ജാസ്മിന് നിമിഷയോടുള്ളത് ഫ്രണ്ട്ഷിപ്പ്, മറ്റുള്ളവർ കൂട്ടുകൂടിയാലത് ​ഗ്രൂപ്പിസം, ദിൽഷയുടെ ചോദ്യം കറക്ടായിരുന്നു!

കഴിഞ്ഞ ദിവസത്തെ വീക്കെൻഡ് എപ്പിസോഡിൽ ​ഗ്രൂപ്പിസം കളിക്കുന്നവരാണ് റോബിനും ദിൽഷയും ബ്ലസ്ലിയുമെന്ന തരത്തിൽ ജാസ്മിനും നിമിഷയും അടക്കമുള്ള മറ്റുള്ള മത്സരാർഥികൾ മോഹൻലാലിനോട് സംസാരിക്കവെ പറഞ്ഞിരുന്നു.

റോബിന്റേയും ബ്ലസ്ലിയുടേയും തണൽ പറ്റിയാണ് ദിൽഷ മുന്നോട്ട് പോകുന്നതെന്നും ജാസ്മിനും നിമിഷയും കുറ്റപ്പെടുത്തിയിരുന്നു. ഉടൻ തന്നെ ദിൽഷ ശക്തമായ മറുപടി കൊടുക്കുകയും ചെയ്തിരുന്നു.

നിമിഷയ്ക്കും ജാസ്മിനും സുഹൃത്തുക്കളായി നിന്ന് ​ഗ്രൂപ്പായി മത്സരിക്കാമെങ്കിൽ ആ വീട്ടിലെ ഓരോരുത്തർക്കും തങ്ങൾക്ക് കംഫർട്ട് ആയിട്ടുള്ള ആൾക്കാരോട് കൂട്ടുകൂടാനും സംശയം പങ്കുവെക്കാനും പരാതികൾ പറയാനും അവകാശമുണ്ടെന്നാണ് ദിൽഷ പറഞ്ഞത്.

പലപ്പോഴും ദിൽഷ‌-റോബിൻ ബന്ധത്തെ ഏറ്റവും മോശമായി ചിത്രീകരിച്ചിട്ടുള്ള രണ്ടുപേരാണ് നിമിഷയും ജാസ്മിനും. ജാസ്മിൻ നിമിഷ ​ഒത്തുകളിയെ വിമർശിച്ച ദിൽഷയെ അനുകൂലിച്ച് സോഷ്യൽമീഡിയയിൽ പ്രത്യക്ഷപ്പെട്ട കുറിപ്പാണ് ശ്രദ്ധനേടുന്നത്.

ജാസ്മിനും നിമിഷയ്ക്കും മറുപടിയായി ദിൽഷ കഴിഞ്ഞ എപ്പിസോഡിൽ പറഞ്ഞ കാര്യങ്ങൾ എല്ലാം ശരിയായിരുന്നുവെന്നാണ് കുറിപ്പിൽ എഴുതിയിയരിക്കുന്നത്.

'ശരിക്കും കഴിഞ്ഞ എപ്പിസോഡിൽ ദിൽഷ ​ഗ്രൂപ്പിസം സംബന്ധിച്ച് ജാസ്മിനോടും നിമിഷയോടും ചോദിച്ച ചോദ്യം അടിപൊളിയായിരുന്നു. ജാസ്മിൻ എപ്പോഴും പറയും നിമിഷ അവളുടെ ബെസ്റ്റ് ഫ്രണ്ടാണെന്നും അവൾ എന്ത് ചെയ്താലും സപ്പോർട്ട് ചെയ്യുമെന്നും അതിൽ അഭിമാനം മാത്രമേ ഉള്ളൂവെന്നും.'

'ജാസ്മിന് നിമിഷയോട് സൗഹൃദം സൂക്ഷിക്കാമെങ്കിൽ അതുപോലെ അവിടെയുള്ള മറ്റ് മത്സരർഥിക‌ൾക്കും അത് ചെയ്യാമല്ലോ.... എന്തുകൊണ്ട് ദിൽഷയ്ക്കും റോബിനും ബ്ലസ്ലിക്കും ഫ്രണ്ടാസായിക്കൂട?'

'ധന്യകും സൂചിത്രയ്ക്കും ആയികൂടാ? നിമിഷയും ജാസ്മിനും എപ്പോഴും ദിൽഷും റോബിനും തമ്മിലുള്ള സൗഹൃദത്തെ കളിയാക്കുകയും കുറ്റപെടുത്തുകയും ചെയ്യാറുണ്ട്. ഒരു അവസരം കിട്ടിയപ്പോൾ അതെല്ലാം ദിൽഷ ക്ലിയർ ചെയ്തു.'

'ജാസ്മിനും നിമിഷയ്ക്കും മാത്രം എന്തുമാകാം.... ബാക്കിയുള്ളവർക് പറ്റില്ല എന്നുള്ള ആറ്റിട്യൂടാണ് നിമിഷയ്ക്കും ജാസ്മിനും. ഫ്രണ്ട്‌സിന് വേണ്ടി വാദിക്കുന്നത് തെറ്റല്ല. പക്ഷെ ഓർക്കണം എല്ലാവർക്കും സൗഹൃദം ഒരുപോലെയാണെന്ന്.'

'ചിലപ്പോൾ ഇനിയുള്ള ദിവസങ്ങളിൽ റോബിനുമായോ ബ്ലസ്ലിയുമോ ദിൽഷ പിണങ്ങുമായിരിക്കും. എന്നാലും ഇത്രയും നാൾ രണ്ടുപേർക്കും കൊടുക്കേണ്ട പ്രാധാന്യം കൊടുത്ത് കുത്തിത്തിരുപ്പ് ഉണ്ടാക്കാതെ മാന്യമായും ആത്മാർഥമായുമാണ് ദിൽഷ സൗഹൃദം മുന്നോട്ട് കൊണ്ടുപോകുന്നത്' എന്നായിരുന്നു കുറിപ്പ്.

ജാസ്മിന്റേയോ നിമിഷയുടേയോ ഒരു പ്രവൃത്തികളും ഇന്നേവരെ ബി​ഗ് ബോസോ മോഹൻലാലോ ചോദ്യം ചെയ്യുകയോ താക്കീത് ചെയ്യുകയോ ചെയ്തിട്ടില്ലായെന്നത് പ്രേക്ഷകരിൽ അമർഷം ഉണ്ടാക്കിയിട്ടുണ്ട്.