'കല്യാണം വീട്ടുകരോട് ആലോചിച്ച് നമുക്ക് നടത്താം'; കളിയാക്കിയ റിയാസിന്റെ മുമ്പിൽ വെച്ച് റോബിനോട് ദിൽഷ!

'റോബിന് എന്നെ ഇഷ്ടമാണെങ്കിൽ പുറത്തിറങ്ങിയ ശേഷം വീട്ടുകാരോട് ആലോചിച്ച് നമുക്ക് വേണ്ടത് കല്യാണം നടത്താം' എന്നാണ് ദിൽഷ റോബിനോട് പറഞ്ഞത്. ദിൽഷ അത്തരത്തിൽ ഒരു മറുപടി പറയുമെന്ന് റിയാസും പ്രതീക്ഷിച്ചിരുന്നില്ല.

റിയാസിനെ റോബിൻ തല്ലിയശേഷം എല്ലാവരും റോബിനെ കുറ്റപ്പെടുത്തിയപ്പോൾ റോബിൻ പോകുന്നവരേയും ഇപ്പോഴും ദിൽഷ കുറിക്കുകൊള്ളുന്ന മറുപടി മറ്റുള്ളവർക്ക് നൽകി റോബിന് വേണ്ടി വാദിക്കുന്നുണ്ട്.

ബ്ലെസ്ലിയും റോബിന് വേണ്ടി ജാസ്മിനോടും റിയാസിനോടും പ്രതികാരം ചെയ്യാൻ ആരംഭിച്ചിട്ടുണ്ട്. വന്ന ആദ്യ ആഴ്ച തന്നെ ദിൽഷയോട് തനിക്ക് പ്രണയമുണ്ടെന്ന് റോബിൻ വ്യക്തമാക്കിയിരുന്നു.

ദിൽഷയോടും റോബിൻ ഇത് പറഞ്ഞിരുന്നു. അപ്പോഴൊന്നും ​ഗെയിമിനുള്ളിൽ ആയതിനാൽ റോബിനെ ഇപ്പോൾ ഒരു സുഹൃത്തായി മാത്രമെ കാണാൻ സാധിക്കൂവെന്നാണ് ദിൽഷ പറഞ്ഞത്.

റിയാസ് വീട്ടിലേക്ക് വൈൽഡ് കാർഡായി വന്നപ്പോൾ ആദ്യം പ്രശ്നം സൃഷ്ടിച്ചതും റോബിനും ​ദിൽഷയുമായിട്ടാണ്. ​ദിൽഷയ്ക്ക് ​ഗെയിം കളിക്കാൻ അറിയില്ലെന്നും റോബിനും ബ്ലെസ്ലിയുമില്ലെങ്കിൽ ദിൽഷ ഒന്നുമല്ലെന്നും ട്രയാങ്കിൾ ലവ് കളിച്ച് വോട്ട് സമ്പാദിക്കാനാണ് ദിൽഷ ശ്രമിക്കുന്നതെന്നുമാണ് റിയാസ് ആരോപിച്ചത്.

അന്ന് നടന്ന വഴക്കിന് ശേഷമാണ് റോബിന് ലാസ്റ്റ് വാണിങ് മോഹൻലാൽ നൽകിയത്. ബ്ലെസ്ലിയും ദിൽഷയോട് പ്രണയം പറഞ്ഞിരുന്നു. പക്ഷെ അതും ദിൽഷ നിരസിക്കുകയായിരുന്നു.

തന്നെക്കാൾ പ്രായം കുറഞ്ഞ ഒരാളെ വിവാഹം കഴിക്കാൻ താൽപര്യമില്ലെന്നും അതുകൊണ്ട് ബ്ലെസ്ലി എന്നും തന്റെ അനിയനായിരിക്കുമെന്നുമാണ് ദിൽഷ പറഞ്ഞത്.

Recommended Video

പ്രണയം കാരണം ദിൽഷയെ തിരിച്ചുവിളിച്ചോ? സത്യം അനിയത്തി പറയുന്നു | Dilsha's Sister Reveals | #Interview

പ്രണയം നിരസിച്ചിട്ടും മൂന്ന് പേരും ഉറ്റ സുഹൃത്തുക്കളെപ്പോലെയാണ് വീട്ടിൽ കഴിഞ്ഞിരുന്നത്. ദിൽഷയുമായുള്ള പ്രണയത്തിന്റെ പേരിൽ ബ്ലെസ്ലിയോട് അസൂയയുണ്ടെങ്കിലും ബ്ലെസ്ലിക്ക് എന്തെങ്കിലും സംഭവിച്ചാൽ താൻ ചുമ്മാ നോക്കിനിൽക്കില്ലെന്നും ഇടപെടുമെന്നും റോബിൻ മുമ്പൊരിക്കൽ ലക്ഷ്മിപ്രിയയോട് പറഞ്ഞിരുന്നു.

അത് തന്നെയാണ് ബ്ലെസ്ലി ഇപ്പോൾ റോബിന് വേണ്ടിയും ചെയ്യുന്നത്. റോബിനെ പുറത്താക്കിയവരോട് തന്നാൽ കഴിയുമ്പോലെ പ്രതികാരം ചെയ്യുകയാണ് ബ്ലെസ്ലി. റോബിൻ പുറത്തായതോടെ ജാസ്മിൻ, റിയാസ് എന്നിവർക്ക് പുറത്തുള്ള ഹേറ്റേഴ്സിന്റെ എണ്ണം കൂടി വരികയാണ്.

ഫൈനൽ ഫൈവ് കാണാതെ ജാസ്മിനും റിയാസും പുറത്താകാനാണ് സാധ്യത. ഇരുവരുടേയും ഓരോ ചെറിയ തെറ്റും ബ്ലെസ്ലിയും ദിൽഷയും സസൂക്ഷ്മം നിരീക്ഷിക്കുന്നുണ്ട്.