'ഡെയ്സി ലിമിറ്റ് കടക്കുന്നു, മരിച്ച് പോയ അച്ഛന് വരെ വിളിക്കുന്നു, അവളെ പുറത്താക്കണം'; വീഡിയോയുമായി ഡിംപൽ ഭാൽ!

ജാസ്മിൻ, റോബിൻ, ഡെയ്സി, നവീൻ എന്നിവരാണ് ഇത്തരത്തിലുള്ള അസഭ്യവാക്കുകൾ നിരന്തരമായി വഴക്കുകൾ ഉണ്ടാകുമ്പോൾ ഉപയോ​ഗിക്കുന്നത്.

കഴിഞ്ഞ വീക്കെൻഡ് എപ്പിസോഡ് വന്നപ്പോൾ അത്തരത്തിലുള്ള ഭാഷാപ്രയോ​ഗങ്ങൾ അനുവദിക്കുന്നില്ലെന്ന് മോഹൻലാൽ അറിയിക്കുകയും ചെയ്തിരുന്നു. അസഭ്യമായ വാക്കുകൾ പ്രയോ​ഗിക്കുന്നതിന് പുറമെ വീട്ടിലുള്ള അച്ഛൻ, അമ്മ, സഹോദരങ്ങൾ എന്നിവർക്ക് വിളിക്കുകയും ചെയ്യുന്ന രീതിയും മത്സരാർഥികൾക്കിടയിലുണ്ട്.

അത്തരം പ്രയോ​ഗങ്ങൾ ഏറ്റവും കൂടുതൽ വരുന്നത് മത്സരാർഥികളിൽ ഒരാളായ ഡെയ്സിയുടെ ഭാ​ഗത്ത് നിന്നാണ്.

താക്കീത് ലഭിച്ച ശേഷം കഴിഞ്ഞ ​ദിവസവും ബ്ലസ്ലിയുമായുള്ള തർക്കത്തിനിടെ ഡെയ്സി ബ്ലസ്ലിയുടെ വീട്ടുകാരെ പറഞ്ഞിരുന്നു. എന്നാൽ ബ്ലസ്ലി പ്രതികരിക്കാതെ മൗനം പാലിക്കുകയാണ് ചെയ്തത്.

ഏറ്റവും കൂടുതൽ തവണ ബ്ലസ്ലിയുടെ വീട്ടുകാരെ പറഞ്ഞിട്ടുള്ളത് ഡെയ്സിയാണ്. മുമ്പും ബ്ലസ്ലിയുടെ വീട്ടുകാരെ പറയുന്ന ഡെയ്സിയുട വീഡിയോ വൈറലായിരുന്നു. ഇപ്പോൾ പഴയ തെറ്റ് വീണ്ടും ഡെയ്സി ആവർത്തിച്ചതോടെ പ്രേക്ഷകർ ഡെയ്സിക്കെതിരെ രം​ഗത്തെത്തി.

അക്കൂട്ടത്തിൽ മുൻ ബി​ഗ് ബോസ് താരം ഡിംപൽ ഭാലും ഡെയ്സിക്കെതിരെ ശക്തമായ നടപടി ആവശ്യപ്പെട്ട് വീഡിയോ പങ്കുവെച്ചിട്ടുണ്ട്.

വീഡിയോയിൽ ഡിംപൽ പറയുന്നത് ഇങ്ങനെയാണ്.... 'കഴിഞ്ഞ ദിവസം ഡെയ്സി ഡേവിഡ് അവളുടെ പരിതി ലംഘിച്ചിരിക്കുന്നു. ബ്ലസ്ലിയുെട മരിച്ചുപോയ അച്ഛൻ, അമ്മ, പെങ്ങൾ എന്നിവരെയെല്ലാം ഡെയ്സി മോശമായി പരാമർശിച്ചു.'

'മരിച്ചുപോയ അച്ഛനെ വലിച്ചിഴച്ചത് ഒട്ടും ശരിയായ ഒന്നായിരുന്നില്ല. ഡെയ്സി ഇതിന് മറുപടി പ്രേക്ഷകരോട് പറയണം. വാ തുറന്നാൽ ഡെയ്സിയുടെ നാവിൽ നിന്നും വരുന്നത് ഇത്തരം വാക്കുകളാണ്. ഇത്തരം പ്രവണത ചാനലും ചോദ്യം ചെയ്യണം.'

'ഡെയ്സിക്ക് കൃത്യമായ താക്കീത് പോലും നൽക്കാത്തത് വേദന ജനിപ്പിക്കുന്നുണ്ട്' എന്നാണ് സോഷ്യൽമീ‍ഡിയയിൽ പങ്കുവെച്ച വീ‍ഡിയോയിൽ ഡിംപൽ ഡെയ്സിക്കെതിരെ പറഞ്ഞത്.

Recommended Video

Santhwanam hari's Life, ഒരുപാട് കഷ്ടപ്പെട്ടിട്ടുണ്ട്.. രക്ഷപെട്ടത് ഇങ്ങനെ | Filmibeat Malayalam

സപ്പോർട്ട് ബ്ലസ്ലി, ബി​ഗ് ബോസ് ഡെയ്സിയെ പുറത്താക്കണം, സ്റ്റോപ്പ് പാരന്റ്സ് ഷെയ്മിങ് തുടങ്ങിയ ഹാഷ്ടാ​ഗുകൾക്കൊപ്പമാണ് ഡിംപൽ ഭാൽ വീഡിയോ പങ്കുവെച്ചത്. ഡിംപലിന്റെ വീഡിയോയെ അനുകൂലിച്ച് നിരവധിപേർ രം​ഗത്തെത്തിയിട്ടുണ്ട്.

സോഷ്യൽമീഡിയ പേജിൽ ഡെയ്സിക്കെതിരെ പ്രത്യക്ഷപ്പെട്ട കുറിപ്പിൽ ഒന്ന് ഇങ്ങനെയായിരുന്നു... 'ഇതൊരു ഗെയിം ഷോ അല്ലെ...? ഇതിൽ എന്തെങ്കിലും പ്രകോപനം ഉണ്ടായാൽ വീട്ടിൽ ഇരിക്കുന്ന അമ്മയും പെങ്ങളും അച്ഛനും അമ്മൂമ്മയും വരെ ഇവിടെ കഥാപാത്രങ്ങളാകുന്നുണ്ട്.'

'ബ്ലസ്ലിയുടെ ഭാഗത്ത് നിന്നും യാതൊരു മോശം സംസാരവും ഉണ്ടാകാത്ത സമയത്താണ് ഡെയ്സി ബ്ലസ്ലിയുടെ വീട്ടിൽ ഇരിക്കുന്നവരെ വിളിച്ച് സംസാരിച്ചത്. ഡെയ്‌സി ഇത്തരം വില കുറഞ്ഞ വാക്കുകൾ ഇനി ആവർത്തിക്കില്ല എന്നത് ലാലേട്ടൻ ഉറപ്പ് വരുത്തണം' എന്നായിരുന്നു കുറിപ്പ്.