'ഞാൻ ഈ ആഴ്ച പോയില്ലെങ്കിൽ ചിലർക്കൊക്കെ നല്ല സമയമായിരിക്കും... കരുതിയിരുന്നോ'; വാണിങ് നൽകി ധന്യ!

പന്ത്രണ്ടാം ആഴ്ചയിലെ നോമിനേഷനിൽ താനും ഉൾപ്പെട്ടുവെന്ന് അറിഞ്ഞപ്പോൾ മാത്രമാണ് ധന്യയ്ക്ക് വെപ്രാളം തുടങ്ങിയത്. വിഷയങ്ങളിൽ പരസ്യമായി ഇടപെടാൻ തുടങ്ങിയതും അഭിപ്രായങ്ങൾ പറയാൻ തുടങ്ങിയതും അതിന് ശേഷമാണ്.

റിയാസിനോട് അടക്കം ചെറിയ കാര്യങ്ങൾക്ക് ധന്യ എതിർക്കുന്ന സ്ഥിതിയുമുണ്ടായി. അതേസമയം ഇപ്പോൾ വീട്ടിലെ മറ്റ് അം​ഗങ്ങൾക്ക് വാണിങ് നൽ‌കുമ്പോലെ സംസാരിക്കുന്ന ധന്യയുടെ വീഡിയോയാണ് വൈറലാകുന്നത്.

താൻ ഈ ആഴ്ച പുറത്തായില്ലെങ്കിൽ ചിലർക്കൊക്കെ നല്ല സമയമായിരിക്കും എന്നാണ് റിയാസിനോടും ബ്ലെസ്ലിയോടും റോൺസണിനോടുമെല്ലാം ധന്യ പറയുന്നത്. അതേസമയം ഇനി കാണാനും കാണിക്കാനുമുള്ള സമയമൊന്നുമില്ലെന്നാണ് ധന്യയ്ക്കുള്ള മറുപടിയായി വിനയ് പറയുന്നത്.

ഇനി വളരെ ചുരുങ്ങിയ ദിവസങ്ങൾ മാത്രമെയുള്ളൂവെന്നും കാണിക്കാനുള്ളത് നേരത്തെ കാണിക്കണമായിരുന്നുവെന്നും വീട്ടിലെ മറ്റ് അം​ഗങ്ങൾ ധന്യയോട് പറഞ്ഞു. വീഡിയോ വൈറലായതോടെ നിരവധി രസകരമായ കമന്റുകളും വീഡിയോയ്ക്ക് വരുന്നുണ്ട്.

'ധന്യയെ പോകാൻ അനുവദിക്കൂ.... ഇത്രയും ദിവസം കാണിക്കാൻ പറ്റാത്ത എന്തുകാര്യമാണ് ധന്യ കാണിക്കാൻ പോകുന്നത്... ഇനി വീട്ടിൽ പോയിട്ട് കാണിക്കാം, റിയാസ് ഉള്ളതുകൊണ്ട് കൊറേ എണ്ണത്തിന്റെ മുഖംമൂടി അഴിയാൻ തുടങ്ങി, ഇത് പോലെ കാണിക്കാൻ വേറൊരാളും നിന്നിരുന്നു.. സുചിത്ര... ധന്യ അതുപോലെ ഒന്ന് ബിഗ്‌ ബോസിനെ പരീക്ഷിക്കാൻ പറയുന്നതാ...' തുടങ്ങിയ കമന്റുകളാണ് വരുന്നത്.

തുടക്കം മുതൽ സ്ട്രാങ്ങായി കളിച്ചിരുന്നെങ്കിൽ ആരേയും പിന്തുണയ്ക്കാതെ ധന്യയ്ക്ക് ഫൈനൽ ഫൈവിൽ വരാമായിരുന്നു.

തുടക്കം മുതൽ ഇതുവരെ വീട്ടിൽ ഇമേജ് ഭയക്കാതെ കളിക്കുന്ന സ്ത്രീ മത്സരാർഥി ലക്ഷ്മിപ്രിയ മാത്രമാണ്. പറയേണ്ടത് ഉടൻ തന്നെ പറയുന്നതിനാൽ തുടക്കം മുതൽ എല്ലാവരും പുറത്താക്കാൻ നോക്കുന്ന മത്സരാർഥി ലക്ഷ്മിപ്രിയ തന്നെയാണ്.

അതേസമയം വീട്ടിലെ പുതിയ ക്യാപ്റ്റൻ ധന്യയാണ്. കഴിഞ്ഞ ആഴ്ചിലെ പ്രകടനങ്ങളുടെ അടിസ്ഥാനത്തിൽ റോൺസൺ, ധന്യ, ദിൽഷ എന്നിവരെയാണ് ക്യാപ്റ്റൻസിക്കായി മത്സരാർഥികൾ തെരഞ്ഞെടുത്തത്.

ജെല്ലിക്കെട്ട് എന്നതായിരുന്നു ക്യാപ്റ്റൻസി ടാസ്ക്ക്. ​വാശിയേറിയ മത്സരമാണ് മൂവരും കാഴ്ചവച്ചത്. ധന്യ ക്യാപ്റ്റനാകുകയും ചെയ്തു. മൂന്ന് ദിവസം നീണ്ടുനിന്ന ടിക്കറ്റ് ടു ഫിനാലെ ടാസ്ക്ക് വിജയിച്ച് ദിൽഷയാണ് ഫിനാലെയിലേക്ക് ആദ്യം കടന്നിരിക്കുന്ന മത്സരാർഥി.