'റിയാസിനെ ഞാൻ പുറത്ത് കളയില്ല, നിന്നെ എനിക്ക് ഇവിടെ വേണം, വിനയ് ചേട്ടൻ പുറത്ത് പോകണം'; ബ്ലെസ്ലി പറയുന്നു!

നിർദേശങ്ങൾ ബി​ഗ് ബോസ് കടുപ്പിച്ചതിനാൽ സൗഹൃദം മറന്ന് നോമിനേഷനിലേക്ക് പരസ്പരം പേരുകൾ നിർദേശിച്ചിട്ടുണ്ട് മത്സരാർഥികൾ. റോബിനും ജാസ്മിനും പോയതോടെ മത്സരാർഥികളെല്ലാം അവരവരുടെ സ്ട്രാറ്റർജികൾ മത്സരാർഥികൾ മാറ്റിയിട്ടുണ്ട്.

ഇനിയങ്ങോട്ട് സംഭവം കൊഴുക്കാനാണ് സാധ്യത. വീട്ടിലെ മത്സരാർഥികളായ റിയാസിനേയും വിനയിയേയും കുറിച്ച് ബ്ലെസ്ലി പറഞ്ഞ വാക്കുകളാണ് ഇപ്പോൾ വൈറലാകുന്നത്.

എലിമിനേറ്റ് ചെയ്ത് പുറത്ത് പോയവരിൽ ആരെ തിരികെ കൊണ്ടുവരാനാണ് ആ​ഗ്രഹമെന്ന് പറയാനുള്ള അവസരം മോണിങ് ടാസ്ക്കിൽ മത്സരാർഥികൾക്ക് നൽകിയപ്പോഴാണ് റിയാസിനേയും വിനയിയേയും കുറിച്ചുള്ള തന്റെ കാഴ്ചപ്പാടുകൾ ബ്ലെസ്ലി പങ്കുവെച്ചത്.

'പുറത്തായവരിൽ ഒരാളെ തിരികെ കൊണ്ടുവരാൻ അവസരം ലഭിച്ചാൽ അപർണ ചേച്ചിയുടെ പേര് ഞാൻ പറ‍യും. വിനയ് ചേട്ടൻ പുറത്ത് പോകണമെന്ന് ഞാൻ പറയും. അപർണ ചേച്ചിയുടെ മനസാക്ഷി നല്ലതാണ്.'

'ആരേയും തറയിലിട്ട് തേക്കണമെന്ന ആ​ഗ്രഹം ഇല്ലാത്ത വ്യക്തിയാണ്. ഇവിടെ നല്ല മനസാക്ഷിയുള്ള ഒരു വ്യക്തി വരണമെന്ന് ഞാൻ ആ​ഗ്രഹിക്കുന്നു. വിനയ് ചേട്ടന്റെ മനസാക്ഷി എനിക്ക് ഇഷ്ടപ്പെട്ടില്ല.'

'അപർണ ചേച്ചിയുടെ മനസാക്ഷി എനിക്ക് വളരെ ഇഷ്ടമുള്ളതാണ്. പിന്നെ എന്തുകൊണ്ടാണ് റിയാസിനെ മാറ്റി വേറൊരാളെ കൊണ്ടുവരാൻ ആ​ഗ്രഹിക്കാത്തത് എന്നതിനും കാരണമുണ്ട്.'

'ബി​ഗ് ബോസ് ഷോ എന്ന് പറയുന്നത് വ്യത്യസ്ത വിഭാ​ഗങ്ങളിൽപ്പെട്ടവരും സ്വഭാവമുള്ളവരും ഒന്നിക്കുന്ന ഒന്നാണ്. എൽജിബിടിക്യു, ഫെമിനിസം എന്നിവയെ സംബന്ധിച്ചുള്ള കാര്യങ്ങളെ പ്രതിനിധീകരിച്ചുകൊണ്ടാണ് അപർണ ചേച്ചി, റിയാസ് തുടങ്ങിയവർ വീട്ടിൽ വന്നിരിക്കുന്നത്.'

'അങ്ങനെയാകുമ്പോൾ ​ഇക്വാലിറ്റി, യഥാർഥ ഫെമിനിസം, എത്തിക്സ്, സ്ത്രീ സമത്വം എന്നിവ എന്താണെന്നും ഇവരിൽ ആര് ചെയ്യുന്നതാണ് ശരിയെന്നും പ്രേക്ഷകർക്ക് മനസിലാകണമെങ്കിൽ അപർണ ചേച്ചിക്കൊപ്പം റിയാസും വീട്ടിൽ നിന്നാലെ പറ്റു. അതിനാൽ റിയാസ് പുറത്ത് പോകാൻ ആ​ഗ്രഹിക്കില്ല.'

'അവൻ ഇവിടെ തന്നെ നിൽക്കണം. പേഴ്സണൽ കാര്യങ്ങൾക്ക് വേണ്ടി ഒരു മൂവ്മെന്റിനെ ചിലർ ദുരുപയോ​ഗം ചെയ്യുന്നുണ്ട് എന്ന് റിയാസിനെ കണ്ട് പ്രേക്ഷകർക്ക് മനസിലാക്കാനും സാധിക്കും' എന്നാണ് ബ്ലെസ്ലി പറഞ്ഞത്.

പുറത്തായ റോബിന്റെ പേര് ബ്ലെസ്ലി പറയുമെന്നാണ് വീട്ടിലുള്ളവരെല്ലാം കരുതിയിരുന്നത്. എന്നാൽ അതിനെയെല്ലാം തകിടം മറിച്ചുകൊണ്ടാണ് വിനയിയെ കൊട്ടി ബ്ലെസ്ലിയുടെ മറുപടി വന്നത്.

മോണിങ് ടാസ്ക്കിലൂടെ താൻ വീണ്ടും ഒറ്റയ്ക്ക് നിന്ന് കളിക്കാൻ ആരംഭിച്ചുവെന്നും ബ്ലെസ്ലി പ്രേക്ഷകരോട് പറയാതെ പറയുന്നുണ്ട്.