ബി​ഗ് സീസൺ ഫോർ ഫിനാലെ തിയ്യതി പുറത്ത്, വരാനിരിക്കുന്നത് ഫാമിലി വീക്കും, മത്സരാ‍ഥികളുടെ റീ എൻട്രിയും!

അ‍ഞ്ച് പേർ തമ്മിലാണ് ഫിനാലെ മത്സരം നടക്കുക. അതിനാൽ തന്നെ ഒരാളായിരിക്കും ടൈറ്റിൽ വിന്നർ. ഫിനാലെ ജൂലൈ മൂന്ന് നടക്കുമെന്നാണ് റിപ്പോർട്ട്.

അതിനുള്ള അവസാന ഘട്ടത്തിലേക്ക് സീസൺ ഫോർ എത്തി കഴി‍ഞ്ഞു. ഇനി വരുന്ന ദിവസങ്ങളിൽ വീട്ടിൽ‌ അവശേഷിക്കുന്ന മത്സരാർഥികളുടെ കുടുംബാം​ഗങ്ങൾ അവരെ കാണാനായി ബി​ഗ് ബോസ് ഹൗസിലേക്ക് എത്തിയേക്കും.

ആദ്യത്തെ സീസണിൽ മത്സരാർഥികൾക്ക് കുടുംബാം​ഗങ്ങളെ വീഡിയോകോൾ ചെയ്യാനുള്ള അവസരമായിരുന്നു നൽകിയത്. അതിനുശേഷം നടന്ന രണ്ട് സീസണും പാതി വഴിയിൽ മുടങ്ങിയതിനാൽ പ്രേക്ഷകർക്ക് ഫിനാലെ വീക്ക് എത്തരത്തിലുള്ളതായിരിക്കുമെന്ന് കാണാൻ‌ സാധിച്ചിരുന്നില്ല. അതിനാൽ തന്നെ ഈ സീസണിലെ ഫാമിലി വീക്ക് കാണാനാണ് പ്രേക്ഷകർ കാത്തിരിക്കുന്നത്.

കുടുംബാം​ഗങ്ങൾ നേരിട്ട് വരുമ്പോൾ തങ്ങൾ എത്തരത്തിലാണ് മത്സരിക്കുന്നത് സംബന്ധിച്ച് മത്സരാർഥികൾക്ക് ചെറിയൊരു രൂപം കിട്ടും. മറ്റ് ഭാഷകളിൽ ഫിനാലെ വീക്കിലെ കുടുംബാം​ഗങ്ങളുടെ വരവിനൊക്കെ വലിയ സ്വീകാര്യതയാണ് ലഭിക്കാറുള്ളത്.

മത്സരാർഥികളുടെ കുടുംബാം​ഗങ്ങൾക്ക് പുറമെ സീസണിൽ നേരത്തെ പുറത്തായ മത്സരാർഥികൾ റീ എൻട്രിയായി എത്തിയേക്കും. ഫിനാലെയ്ക്ക് ഒരു ദിവസം ശേഷിക്കെയായിരിക്കും പുറത്തായ മത്സരാർഥികളുടെ റീ എൻട്രികൾ സംഭവിക്കുക.

എല്ലാം കൊണ്ടും സീസൺ ഫോറിന്റെ വരും ദിവസങ്ങൾ ആവേശം നിറഞ്ഞതായിരിക്കും. ടിക്കറ്റ് ടു ഫിനാലെയായിരുന്നു കഴിഞ്ഞ ദിവസം വരെ വീട്ടിൽ‌ നടന്നുകൊണ്ടിരുന്നത്. പത്ത് ടാസ്ക്കുകളാണ് ടിക്കറ്റു ഫിനാലെയ്ക്കായി ബി​ഗ് ബോസ് നൽകിയത്.

Recommended Video

Dr. Robin About Jasmine | ജീവനെപ്പോലെ സ്നേഹിച്ച ആ ചെടിച്ചട്ടി പൊട്ടിയപ്പോൾ | *Interview | FilmiBeat

അതിൽ പത്തിലും നല്ല പോയിന്റുകൾ നേടി ​ദിൽഷ പ്രസന്നനാണ് ഫിനാലെയിൽ പങ്കെടുക്കാനുള്ള ടിക്കറ്റ് ടു ഫിനാലെ നേടിയെടുത്തത്. ടിക്കറ്റ് ടു ഫിനാലെ നേടിയതിനാൽ അടുത്ത ആഴ്ചയിലെ നോമിനേഷനിൽ നിന്നും ദിൽഷ മുക്തി നേടി.

ഇപ്പോഴത്തെ വോട്ടിങ് നിലവെച്ചും ആളുകളിലുണ്ടാക്കിയ സ്വാധീനവും വെച്ച് നോക്കുമ്പോൾ വിനയ് ഈ ആഴ്ച പുറത്താകാനുള്ള സാധ്യത വളരെ കൂടുതലാണ്. ധന്യയാണ് ഇപ്പോൾ വീട്ടിലെ ക്യാപ്റ്റൻ.

ക്യാപ്റ്റനായാലും പക്ഷെ പതിമൂന്നാം ആഴ്ചയിലെ നോമിനേഷനിൽ നിർബന്ധമായും പങ്കെടുക്കണം. അതിനാൽ തന്നെ ഇനിയുള്ള ദിവസങ്ങൾ മത്സരാർഥികൾക്ക് നിർണായകമാണ്.