക്കും ബ്ലെസ്ലിയിൽ മാറ്റങ്ങൾ വന്നതായി മനസിലായിട്ടുണ്ട്. റോബിന് ശേഷം വീട്ടിൽ ഏറ്റവും കൂടുതൽ പിന്തുണ ലഭിക്കുന്ന മത്സരാർഥി ബ്ലെസ്ലിയാണ്. പക്ഷെ കഴിഞ്ഞ കുറച്ച് ദിവസങ്ങളായി ദിൽഷയ്ക്ക് വേണ്ടി പ്രവർത്തിക്കുന്ന പാവ പോലെയാണ് ബ്ലെസ്ലി.

മാത്രമല്ല ദിൽഷയോട് നിനക്ക് വേണ്ടി ഞാൻ പട്ടിയേപ്പോലെയാകാം എന്നും ബ്ലെസ്ലി പറഞ്ഞത് പ്രേക്ഷകരെ ആകുലരാക്കിയിട്ടുണ്ട്. ദിൽഷയെ അകറ്റി നിർത്താതെ ബ്ലെസ്ലിക്ക് മുന്നോട്ട് പോകാൻ കഴിയില്ല.

ബ്ലെസ്ലിയെ കുഴിയിൽ വീഴ്ത്താനുള്ള തന്ത്രങ്ങളെല്ലാം ദിൽഷയുടെ കൈയ്യിലുണ്ട്. ഇനി മുതൽ ബ്ലെസ്ലി കളികൾ മാറ്റി കളിക്കുമെന്ന പ്രതീക്ഷയിലാണ് പ്രേക്ഷകർ. മൈൻഡ് ​ഗെയിം നന്നായി കളിക്കുന്ന മത്സരാർഥിയാണ് ബ്ലെസ്ലി. തുടക്കം മുതൽ ഒറ്റയ്ക്കായിരുന്നു ബ്ലെസ്ലി നിന്നിരുന്നതും.