'ദിൽഷ സമ്മതം പറഞ്ഞാൽ ഞാനും സന്തോഷിക്കും, പക്ഷെ തീരുമാനം അവളുടേതാണ്, നിർബന്ധിക്കില്ല'; റോബിൻ

പുറത്ത് പിആറിനെ ഏൽപ്പിച്ചിട്ട് വീട്ടിൽ വന്ന് ഷോ കാണിക്കുകയാണ് റോബിനെന്നാണ് റിയാസ് പ്രധാനമായും ഉന്നയിച്ചിരുന്ന ആരോപണം. എഴുപത് ദിവസത്തോട് സീസൺ ഫോർ അടുത്തപ്പോഴാണ് റോബിൻ പുറത്താക്കപ്പെട്ടത്. റോബിൻ പോയതിന് പിന്നാലെ ജാസ്മിനും ഷോയിൽ നിന്നും പുറത്ത് പോയിരുന്നു.

റോബിനെ ബി​ഗ് ബോസ് തിരികെ കൊണ്ടുവരുമെന്ന സംശയം വന്നപ്പോഴാണ് ജാസ്മിൻ‌ സ്വയം ഷോ ക്വിറ്റ് ചെയ്ത് പുറത്ത് പോയത്. റോബിൻ വീട്ടിൽ ഏറ്റവും കൂടുതൽ കമ്പനി ദിൽഷയും ബ്ലെസ്ലിയുമായിട്ടായിരുന്നു.

ദിൽഷയോട് തനിക്ക് പ്രണയമുണ്ടെന്ന് റോബിൻ പലപ്പോഴായി പറയുകയും ചെയ്തിരുന്നു. എന്നാൽ ദിൽഷ ആ പ്രണയം സ്വീകരിച്ചിട്ടില്ല.

റോബിനെപ്പോലെ തന്നെ ബ്ലെസ്ലിയും ദിൽഷയോട് പ്രണയം പറഞ്ഞിരുന്നു. പക്ഷെ ബ്ലെസ്ലിക്ക് തന്നെക്കാൾ പ്രായം കുറവാണ് എന്നതിനാൽ ദിൽഷ പ്രണയം നിരസിച്ചു. റോബിൻ പോയപ്പോൾ വീട്ടിൽ ഏറ്റവും കൂടുതൽ സങ്കടപ്പെട്ടത് ദിൽഷയായിരുന്നു.

റോബിൻ പുറത്താകാൻ കാരണക്കാരായ ജാസ്മിനോടും റിയാസിനോടും പിന്നീട് പകരം വീട്ടുകയും ചെയ്തിരുന്നു ദിൽഷ. റോബിൻ പോയതിൽ ദിൽഷയ്ക്ക് ഇപ്പോഴും സങ്കടമുണ്ട്. അതെ കുറിച്ച് പലപ്പോഴായി ദിൽഷ പറയുകയും ചെയ്തിരുന്നു.

അടുത്തിടെ നടന്ന സ്പോൺസേർഡ് ടാസ്ക്കിനിടെയും ദിൽഷ സംസാരിച്ചത് റോബിനെ കുറിച്ചാണ്. അതേസമയം ദിൽ‌ഷ പുറത്ത് വന്ന് റോബിന്റെ പ്രണയം സ്വീകരിച്ച് ഇരുവരും വിവാഹിതരാകുന്നത് പ്രതീക്ഷിച്ചാണ് ദിൽറോബ് ഫാൻസ് കഴിയുന്നത്. ‍

കഴിഞ്ഞ ദിവസം ഒരു പൊതുപരിപാടിയിൽ പങ്കെടുക്കാൻ പോയപ്പോൾ ദിൽഷയെ കല്യാണം കഴിക്കുമോ എന്ന ചോദ്യത്തിന് റോബിൻ നൽകിയ മറുപടിയാണ് ഇപ്പോൾ വൈറലാകുന്നത്.

'ദിൽഷ സമ്മതം പറഞ്ഞാൽ താനും സന്തോഷിക്കുമെന്നും പക്ഷെ തീരുമാനം അവളുടേതാണ് നിർബന്ധിക്കില്ലെന്നുമാണ് റോബിൻ പറഞ്ഞത്. ദിൽഷ ഇപ്പോൾ ഷോയിലാണ് ഉള്ളത്. ഞങ്ങൾ ഇപ്പോൾ ബെസ്റ്റ് ഫ്രണ്ട്സ് എന്ന രീതിയിലാണ്. രണ്ടുപേരും പ്രായപൂർത്തിയായവരാണ്.'

'ഷോയൽ വെച്ച് അല്ല ഇത്തരം കാര്യങ്ങൾ പറയേണ്ടതും തീരുമാനിക്കേണ്ടതും. ഇനി ഒരു ആഴ്ച കൂടി മാത്രമെയുള്ളൂ. അതുകഴിഞ്ഞ് അവൾ പുറത്ത് വരും. ശേഷം ഞങ്ങൾ രണ്ടുപേരും സംസാരിക്കും. ലൈഫിന്റെ കാര്യമല്ലേ?. അവൾക്ക് സമ്മതമാണെങ്കിൽ‌ വിവാഹം കഴിക്കും.'

Recommended Video

Dr. Robin On His Angry Behavior | ബിഗ് ബോസിലെ വിന്നര്‍ ഞാന്‍ തന്നെ | *Interview | FilmiBeat

'അവളുടെ തീരുമാനത്തിനാണ് പ്രാധാന്യം. അതെല്ലം പരി​ഗണിച്ചാലെ പറ്റൂ. വിവാഹം വേണ്ടെന്ന് പറയുകയാണെങ്കിൽ അതിനും സമ്മതാണ്.'

'മുന്നോട്ട് പോകാമെന്നാണ് പറയുന്നതെങ്കിൽ കുറച്ച് കൂടി സന്തോഷം വരും' റോബിൻ പറയുന്നു. റോബിൻ പുറത്തായതോടെ റോബിന് വേണ്ടി വീട്ടിൽ സംസാരിക്കുകയും മത്സരിക്കുകയും ചെയ്യുന്ന ദിൽഷയ്ക്ക് റോബിൻ ഫാൻസിന്റെ പിന്തുണ ലഭിക്കുന്നുണ്ട്.