രണ്ടവന്മാർ വന്ന് കയറിയ അന്നുമുതൽ തുടങ്ങി; വിനയുമായുള്ള വഴക്ക് ലക്ഷ്മിപ്രിയക്ക് ഗുണം ചെയ്യുമോ

ബിഗ് ബോസ് വീട്ടിൽ ഇരുവരും വന്ന രണ്ടാം ദിവസം തന്നെ റിയാസ് റോബിനുമായി വഴക്ക് കൂടുകയാണ് ഉണ്ടായത്. തുടർന്നുള്ള ദിവസങ്ങളിൽ ബിഗ് ബോസ് വീട് ഒരു പൂരപ്പറമ്പായി മാറുകയായിരുന്നു.

പലപ്പോഴും പല കുഞ്ഞ് കാര്യങ്ങൾക്കും വീട്ടിനുള്ളിൽ വലിയ വഴക്കുകൾ ഉണ്ടായിക്കൊണ്ടിരുന്നു. റിയാസ് വഴക്കുകൾ ഉണ്ടാക്കിയിരുന്നപ്പോൾ വിനയ് ഒരു പരിധിവരെ സമാധാനമായി മുന്നോട്ട് പോയി. ഇടക്കി ഒരിക്കൽ സുചിത്രയുമായി പ്രശ്നങ്ങൾ ഉണ്ടാക്കിയത് ഒഴിച്ചാൽ വിനയ്യുടെ ഭാഗത്ത് നിന്നും വലിയ വഴക്കുകളൊന്നും ബിഗ് ബോസ് വീട്ടിൽ ഉണ്ടായിട്ടില്ല.

റോബിനും ജാസ്മിനും ബിഗ് ബോസ് വീട്ടിൽ നിന്നും പോകുന്നത് വരെ വീട്ടിൽ വഴക്കുകൾ നടന്നിരുന്നത് ഇവർ മൂന്നുപേർക്കും ഇടയിലാണ്. എന്നാൽ റോബിനും ജാസ്മിനും പടി ഇറങ്ങിയതോടെ കാര്യങ്ങൾ ആകെ മാറി മറിഞ്ഞു. ദിൽഷ ധന്യ ലക്ഷ്മിപ്രിയ വിനയ് എന്ന് തുടങ്ങി ബിഗ് ബോസ് വീട്ടിലെ എല്ലാ മത്സരാർഥികളും ആക്റ്റീവ് ആയി വീട്ടിൽ കളിക്കുന്ന കാഴ്ചയാണ് തുടർന്ന് കാണാൻ സാധിച്ചത്.

ഇന്ന് ഈ ആഴ്ചത്തെ നോമിനേഷനായി മത്സരാർത്ഥികളെ തിരഞ്ഞെടുത്തു. ധന്യ, റൊൺസൺ, വിനയ് എന്നിവരാണ് ഈ ആഴ്ചത്തെ എവിക്ഷൻ ലിസ്റ്റിൽ എത്തിയിട്ടുള്ളത്. മൂവരുടെയും പേരുകൾ ബിഗ് ബോസ് പറഞ്ഞതിന് പിന്നാലെ ബി ബി ന്യൂസ് നടത്തി. ബ്ലെസ്ലിയും റിയാസും നടത്തിയ ന്യൂസിൽ ലക്ഷ്മിപ്രിയയെ പ്രകോപിപ്പിക്കുന്ന തരത്തിൽ സംസാരം ഉണ്ടായി.

ബി ബി ന്യുസിൽ റിയാസ് പറഞ്ഞ കാര്യങ്ങൾ ലക്ഷ്മിപ്രിയക്ക് ഇഷ്ടപ്പെടാതെ വരുകയും തുടർന്ന് ന്യുസിന് ശേഷം അത് സംസാര വിഷയം ആവുകയും ചെയ്തു. സൂരജിന് ലക്ഷ്മിപ്രിയ സംസാരിക്കാൻ സ്പെയ്സ് കൊടുക്കുന്നില്ല എന്നായിരുന്നു റിയാസ് ഉന്നയിച്ച ആരോപണം. ഇതിൽ ഇരുവരും തമ്മിൽ വലിയ വഴക്ക് നടന്നു. വഴക്കിനിടെ റിയാസും വീണയും വൈൽഡ് കാർഡ് ആയി എത്തിയത് മുതൽ വീട്ടിൽ നിന്ന മറ്റു മത്സരാർത്ഥികൾക്ക് ഒരു വിലയും ഇല്ല എന്ന് ലക്ഷ്മിപ്രിയ പറയുകയുണ്ടായി.

Recommended Video

Dr. Robin About Jasmine | ജീവനെപ്പോലെ സ്നേഹിച്ച ആ ചെടിച്ചട്ടി പൊട്ടിയപ്പോൾ | *Interview | FilmiBeat

ഇത് വിനയ് മാധവിനെ ചൊടിപ്പിക്കുകയായിരുന്നു. തുടർന്ന് ഇരുവരും തമ്മിൽ വഴക്കായി മുൻപൊന്നും കാണാത്ത വിധം ലക്ഷ്മിപ്രിയ ദേഷ്യപ്പെടുകയും വീണയുടെ നേർക്ക് തുപ്പുകയുമെല്ലാം ചെയ്തു.

ലക്ഷ്മിപ്രിയക്ക് വല്ലാത്ത സ്വഭാവ വൈകൃതമാണെന്ന് വിനയ് മാധവ് പറഞ്ഞു. തുടർന്ന് റിയാസും വിനയ് മാധവും ചേർന്നു ലക്ഷ്മിപ്രിയയെ കളിയാക്കുകയും പ്രകോപിപ്പിക്കുകയും ചെയ്യുന്ന കാഴ്ചയാണ് കാണാൻ സാധിച്ചത്.

ഷോ അതിന്റെ അവസാന ഘട്ടത്തിലേക്ക് എത്തി നിൽക്കുമ്പോൾ, ലക്ഷ്മിപ്രിയക്ക് ആരാധകർ ഏറുകയാണ്. ഇന്നത്തെ സംഭവത്തിനു ശേഷം ലക്ഷ്മിപ്രിയയെ പിന്തുണച്ചു കൊണ്ട് നിരവധി ആരാധകരാണ് രംഗത്ത് വരുന്നത്. വിനയ് മാധവിന് എപ്പൊഴും "ചെലപ്പു എന്നോട് വേണ്ടാ" എന്ന ഡയലോഗ് മാത്രമേ ഉള്ളുവെന്നും പ്രേക്ഷകർ പറയുന്നു.

ഈ ആഴ്ചത്തെ എവിക്ഷൻ ലിസ്റ്റിലും വന്ന സ്ഥിതിക്ക് പുറത്ത് പോകാതിരിക്കാൻ വിനയ് കാണിക്കുന്ന പ്രകടനങ്ങൾ ആണ് ഇതൊക്കെയെന്നും പ്രേക്ഷകർ അഭിപ്രായപ്പെടുന്നു.